USD
EUR
RUB

Բանաստեղծությունը վիճակ է, որով մարդն ապրել է, ապրում է ու կապրի. նշվում է Պոեզիայի միջազգային օրը

 

ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: ՅՈՒՆԵՍԿՕ-ի 30-րդ վեհաժողովում՝ 1999 թվականին, որոշում է ընդունվել մարտի 21-ը տոնել որպես Պոեզիայի միջազգային օր:

«Պոեզիան կարող է պատասխան դառնալ ժամանակակից մարդու առջև ծառացած ամենասուր և ամենախոր հոգևոր խնդիրներին, սակայն դրա համար անհրաժեշտ է պոեզիայի վրա բևեռել հասարակության հնարավորին չափ լայն շերտերի ուշադրությունը»,-«Արմենպրես»-ի հաղորդմամբ՝ ասվում է ՅՈՒՆԵՍԿՕ-ի որոշման մեջ:

Բանաստեղծ, թարգմանիչ, արձակագիր Գևորգ Թումանյանն ասաց, որ իր համար և՛ հեշտ, և՛ դժվար է խոսել պոեզիայի մասին: «Պոեզիան իմ գլխավոր կենսակերպն է, ապրելու, արարելու, Աստծուն հավատալու»,-նշեց նա:

Անդրադառնալով պոեզիայի երկրպագուներին՝ գրողը շեշտեց, որ իրենք այնքան էլ չեն փնթփնթում ընթերցողներ կա՞ն, թե՞ ոչ: Նրանք քիչ են, և դա բնական է, քանի որ բարձրագույն պոեզիան ընկալելը ոչ բոլորին է տրված: «Յուրաքաչյուր լավ ընթերցողի համար ամեն օրը պոեզիայի տոն է. երբ նա ձեռքը գիրք է վերցնում, համացանցի միջոցով կարդում, տողով ապրում»,-նշեց Թումանյանը:

Բանաստեղծ, գրականագետ Թադևոս Տոնոյանն էլ խոստովանեց, որ միայն այսօր է տեղեկացել Պոեզիայի տոնի մասին, երբ իր գրչակիցները շնորհավորել են միմյանց այդ կապակցությամբ: «Երբ ստեղծագործում եմ, պարզապես ցանկանում եմ ինչ-որ բան ասել, թղթին հանձնել ցավը, մտահոգությունները, ապրումները»,-շեշտեց նա:

Խոսելով ժամանակակից պոեզիայի մասին՝ Տոնոյանն ասաց, որ այն չի կարող առաջընթաց ապրել: «Մենք կարո՞ղ ենք ասել, որ այս գարունը նախորդի համեմատ առաջընթաց ապրեց: Օրերս իմ լավագույն ընկերներից մեկը հրապարակել էր աշխարհում գրված առաջին բանաստեղծություններից, որը 3000 տարեկան է: Կարդացի ու տեսա, որ արձակ բանաստեղծությունն առհասարակ առաջընթաց չի գրանցել: Դա վիճակ է, որով մարդն ապրել է, ապրում է ու ապրելու է: Փա՛ռք Աստծո, որ մարդկության մեծ մասն ապրում է հենց մշակույթով, որը շատ լայն հասկացություն է»,-ընդգծեց բանաստեղծը:

Պոեզիայի միջազգային օրն առաջին անգամ նշվել է Փարիզում, որտեղ գտնվում է ՅՈՒՆԵՍԿՕ-ի կենտրոնակայանը: Այս օրը հնարավորություն է ընձեռնվում փոքր հրատարակչություններին բարձրաձայնել իրենց մասին, քանի որ նաև նրանց ջանքերով են ընթերցողին հասնում ժամանակակից պոետների գործերը:

ՅՈՒՆԵՍԿՕ-ն կոչ է անում այս օրը զանգվածային լրատվամիջոցներում տարփողել պոեզիան՝ որպես ժամանակակից արվեստ, որը բաց է մարդկանց համար:

