USD
EUR
RUB

Սաղմոս ՃԻԴ

 

Աստիճանների օրհներգություններ

Այս սաղմոսով հայտնում է անսասան հույսի մասին, որ պետք է անսասանություն ունենանք Տիրոջ հանդեպ՝ ասելով.

1. Ո յուսոյ ի Տէր, որպէս լեառն Սիովն, մի սասանեսցի յաւիտեան՝ որ բնակեալն է յԵրուսաղէմ:

Ով ապավինում է Տիրոջը, նման է Սիոն լեռանը, Երուսաղեմում բնակվողը հավիտյան չի սասանվի:

Որևէ ուրիշ լեռան չի նմանեցնում Տիրոջն ապավինածին, այլ՝ Սիոնին, որ բազմաթիվ չարչարանքներ, ավերածություն և այլ բաներ կրեց, սակայն նորից վերաշինվեց: Լեռանը նմանվեցին Դանիելը և երեք մանուկները, թեև գերության մեջ ընկան այլ վայրում, սակայն անսասան մնացին աստվածպաշտության մեջ ինչպես Սիոն լեռը, որ Երուսաղեմի ավերման ժամանակ անսասան մնաց ինչպես որ էր և շարունակում է մնալ Երուսաղեմում: Նաև արդարները պետք է նմանվեն վերին Սիոնին, որտեղ ապականություն չկա:

2. Լերինք շուրջ են զնովաւ. Տէր շուրջ է զժողովրդեամբ իւրով՝ յայսմհետէ մինչև յաւիտեա:

Ինչպես որ նա շրջապատված է լեռներով, այնպես Տերն իր ժողովրդի շուրջն է՝ այսուհետև մինչև հավիտյան:

Երուսաղեմով զգալիներն են հայտնի, իսկ Տիրոջով՝ իմանալիները, որ նրա շուրջն են հավաքվում: Նաև՝ վերին Սիոնով՝ հրեշտակները, որ հրեղեն լեռներ են, և Տերն էլ համախմբում է նրանց՝ այսուհետև մինչև հավիտյան:

3. Ոչ թողու Տէր զգաւազան մեղաւորաց ի վիճակս արդարոց, և արդարք մի ձգեսցեն զձեռս իւրեանց յանօրէնութիւն:

Տերը չի թողնի, որ մեղավորների գավազանը որոշի արդարների վիճակը, և արդարներն իրենց ձեռքերը պիտի չերկարեն անօրինության:

Նկատի ունի հեթանոսների թագավորներին, ըստ այն բանի, թե՝ «Վա՜յ ասորեստանցիներին, որոնց ձեռքին է իմ բարկության ու զայրույթի գավազանը, քանզի իմ բարկությունն անօրեն ազգի վրա պիտի արձակեմ» (Ես. 10:5-6): Նաև չթողնել ասելով նկատի ունի չերկարելը, բայց արդարները իրենց ձեռքերը պիտի չերկարեն անօրինության, քանզի արդարներին վայել չէ նույնիսկ անօրինության որևէ չնչին գործ [կատարել], ինչպես որ չի կարող լույսը միավորվել խավարի հետ:

4. Բարի առնէ Տէր բարեաց. և այնոցիկ, ոյք ուղիղ են որտիւք:

Տերը բարիք է գործում բարիներին և նրանց, որ ուղիղ են սրտով:

Քանզի Տերն արդարություն իմացող է, ընտրողաբար բարիներին բարիով է հատուցում, որոնք արժանի են, ըստ այս խոսքի՝ «Ինչ չափով որ չափում եք, նրանով պիտի չափվի ձեզ համար» (Մատթ. 7:2): Եվ նրանց հանդեպ, ովքեր սրտով ուղիղ են, բարիք է գործում, և նրանց, ովքեր ուղղամիտ են հավատքի մեջ, սակայն գործով չեն կարողանում, ինչպես վիրավոր ու հիվանդ Ղազարոսն էր, որ վշտերն ուղղամտորեն էր կրում:

5. Իսկ զթիւրեալսն յափշտակութեամբ, տանի զնոսա Տէր ընդ այնոսիկ, ոյք գործեն անօրէնութիւն. խաղաղութիւն ի վերայ Իսրայէլի:

Իսկ հափշտակությամբ համակվածներին Տերը կկործանի նրանց հետ, ովքեր անօրինություն են գործում: Խաղաղությո՛ւն Իսրայելին:

Որ ընկերոջ հանդեպ բարիք գործելու փոխարեն մի բան էլ հափշտակում է նրանից՝ շեղվելով օրենքից, Տերը կկործանի նրանց հետ, ովքեր իրենց բնությամբ անօրեն են և գործով չար՝ տանելով դեպի կորուստ և ապականություն, ինչպես Հուդան էր, որ շեղվեց առաքելական պատվից՝ հափշտակելով երեսուն արծաթը, սատանայի և տիրասպանների հետ տանջանքների է մատնվելու: Իսկ օրինապահները, որ միայն նրա օրենքին են նայում և Աստծուն, մշտապես խաղաղության մեջ են, ինչպես Տերը հարությունից հետո ասաց. «Խաղաղություն ձեզ» (Ղուկ. 24:36), և Պողոսն էլ. «Եվ թող խաղաղությունը լինի...Աստծու Իսրայելի վրա» (Գաղ. 6:16):

Վարդան Արևելցի, Մեկնութիւն Սաղմոսացն Դաւթի, Էջմիածին, 1797 թ.

