USD
EUR
RUB

Մեկուսացման օրերին թանգարանները, օպերաները և թատրոնները կայցելեն ձեր տուն

 

ԵՐԵՎԱՆ, 21 ՄԱՐՏԻ, Aravot.am: Իհարկե վատ է, որ կորոնավիրուսի պանդեմիայի պատճառով փակվում են բազմաթիվ ուսումնական հաստատություններ ու թանգարաններ, բայց ինչպես ասում են՝ չկա չարիք, առանց բարիք: Օգտվեք այս հնարավորությունից և մնալով տանը` օգտագործեք ձեր ժամանակը արդյունավետ: Առցանց միջոցառումները թույլ կտան ձեզ վայելել արվեստը տանից, իսկ մի շարք միջոցառումներ կարող են տեղափոխվել ձեր տուն:

Հայաստանում արտակարգ դրությունից անցել է 6 օր և եթե այս ժամանակահատվածում արդեն հասցրել եք կարդալ բոլոր գրքերը և չեք գտնում հետաքրքիր ֆիլմեր, ապա «Առավոտը» պարբերաբար կթարմացնի և կներկայացնի ձեզ օնլայն կրթական և ժամանցային բոլոր ծրագրերը, որպեսզի ընտրեք ձեր և ձեր ընկերների, երեխաների համար լավագույնը:

Թանգարաններ

1. Google Arts & Culture ծրագիրը հնարավորություն է տալիս, որպեսզի հաղորդակից լինեք համաշխարհային մշակույթի գլուխգործոցներին: Այստեղ կարող եք փնտրել և գտնել ձեր սիրելի նկարչի ստեղծագործությունները և բջջային հավելվածի միջոցով դիտել այն 3D ձևաչափով։ Այսպես դուք կկարողանաք մի քանի սանտիմետր հեռավորությունից տեսնել ինչպիսի գեղեցիկ տեսք ունի օրինակ Վան Գոգի «Աստղալից գիշեր» կտավը։

2. Եթե ցանկանում եք անձամբ շրջել ձեր սիրած թանգարաններում, ապա դա նույնպես հնարավոր է։ Առցանց շրջայցեր է առաջարկում Բրիտանական թանգարանը, որտեղ կարող եք ընտրել՝ Աֆրիկա, Ասիա, Եվրոպա և Ամերիկա բաժինները, իսկ դրանք կօգնեն, օրինակ հունահռոմեական սրահում գտնել Անահիտ աստվածուհու բրոնզե քանդակը, իսկ Լուվրում բացահայտել Մոնա Լիզայի խորհրդավոր ժպիտի գաղտնիքը:

Անպայման այցելեք Վատիկանի թանգարան, քանի որ վիրտուալ շրջայցը ձեր առաջ կբացի աստվածային Սիքստինյան Կապելլան։

3. Ձեզ ենք ներկայացնում աշխարհի գրեթե 1200-ից ավելի թանգարան, որոնք այս օրերին առցանց են դարձել:

Տնից թանգարան՝ մեկ քայլ:

ԿԳՄՍՆ ենթակայության թանգարաններն ու գրադարանները իրականացնում են «Տնից թանգարան և գրադարան» առցանց ծրագիրը, որտեղ ֆեյսբուքյան խմբով կարելի է ամենահետաքրքիր նորությունները իմանալ թանգարանների և նրանց ցուցադրությունների մասին:

4. Ավելի մանրամասն ուսումնասիրության կարող եք անել Հայաստանի Պատմության թանգարանում, որը իր այցելուներին հնարավորություն է տալիս կայքի պաշտոնական էջում՝ առցանց տարբերակով, շրջել թանգարանի ցուցասրահներում, իսկ «360 stories» ցանցը հնարավորություն է տալիս շրջել միայն թանգարանի նախասրահում։

Հայաստանի ազգային պատկերասրահը՝ այս պահին վիրտուալ այցելության հնարավորություն չունի, սակայն առաջիկայում պատկերասրահի ֆեյսբուքյան էջով կտարածվեն մի շարք ֆիլմեր և ռեպորտաժներ, որոնք մինչ այս պահը հասանելի չեն եղել հանրությանը։

Կոմիտասի թանգարան-ինստիտուտն իր ֆեյսբուքյան էջում այս օրերին «Թանգարանը կգա տուն» շարքի շրջանակներում պարբերաբար պատմելու է իր առանձին ցուցանմուշների պատմությունները։ Ամեն օր հնարավոր կլինի կարդալ մեկ ցուցանմուշի պատմություն։ Ընդ որում յուրաքանչյուր ցուցանմուշի պարագայում տեղադրվելու է այն տեքստը, որը կպատմեր գիդը, եթե այցելուն իրական պայմաններում այցելեր թանգարան։

5. Երվանդ Քոչարի թանգարանը նույնպես հասանելի է «360 stories» կայքում։ Այս օրերին՝ թանգարանի ֆեյսբուքյան էջի միջոցով, հնարավոր է լսարանին ներկայացնել թանգարանի գործունեությանը և Երվանդ Քոչարի կյանքին վերաբերող նյութեր, տեսաֆիլմեր, հարցազրույցներ և ռեպորտաժներ։

