Եվրոպան և Ռուսաստանը հետաձգում են դեպի Մարս թռիչքը

ԵՐԵՎԱՆ, 12 ՄԱՐՏԻ, Panorama.am: Ռոսկոսմոսը և Եվրոպական տիեզերական գործակալությունը որոշել են հետաձգել Կարմիր մոլորակի վրա կյանքի հետքեր որոնելու համար նախատեսված «ExoMars-2020» տիեզերանավի գործարկումը մինչև 2022 թվականը։ Այս մասին գրում է «ՏԱՍՍ» գործակալությունը։

Նշվում է, որ Ռոսկոսմոսի պետական կորպորացիան և Եվրոպական տիեզերական գործակալությունը (ESA) որոշել են մինչև 2022 թվական հետաձգել Կարմիր մոլորակն ուսումնասիրելու համար «ExoMars»-ի երկրորդ առաքելության մեկնարկը։