Անժելա Համբարձումյան

Լրահոս
Զահրատ․ Իր աչքերը Վահագն Դավթյան. Իմ մայրենի, իմ բարբառ Ամենայն Հայոց Կաթողիկոսը հանձնարարականներ տվեց Արցախում տիրող իրավիճակի առնչությամբ Ուխտի օրհնյալ օրը եկեղեցու համայնքն ու հոգևոր դասը նշեց նաև Տեր Վահանի քահանայական ձեռնադրության տասնհինգ ամյակը Քրիստոնեության ապրեցնող ուժը Արամ Խաչատրյանը երբեք չի հանդիպել Սալվադոր Դալիի հետ «Օսկար»-ի առաջադրվելու համար Հայաստանի կողմից կներկայացվի Արման Նշանյանի «Սողոմոնի երգերը» ֆիլմը Մատթեոս Զարիֆյան․ Շքեղ օրհաս Կոմիտասի ձայնը Կոմիտաս․ Կյանք Հայերեն ձեռագրերի մայր ցուցակը «Կոմիտաս․․․» առցանց բեմադրություն Առաջին անգամ Կոմիտասի ծննդավայրի պաշտոնական տարեգրքում տեղեկություն է ներառվել Կոմիտասի մասին Գերմանիայում 1500 տարի առաջ ապրած գերմանացի լորդի դամբարան է հայտնաբերվել (լուսանկարներ) Վարագա Սուրբ Խաչ Կայացավ Կոմիտասի 151-ամյակին նվիրված «Անուշ. անավարտ օպերա» ֆիլմի պրեմիերան Եղիշե Թադևոսյանի 150-ամյակին` հոբելյանական փառատոն «Արմենիա» 4-րդ միջազգային փառատոնը երաժշտասերներին է ներկայացնում մեծահամբավ արտիստների «Արմենիա» փառատոնի փակմանը հանդես կգա Բեռլինի ֆիլհարմոնիկ նվագախմբի գլխավոր կլարնետահարը Մատթեոս Զարիֆյան. Ճերմակ գիշեր Վահան Սաղաթելյան. Արնախաչ «Մաեստ­րո Քո­չար» պու­րա­կը Ա­լեք­սանդր Թա­մա­ն­յա­նի թի­կուն­քում Իսպանացի լուսանկարիչը բացահայտել է շքեղ լուսանկարներ ստանալու գաղտնիքները (լուսանկարներ) Սուրբ «սպասավորներն» ու «պաշտպանները» Ագահություն «Կան­թեղն ան­տա­ռում՝ Հա­ղար­ծին» Հայաստանի պետական ֆիլհարմոնիայի տնօրենի ժամանակավոր պաշտոնակատար է նշանակվել Արտյոմ Նաղդյանը Բոտիչելիի հազվագյուտ կտավը կվաճառվի Sotheby's աճուրդու «Միշտ հնարավոր է ելք գտնել՝ առանց ընկճվելու» Ջիվան Ավետիսյանի «Դրախտի դարպասը» ֆիլմի համաշխարհային պրեմիերան կկայանա Մոսկվայի կինոփառատոնում «Հն­չեց կրա­կո­ցը, և մարդն այլևս չկա» Ռուսական արվեստի թանգարանի այցելուները կհայտնվեն Բորիս Գրիգորևի կտավում VR տեխնոլոգիայի միջոցով Իր հետ­մա­հու ա­զա­տամ­տու­թ­յու­նը կի­սեց Սեն գե­տի ա­լիք­նե­րի հետ Մատթեոս Զարիֆյան․ Խնդրանք Բանտում էի, և ինձ այցի եկաք (Մատթ. 25:36). մաս 1-ին Ավետիք Իսահակյան. Հայաստանին Վահան Տերյան․ Թովիչ քնքշությամբ հանգչող աշխարհում Սուրբ Բարսեղ եպիսկոպոսի ճառը հիսունիններորդ (ԾԹ) սաղմոսի մասին Մայր Աթոռ Սուրբ Էջմիածնից Մասիս կբերվի Սուրբ Գևորգ Զորավարի մասունքը Ողջախոհություն
website by Sargssyan