Օպերա և ոչ միայն

6. Երաժշտության, օպերայի և բալետի սիրահարների համար նույնպես կան հետաքրքիր հնարավորություններ։ Օրինակ՝ Բավարիայի պետական օպերան առաջարկում է ոչ միայն օգտվել իրենց տեսաձայնագրություններից, այլ նաև ուղիղ եթերով հետևել ներկայացումներին։ Օրինակ՝ մարտի 21-ին կարող եք «ներկա» գտնվել Շոստակովիչի «Կարապի լիճը» բալետին։ Նման ձևաչափ են առաջարկում նաև Բեռլինի պետական օպերան, Սանկտ-Պետերբուրգի ակադեմիական ֆիլհարմոնիան, Մարիինյան թատրոնը և Մոսկվայի Մեծ թատրոնը, որտեղ, ի դեպ, ամսի 29-ին կարող եք դիտել «Ռոմեո և Ջուլիետ» բալետը։

2018 թվականին՝ Հայաստանի օպերայի և բալետի թատրոնում, տեղի ունեցավ իտալացի գրող Ջաննի Ռոդարիի «Չիպոլինոյի արկածները» հեքիաթ-վիպակի բալետային ներկայացման պրեմիերան։ Այժմ հնարավորություն ունեք այն դիտել տանից:

Թատրոն

7. Թատրոնը ևս կայցելի ձեր տուն. Դրամատիկական թատրոնը «Ավտոբուս» ներկայացումով սկսեց իր առցանց ցուցադրությունների շարքը: Թատրոնի մյուս ներկայացումների մասին հավելյալ տեղեկանալու համար՝ այցելեք թատրոնի ֆեյսբուքյան էջ:

Նոնա ՂԱԶԱՐՅԱՆ

Լրահոս
Զահրատ․ Իր աչքերը Վահագն Դավթյան. Իմ մայրենի, իմ բարբառ Ամենայն Հայոց Կաթողիկոսը հանձնարարականներ տվեց Արցախում տիրող իրավիճակի առնչությամբ Ուխտի օրհնյալ օրը եկեղեցու համայնքն ու հոգևոր դասը նշեց նաև Տեր Վահանի քահանայական ձեռնադրության տասնհինգ ամյակը Քրիստոնեության ապրեցնող ուժը Արամ Խաչատրյանը երբեք չի հանդիպել Սալվադոր Դալիի հետ «Օսկար»-ի առաջադրվելու համար Հայաստանի կողմից կներկայացվի Արման Նշանյանի «Սողոմոնի երգերը» ֆիլմը Մատթեոս Զարիֆյան․ Շքեղ օրհաս Կոմիտասի ձայնը Կոմիտաս․ Կյանք Հայերեն ձեռագրերի մայր ցուցակը «Կոմիտաս․․․» առցանց բեմադրություն Առաջին անգամ Կոմիտասի ծննդավայրի պաշտոնական տարեգրքում տեղեկություն է ներառվել Կոմիտասի մասին Գերմանիայում 1500 տարի առաջ ապրած գերմանացի լորդի դամբարան է հայտնաբերվել (լուսանկարներ) Վարագա Սուրբ Խաչ Կայացավ Կոմիտասի 151-ամյակին նվիրված «Անուշ. անավարտ օպերա» ֆիլմի պրեմիերան Եղիշե Թադևոսյանի 150-ամյակին` հոբելյանական փառատոն «Արմենիա» 4-րդ միջազգային փառատոնը երաժշտասերներին է ներկայացնում մեծահամբավ արտիստների «Արմենիա» փառատոնի փակմանը հանդես կգա Բեռլինի ֆիլհարմոնիկ նվագախմբի գլխավոր կլարնետահարը Մատթեոս Զարիֆյան. Ճերմակ գիշեր Վահան Սաղաթելյան. Արնախաչ «Մաեստ­րո Քո­չար» պու­րա­կը Ա­լեք­սանդր Թա­մա­ն­յա­նի թի­կուն­քում Իսպանացի լուսանկարիչը բացահայտել է շքեղ լուսանկարներ ստանալու գաղտնիքները (լուսանկարներ) Սուրբ «սպասավորներն» ու «պաշտպանները» Ագահություն «Կան­թեղն ան­տա­ռում՝ Հա­ղար­ծին» Հայաստանի պետական ֆիլհարմոնիայի տնօրենի ժամանակավոր պաշտոնակատար է նշանակվել Արտյոմ Նաղդյանը Բոտիչելիի հազվագյուտ կտավը կվաճառվի Sotheby's աճուրդու «Միշտ հնարավոր է ելք գտնել՝ առանց ընկճվելու» Ջիվան Ավետիսյանի «Դրախտի դարպասը» ֆիլմի համաշխարհային պրեմիերան կկայանա Մոսկվայի կինոփառատոնում «Հն­չեց կրա­կո­ցը, և մարդն այլևս չկա» Ռուսական արվեստի թանգարանի այցելուները կհայտնվեն Բորիս Գրիգորևի կտավում VR տեխնոլոգիայի միջոցով Իր հետ­մա­հու ա­զա­տամ­տու­թ­յու­նը կի­սեց Սեն գե­տի ա­լիք­նե­րի հետ Մատթեոս Զարիֆյան․ Խնդրանք Բանտում էի, և ինձ այցի եկաք (Մատթ. 25:36). մաս 1-ին Ավետիք Իսահակյան. Հայաստանին Վահան Տերյան․ Թովիչ քնքշությամբ հանգչող աշխարհում Սուրբ Բարսեղ եպիսկոպոսի ճառը հիսունիններորդ (ԾԹ) սաղմոսի մասին Մայր Աթոռ Սուրբ Էջմիածնից Մասիս կբերվի Սուրբ Գևորգ Զորավարի մասունքը Ողջախոհություն
website by Sargssyan