USD
EUR
RUB

Բոլորս մի ընտանիք ենք. մարտի 21-ը Տիկնիկավարների միջազգային օրն է

 

ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Տիկնիկային արվեստի գործիչների դերն արժևորելու, նրանց կատարած աշխատանքն առավել կարևորելու նպատակով մարտի 21-ը նշվում է որպես Տիկնիկավարների միջազգային օր:

«Արմենպրես»-ի թղթակցի հետ զրույցում Երևանի Հովհաննես Թումանյանի անվան պետական տիկնիկային թատրոնի տնօրեն և գեղարվեստական ղեկավար Ռուբեն Բաբայանն ասաց, որ տիկնիկային գործիչների շրջանում այսպիսի կարգախոս կա. «Բոլորս մի ընտանիք ենք»: «Դա այդպես է: Տարբեր երկրների, տարբեր ազգությունների տիկնիկային գործիչները շատ ջերմ են միմյանց հանդեպ: Բավական է ուշադիր լինել և նկատել, թե ինչ բարի մթնոլորտ է տիրում տիկնիկային թատրոնների փառատոնների ժամանակ»,-նշեց նա:

Բաբայանի խոսքով՝ վերջին 20-30 տարվա ընթացքում տիկնիկային արվեստը շատ բուռն զարգացում ունի: «Տիկնիկային արվեստն ակտիվ կիրառվում է դրամատիկ արվեստում: Մենք տեսնում ենք բազմաթիվ դրամատիկ ներկայացումներ, որոնցում օգտագործվում են տիկնիկային էլեմենտներ: Տիկնիկի միֆոլոգիական իմաստն է սկսում հասկացվել: Կարծում եմ՝ տոնը ևս մի անգամ առիթ է հիշեցնելու, որ մենք կանք, որ մենք մարդկանց ուրախություն ենք բերում: Տիկնիկային արվեստը գոյություն ունի մոտ 3000 տարի»,-ընդգծեց թատրոնի գեղարվեստական ղեկավարը:

Նա շատ ուրախ է, որ տիկնիկային արվեստը նաև Հայաստանում շատ ու շատ ավելի մարդկանց է հետաքրքրում, ինչի լավագույն ապացույցն այն բազմաթիվ երիտասարդներն են, որոնք ցանկություն ունեն խաղալ Տիկնիկային թատրոնում, բեմադրություններ անել այնտեղ և իրենց կյանքը կապել այս արվեստի հետ:

Անդրադառնալով համաճարակային օրերին Երևանի Հովհաննես Թումանյանի անվան պետական տիկնիկային թատրոնի աշխատանքին՝ Բաբայանն ասաց, որ անպայման անհրաժեշտ է ինչ-որ կերպ պահել կապը հանդիսականի հետ, հատկապես, որ թատրոնը ստեղծված օրվանից՝ 1935 թվականից ոչ մի օր չի դադարեցրել իր գործունեությունը նույնիսկ պատերազմական տարիներին:

Այժմ բեմադրությունները ցուցադվում են թատրոնի «Ֆեյսբուք»-ի պաշտոնական էջում: Մարտի 20-ին առցանց հանդիսատեսին է ներկայացվել «Մատնաչափիկը»: Այն դիտել է 6000 մարդ ոչ միայն Հայաստանում, այլև սփյուռքում: Քանի որ ներկայացումը էջից չի հանվել, մարդիկ շարունակում են նայել այն: Դիտումների թիվը հասել է մոտ 20 հազարի:

Մարտի 22-ին ներկայացնելու են «Ալիսան հրաշքների աշխարհում» բեմադրությունը: Նախատեսում են ցուցադրել Զառա Անտոնյանի «Ամպից պոկված հեքիաթը», «Ծուղրուղու» և այլ մանկական ներկայացումներ: Թատրոնը չի նախատեսում վիրտուալ հարթակում ներկայացնել մեծահասակների համար նախատեսված բեմադրությունները, քանի որ բազմաթիվ այլ թատրոններ անում են դա:

Ռուբեն Բաբայանը շեշտեց, որ որոշ խնդիրներ կան կապված ներկայացումների տեսագրությունների որակի հետ: Ցանկանում են ցուցադրել միայն բարձրորակ նկարահանումները: Հնարավոր է՝ տարբեր հեռուստաընկերությունների խնդրեն իրենց տրամադրել Տիկնիկային թատրոնին վերաբերող արխիվային նյութեր և դրանք տեղադրել թատրոնի էջում: Ըստ թատրոնի գեղարվեստական ղեկավարի՝ պետք չէ սահմանափակվել միայն Երևանի տիկնիկային թատրոնով: Անհրաժեշտ է այս օրերն օգտագործել Հայաստանի հանդիսատեսին աշխարհի լավագույն թատրոնների ներկայացուներին ծանոթացնելու համար:

Բաբայանը հույս հայտնեց, որ շուտով կկարողանանք հաղթահարել համաճարակային օրերը և չկորցնել կապը թատերասերների և արվեստը գնահատողների հետ: «Երբ նման օրերին զգում ես, որ պետք ես ինչ-որ մեկին, և ուրիշներն են զգում քո կարիքը, հասկանում ես, որ նրանով, ինչով զբաղվում ես քո կյանքում, այդքան էլ անիմաստ չէ: Կա պահանջ, և անհրաժեշտ է այս ամենը պահել ու շարունակել աշխատել»,-եզրափակեց Ռուբեն Բաբայանը՝ շնորհավորելով բոլոր տիկնիկավարներին մասնագիտական տոնի կապակցությամբ:

Տիկնիկավարների միջազգային տոնը նշվում է 2003 թվականից։ Տոնի սկզբնավորողը Իրանում Տիկնիկային թատրոնի հայտնի դերասան Ջիվադա Զոլֆագարիհոն է:

Ավանդույթի համաձայն՝ այս օրը տիկնիկային թատրոնները կազմակերպում են արտասովոր ներկայացումներ, ստեղծագործական երեկոներ, համերգներ և այլ տոնական միջոցառումներ։

Անժելա Համբարձումյան

Լրահոս
Փրկարար լուսավորություն Ավետիք Իսահակյան. Հայրենիքիս Կոնստանտին Երզնկացի. Այսօր եղև պայծառ գարուն, ցնծան ծաղկունք և յորդորին Ռուբեն Սևակ. Սիրոյ շողքերը Հրաչ Սարիբեկյանը՝ գրադարանի հրդեհի մասին. «Ամենամեծ կորուստը օդորակիչն էր, երկու մոնիտոր, երկու ստեղնաշար» Ազգային գրադարանը հին կայքը փոխարինել է նորով Այվազովսկու կտավը աճուրդում վաճառվել է 2,9 միլիոն դոլարով Ամփոփվել են «Թատրոնը երեխաների աչքերով» նկարչական մրցույթի արդյունքները Հայ-իտալական երաժշտական ուղերձ՝ նվիրված հայ-իտալական բարեկամությանը Արամ Խաչատրյանի անմահ ստեղծագործությունները՝ Երևանի տարբեր վայրերում Կկատարվի բժիշկների օրհնության արարողություն Նյու Յորքի «Մետրոպոլիտեն-օպերան» չեղյալ է հայտարարել աշնանային թատերաշրջանը Իմ հո­նո­րա­րը թող լի­նի աշ­խար­հի ա­ռող­ջա­ցու­մը Դա­տարկ խոս­քը դա­տարկ էլ ծն­վում է Հայկական կինոն հասանելի կլինի երկրի սահմանամերձ ու հեռավոր շրջաններում «Ներ­կա­յաց­ման ըն­թաց­քում ե­րե­խան հենց ինքն է ստեղ­ծա­գոր­ծում» Հայտնի են «Ընթերցանության ստեղծագործական մրցույթի» հաղթողների անունները Մահացել է կինոօպերատոր Էդուարդ Մաթևոսյանը Ռուզաննա Ոսկանյան. Երջանկությանը Վեցերորդ պատվիրան. մի՛ ընդհատիր կյանքը Նոնա Պողոսյան. Չկրակված փամփուշտներ Ջեյմս Քամերոնը Նոր Զելանդիայում վերսկսել է «Ավատարի» նկարահանումները Երախտամոռություն՝ Աստծո սիրո դիմաց Խաչատրյանի անվան միջազգային մրցույթին կմասնակցի 13 երկրի 19 ջութակահար Քանդակներ՝ մատիտի ծայրերի վրա. լուսանկարներ Գոհար Մկրտչյան. Ինքս էլ չգիտեմ… Արմենուհի Սիսյան. Երբ հավատս ծաղկի, գարուն կգա 12 դպրոցական կպայքարի Ընթերցանության ստեղծագործական մրցույթում հաղթելու համար Netflix-ը ձեռք է բերում պատմական կինոթատրոն Հունիսի 6-ին կներկայացվի առցանց համերգ՝ նվիրված Ալեքսանդր Պուշկինի ծննդյան օրվան և Պյոտոր Չայկովսկու 180-ամյակին․ «Դոմ Մոսկվի» Տիկնիկային թատրոնը պատրաստել է բացօթյա համերգ-ներկայացում Երեխաների տոնի առթիվ Սպենդիարյանի տուն-թանգարանը օնլայն կցուցադրի «Երեք արմավենի» մուլտֆիլմը Սուրբ Գրիգոր Նարեկացու կերպարը պատկերների համակարգում Համերգ՝ Կոմիտաս-150 «Հայաստանի Հանրապետություն» օրաթերթ․ Մարդկանց աղոթակից դարձնողը Շառլ Ազնավուր. Տերն ինձ տվեց... Յութուբում մեկնարկում է We Are One կինոփառատոնը Կոմիտաս. Վարդիկս Վերանորոգվել է դեպի «Տաթև» վանական համալիր տանող ճանապարհը. զբոսաշրջային ենթակառուցվածքների բարելավման աշխատանքները շարունակվում են «Խոսքի իրավունք» հաղորդման հյուրն է Մայր Աթոռ Ս․ Էջմիածնի դիվանապետ Տեր Արշակ եպիսկոպոս Խաչատրյանը
website by Sargssyan