Գրաբարից թարգմանեց Գայանե Թերզյանը

Աղբյուր՝ Surbzoravor.am

Լրահոս
Աշոտ Ավդալյան. Մարմին առ, օր... Դանիել Վարուժան. Ամբարներ Ավագ Հինգշաբթի դուրս կբերվի Սուրբ Գրիգոր Նարեկացու մասունքը Ռուսական թատրոնն առցանց ցուցադրում է խաղացանկից դուրս եկած լավագույն ներկայացումները Նայի՛ր քեզ Նվիրատվություններ ի զորակցություն հայրենիքի Դեռ կգա այս ծանր շրջանը հետահայաց արժեւորելու ժամանակը Սիմֆոնիկ նվագախումբը հրավիրում է Բեթհովենի 9-րդ սիմֆոնիայի առցանց ցուցադրությանը Հայկական դուդուկը ՅՈՒՆԵՍԿՕ-ի ցանկում գրանցվել է 2008 թվականին․ ԿԳՄՍՆ Անդրեա Բոչելլին առցանց համերգ կտա Զատկի օրը Սովորենք գնահատել ու արժևորել մեր ունեցածը Վիլյամ Սարոյան․ Ընկերների մեղքով Ավագ Երեքշաբթի Տեր Գրիգոր քհն. Գրիգորյանի շնորհավորական խոսքն Ավետման տոնի առթիվ Էրեբունուց հայտնաբերված նվիրատվական թիթեղը Հայրապետական Մեր օրհնությունն ու բարեմաղթանքներն ենք հղում տիկնանց և օրիորդաց Սուրբ Աստվածածնի Ավետման տոնի և Մայրության ու գեղեցկության օրվա առիթով Ռուսական արվեստի թանգարանը միացել է աշխահի խոշոր թանգարանների շարժմանը «Ան­մա՞հ է այն գոր­ծը, ո­րի հա­մար ես մե­ռա…» Խզմալյան. Մենք պատրաստում ենք անհատ, տարեց, անժառանգ արվեստագետների ցանկը «Համլետ», «Վենետիկի վաճառականը». շեքսպիրյան լավագույն ներկայացումները` առցանց հարթակում Ճա­նա­չեք գոր­ծե­րի պտուղ­նե­րից Արարատ Մկրտումյան. Սերունդ Դանիել Վարուժան․ Վերադարձ Մաթևոսյան կենտրոնի վերաբերյալ 2019 սեպտեմբերի 18-ի Նիկոլ Փաշինյանի հանձնարարականը չի կատարվել․ Դավիթ Մաթևոսյան Մայր Աթոռ Սուրբ Էջմիածնի հայտարարությունն Ավագ շաբաթվա վերաբերյալ Աստվածածին սուրբ կույս Մարիամի ավետյաց տոն Տասը երկրի թումանյանասեր մանուկներ կներկայացնեն «Սուտասանը» հեքիաթը Տիգրան Համասյանի «ոչՊաշտոնական համերգը»՝ այսօր Լուսին Աթաբեկյան. Լռությունը՝ արատավոր շրջանի սկիզբ Ներսես Աթաբեկյան․ Ոտքը «Ղազարոսի հարությունը». պատկեր և խորհուրդ Ծաղկազարդի տոնին դուրս կբերվի Աստվածամուխ Սուրբ Գեղարդը Պատերազմ և սպանություն Ինչու Ռյազանովը մերժեց Գուրչենկոյին եւ Անդրեյ Միրոնովին 81 տարեկանում մահացել է «Ain't No Sunshine» հիթի հեղինակ և սոուլի աստղ Բիլ Ուիզերսը Որո՞նք են աշխարհի ամենազարմանահրաշ վայրերը Փոքր դերերի մեծ վարպետը. Ազատ Շերենց մարդու եւ դերասանի հմայքի գաղտնիքը մնացել է դեռ չբացահայտված Արարատ Մկրտումյան․ Ես հասկացա․․․ Վրեժ Սարուխանյան. Խանե Սարգիսը Վրաստանում մահացել է երկրի գլխավոր տաճարի ճարտարապետը
website by Sargssyan