USD
EUR
RUB

Ամփոփվեց Հայ կոմպոզիտորական արվեստի 11-րդ փառատոնը

 

ԵՐԵՎԱՆ, 26 ՓԵՏՐՎԱՐԻ, Irates.am: Տարբեր ժամանակների հայ կոմպոզիտորների ստեղծագործությունների ներկայացմամբ ամփոփվեց Հայ կոմպոզիտորական արվեստի 11-րդ փառատոնը‚ որը նվիրված էր Ալեքսանդր Հարությունյանի 100-ամյա հոբելյանին։ Հայաստանի պետական սիմֆոնիկ նվագախումբը՝ դիրիժոր Սերգեյ Սմբատյանի ղեկավարությամբ‚ կատարեց հատվածներ Էդգար Հովհաննիսյանի «Մարմար» սյուիտից‚ Երվանդ Երկանյանի «Բաալբեկի ավերակները» սիմֆոնիկ պոեմը‚ Ժիրայր Շահրիմանյանի «Երեք շարժում» ստեղծագործությունը՝ գրված սիմֆոնիկ նվագախմբի համար‚ և Էդվարդ Միրզոյանի «Լոռեցի Սաքոն» սիմֆոնիկ պոեմը‚ որի կատարումը նվիրվեց Էդվարդ Միրզոյանի կնոջ՝ Ելենա Միրզոյանի հիշատակին։ Փառատոնային նախորդ 3 համերգները նվիրված էին Ալեքսանդր Հարությունյանի արվեստին։

Հայաստանի պետական սիմֆոնիկ նվագախմբի տնօրեն Սարգիս Բալբաբյանը նշեց‚ որ Հայ կոմպոզիտորական արվեստի փառատոնի նպատակն է հնչեցնել‚ թվայնացնել‚ ձայնագրել և տեսագրել հայ կոմպոզիտորների ստեղծագործությունները‚ հանրահռչակել դրանք և ամենակարևորը՝ ներկայացնել երաժշտական ժառանգությունը‚ որ մենք ստացել ենք՝ 19-րդ դարի վերջերից սկսած։ Նվագախմբի տնօրենն ընդգծեց‚ որ կան շատ ստեղծագործություններ‚ որ փառատոնի կազմակերպիչները բացահայտում են ու ներկայացնում ունկնդիրներին։

Կոմպոզիտոր Ժիրայր Շահրիմանյանը նշեց‚ որ «Երեք շարժում» ստեղծագործությունը գրել է 2014 թվականի աշնանը և կատարվում է առաջին անգամ։ Կոմպոզիտորը նկատեց‚ որ համագործակցության փորձ ունի Հայաստանի պետական սիմֆոնիկ նվագախմբի հետ։ «Շատ ուրախ եմ համագործակցության համար. ինձ շատ հոգեհարազատ է Հայաստանի պետական սիմֆոնիկ նվագախումբը‚ մեր գործակցությունը շատ հարթ է ընթանում։ Սերգեյ Սմբատյանը շատ ուշադիր է ժամանակակից կոմպոզիտորների‚ նրանց ցանկությունների‚ մեկնաբանությունների նկատմամբ‚ և նվագախումբը շատ արագ արձագանքում է»‚- ասաց Ժիրայր Շահրիմանյանը։

Նա‚ խոսելով հայկական երաժշտության մասին‚ նկատեց‚ որ այն գտնվում է Արևելքի և Արևմուքի մշակութային ավանդույթների խաչմերուկում‚ ուստի սինթեզում է արևելյան ու արևմտյան մշակույթների հարստությունը. «Հայ կոմպոզիտորների‚ գրողների‚ նկարիչների մշակութային ժառանգության մեջ դա նշմարվում է։ Իմ երաժշտությունը բացառություն չէ։ Իսկ ընդհանրապես յուրաքանչյուր կոմպոզիտոր ունի իր ձեռագիրը‚ և եթե նրա աշխատանքն առանձնահատուկ է‚ ապա կսիրվի ու կհիշվի ունկնդրի կողմից»։
Հիշեցնենք‚ որ Հայ կոմպոզիտորական արվեստի փառատոնը կյանքի է կոչում Հայաստանի պետական սիմֆոնիկ նվագախումբը (գեղարվեստական ղեկավար և գլխավոր դիրիժոր՝ Սերգեյ Սմբատյան)՝ ՀՀ կրթության‚ գիտության‚ մշակույթի և սպորտի նախարարության աջակցությամբ։

