USD
EUR
RUB

Աղոթքի ընթացքում ուշադրության շեղումը

 

- Հա՛յր, երբ իմ խցում աղոթում եմ, անհանգստանում եմ, որ հանկարծ քույրերից մեկը դուռը չբացի, և դա ինձ շեղում է:

- Եթե ես աղոթում եմ, և որևէ մեկը դուռը բացում է, ապա ավելի լավ է կացնով գլխիս խփի, քան ինձ տեսնի աղոթելիս: Ասես թռիչքի ժամանակ թևերդ կոտրեն: Դուք դեռևս հոգևոր վիճակներ չեք վերապրել աղոթքի ժամանակ, որպեսզի հասկանաք, թե ինչ է նշանակում մարդուն անհանգստացնել, երբ նա աղոթում է: Չեք զգացել Աստծու հետ այդ հաղորդակցությունը, երբ մարդն ասես վերանում է երկրից: Եթե իմանայիք, թե դա ինչ է, ապա կհարգեիք ուրիշներին, երբ նրանք աղոթում են: Եթե այդ հոգևոր նրբազգացությունն ունենայիք, ապա կմտածեիք. «Ինչպե՞ս կարող եմ մարդուն կտրել աղոթքից»: Կհասկանայիք, թե ինչ մեծ վնաս եք հասցնում մարդուն և ավելի զգույշ կլինեիք: Զգույշ կլինեիք ոչ թե վախից, այլ մերձավորի հանդեպ հարգանքից, որը հաղորդակցվում է Աստծու հետ: Իսկ եթե հոգևոր նրբանկատություն չկա, ապա թող գոնե աշխարհիկ լինի, լավ իմաստով: Սովորությո՛ւն դարձրեք դուռը թակել և բարձրաձայն ասել. «Մեր սուրբ հայրերի աղոթքներով», որպեսզի մարդը չհուզվի և անընդհատ լարված չլինի: Մի բան է հոգևորապես արթուն լինելը, և մեկ այլ բան՝ շարունակ լարվածությունը. դա շատ է հոգնեցնում:

- Հա՛յր, միգուցե քույրն այդպես է վարվում իր պարզության պատճառո՞վ:

- Ի՞նչ պարզության մասին ես խոսում, եթե քույրերից մեկը մյուսի դուռը թակում է և առանց «Ամեն»-ին սպասելու՝ ներս է մտնում: Չեմ հասկանում՝ ինչպե՞ս եք կարողանում այդկերպ վարվել: Մարդը միգուցե արտասվում է աղոթելիս և չի ուզում, որ իրեն տեսնեն: Եթե ես հարևան խուց եմ գնում և լսում եմ, որ այնտեղ երեկոյան ժամերգություն են կարդում, կարող եմ մեկ ժամ կանգնած մնալ ցրտին, տերողորմյայով աղոթել ու սպասել մինչև վերջացնեն, որպեսզի չանհանգստացնեմ: Ախր լսում եմ, որ մարդիկ երգում են, ուրեմն ինչպե՞ս բաց անեմ դուռը: Ինչպե՞ս ներս մտնեմ: Եթե ներս մտնեմ, նշանակում է դրա իրավունքն ունեմ: Իսկ ո՞վ է ինձ նման իրավունք տվել: Նրանք, միգուցե, նման իրավունք տալիս են ինձ, բայց ես այդպես չեմ անում. դա եսասիրություն է: Ես ո՞վ եմ, որ ուրիշ մարդկանց հաշվի չեմ առնում: Պետք է ներքին նրբանկատություն լինի: Մի անգամ, երբ Սինայում էի ապրում, երկու բեդուին երեխա տեսա՝ տղա և աղջիկ, որ ճամփին կանգնած տերողորմյայով աղոթում էին: Ես զգուշորեն շրջվեցի ու մի փոքր հետ գնացի՝ սպասելով մինչ նրանք կավարտեն աղոթքը, որպեսզի այնուհետև ճանապարհս շարունակեմ, քանի որ այլ ճանապարհ չկար:

Պաիսիոս Աթոսացի

Ռուսերենից թարգմանեց Էմիլիա Ապիցարյանը

Աղբյուր՝ Surbzoravor.am

Լրահոս
Արարատ Մկրտումյան. Չէ, ինչու հարբած Աշոտ Ավդալյան. Եվ երգն էր ծաղիկ Հրաչյա Սարուխան. Մելամաղձոտ քաղաք Իմ Հայաստան Կանադայում նկարահանել են առաջին ֆիլմը կորոնավիրուսի մասին Առանց սիրո... Բագրատ Սրբազանի ուղերձը սահմանագոտու լարվածության առիթով Խաչատուր Աբովյանի տուն-թանգարանը հորդորում է մնալ տանն ու Աբովյան ընթերցել Մահացել է «Պոկրովյան դարպասներ» պիեսի հեղինակ, դրամատուրգ Լեոնիդ Զորինը Տրետյակովյան պատկերասրահն առաջին անգամ ներկայացրել է ցուցահանդեսների ֆոտոարխիվը Ի՞նչ կապ ուներ Գագարինը Ելիզավետա թագուհու, Ջինա Լոլոբրիջիդայի եւ Պիեխայի հետ Կյանքից հեռացել է օպերային թատրոնի երգչախմբի երգչուհի Աննա Սարդարյանը Եկեղեցին և պետությունը Խորեն Աբրահամյանի ծննդյան օրն է Սիլվա Կապուտիկյան․ Քեզ, հայ հոգի Կրասնոդարի օդանավակայանում բացվել է Հաղթանակի 75-ամյակի ցուցահանդեսը Դանիել Վարուժան․ Ալիշանի շիրմին առջև «Ան­մա՞հ է այն գոր­ծը, ո­րի հա­մար ես մե­ռա» Աղանդ­նե­րը ա­նօ­րեն ու ան­բա­րո նկա­րա­գիր ու­նեն 3 հայտնի նկարներ և դրանց ստեղծման հիմքում ընկած պատմությունները Ալ. Սպենդիարյանի տուն թանգարանը «Պատառիկներ նամակներից» շարքով նորովի է բացահայտում կոմպոզիտորին Մարդուն շնորհված մեծագույն բացահայտումը Բանքսիի աշխատանքը հաջողությամբ վաճառվել են աճուրդում Հատուկ չվերթ՝ Կալկաթայի Հայոց Մարդասիրական ճեմարանի սաներին ու ուսուցիչներին Հայաստան տեղափոխելու համար Ամերիկացի ուսանողների՝ Հայաստան ճանապարհորդության մասին սերիալը հավակնում է «Էմմիի» Համո Սահյան․ Երեխայի պես Վիլյամ Սարոյան. «Աղոթք» Ռազմիկ Դավոյան․ Վիլյամ Սարոյանին Դանիել Վարուժան. Երնում Ցավակցագիր Պատրիկ Դևեջյանի մահվան կապակցությամբ «Դժվար է պատկերացնել աշխարհն առանց նրա» Հայաստանի պետական սիմֆոնիկ նվագախմբի կատարումը՝ նվիրված բուժաշխատողներին Չարենցի տուն-թանգարանը գրողի հոբելյանին ընդառաջ կազմակերպում է գրական- ստեղծագործական մրցույթ Սաղմոս ՃԻԵ Միկրոսկոպիկ մի բացիլ ծնկի բերեց ողջ մարդկությանը. Ոչ թե Արարիչն է պատժել, այլ մենք ենք մեզ պատժել Մահացել է Հայաստանի բարեկամ կոմպոզիտոր Քշիշտոֆ Պենդերեցկին Պատմություն սիրո և վարակի. Դավիթ Սամվելյանի «Զգուշացեք, դռները չեն փակվում» վիպակը Ալիսա Կիրակոսյան. Քո աչքերի հետ Գուրգեն Մահարի. Հրաժեշտ Հպանցիկություն
website by Sargssyan