Լրահոս
Արարատ Մկրտումյան. Չէ, ինչու հարբած Աշոտ Ավդալյան. Եվ երգն էր ծաղիկ Հրաչյա Սարուխան. Մելամաղձոտ քաղաք Իմ Հայաստան Կանադայում նկարահանել են առաջին ֆիլմը կորոնավիրուսի մասին Առանց սիրո... Բագրատ Սրբազանի ուղերձը սահմանագոտու լարվածության առիթով Խաչատուր Աբովյանի տուն-թանգարանը հորդորում է մնալ տանն ու Աբովյան ընթերցել Մահացել է «Պոկրովյան դարպասներ» պիեսի հեղինակ, դրամատուրգ Լեոնիդ Զորինը Տրետյակովյան պատկերասրահն առաջին անգամ ներկայացրել է ցուցահանդեսների ֆոտոարխիվը Ի՞նչ կապ ուներ Գագարինը Ելիզավետա թագուհու, Ջինա Լոլոբրիջիդայի եւ Պիեխայի հետ Կյանքից հեռացել է օպերային թատրոնի երգչախմբի երգչուհի Աննա Սարդարյանը Եկեղեցին և պետությունը Խորեն Աբրահամյանի ծննդյան օրն է Սիլվա Կապուտիկյան․ Քեզ, հայ հոգի Կրասնոդարի օդանավակայանում բացվել է Հաղթանակի 75-ամյակի ցուցահանդեսը Դանիել Վարուժան․ Ալիշանի շիրմին առջև «Ան­մա՞հ է այն գոր­ծը, ո­րի հա­մար ես մե­ռա» Աղանդ­նե­րը ա­նօ­րեն ու ան­բա­րո նկա­րա­գիր ու­նեն 3 հայտնի նկարներ և դրանց ստեղծման հիմքում ընկած պատմությունները Ալ. Սպենդիարյանի տուն թանգարանը «Պատառիկներ նամակներից» շարքով նորովի է բացահայտում կոմպոզիտորին Մարդուն շնորհված մեծագույն բացահայտումը Բանքսիի աշխատանքը հաջողությամբ վաճառվել են աճուրդում Հատուկ չվերթ՝ Կալկաթայի Հայոց Մարդասիրական ճեմարանի սաներին ու ուսուցիչներին Հայաստան տեղափոխելու համար Ամերիկացի ուսանողների՝ Հայաստան ճանապարհորդության մասին սերիալը հավակնում է «Էմմիի» Համո Սահյան․ Երեխայի պես Վիլյամ Սարոյան. «Աղոթք» Ռազմիկ Դավոյան․ Վիլյամ Սարոյանին Դանիել Վարուժան. Երնում Ցավակցագիր Պատրիկ Դևեջյանի մահվան կապակցությամբ «Դժվար է պատկերացնել աշխարհն առանց նրա» Հայաստանի պետական սիմֆոնիկ նվագախմբի կատարումը՝ նվիրված բուժաշխատողներին Չարենցի տուն-թանգարանը գրողի հոբելյանին ընդառաջ կազմակերպում է գրական- ստեղծագործական մրցույթ Սաղմոս ՃԻԵ Միկրոսկոպիկ մի բացիլ ծնկի բերեց ողջ մարդկությանը. Ոչ թե Արարիչն է պատժել, այլ մենք ենք մեզ պատժել Մահացել է Հայաստանի բարեկամ կոմպոզիտոր Քշիշտոֆ Պենդերեցկին Պատմություն սիրո և վարակի. Դավիթ Սամվելյանի «Զգուշացեք, դռները չեն փակվում» վիպակը Ալիսա Կիրակոսյան. Քո աչքերի հետ Գուրգեն Մահարի. Հրաժեշտ Հպանցիկություն
website by Sargssyan