USD
EUR
RUB

Դեպի Արեւելք Չարենցի հետ. ինչպես է բանաստեղծի տուն-թանգարանը գործում առցանց հարթակում

 

Aravot.am-ը Եղիշե Չարենցի տուն-թանգարանի գիտաշխատող Աննա Ստեփանյանից հետաքրքրվեց, թե առցանց հարթակում ինչպես է իր գործունեությունն իրականացնում թանգարանը: Տիկին Ստեփանյանը տեղեկացրեց, որ թանգարանն իր գործունեությունը սկսել է տարբեր ծրագրերով: «Ծրագրերը հաճախ են թարմացվում և փոփոխվում՝ այցելուներին հնարավորություն տալով ինտեգրվել թանգարանային կյանքին տնից: Այս անգամ մեկնարկել է «Դեպի արևելք» կոչվող ծրագիրը, որի շրջանակում համացանցում կտարածվեն հետաքրքիր փաստեր ու լուսանկարներ Չարենցի համանուն գրքից»,-հայտնեց մեր զրուցակիցը:

Աննա Ստեփանյանն ընդգծեց. «Չարենցի պոեզիայում կարևորագույն տեղ են զբաղեցնում այն գործերը, որոնցում վառ արտահայտված է սերը Արևելքի հանդեպ: Չարենցի բնակարանում ևս զգալի է արևելյան շունչը: Չարենցի կենդանության օրոք նկարիչները նկարել են «Մահաթմա Չարենց»-ին, թասակ ու կոստյում համադրող Չարենցին, Բուդդայի արձանիկներով իրեն շրջապատող Չարենցին: Այսինքն` նկարել են այնպես, ինչպես տեսել են կյանքն Արևելքով լցրած կարսեցուն:

Մինչ օրս Արևելքի հանդեպ սերն ու արևելյան ժանրի գործերը, արևելյան իրերի մասին տեղեկությունները մեկտեղված չէին` չնայած անցել են տասնամյակներ, և, թեպետ այսօր մեր գերխնդիրը պետք է լիներ թարգմանությունների միջոցով Չարենցին ներկայացնել աշխարհին, ծանոթացնել աշխարհին մեծ մարդասերին, մենք որոշեցինք ամբողջացնել կիսատ մնացած այս մեծ բացը` մեկտեղել Չարենցի Արևելքը:

Եվ այժմ գրքում տեսնում եք ներկայացված հայտնի սիրաձոնը`«Տաղարանը», ռուբայիներն ու գազելները, բեյթերն ու դիստիքոսները, թանկաները: Ժանրաձևեր, որոնց գրության պահին Հայաստանում շատ քչերը գիտեին համաշխարհային գրականության մեջ կիրառում գտած այս երևույթների մասին: Գրքում յուրաքանչյուր ժանրաձև ունի իր խորհրդանշան-զարդանախշը: Գրքի յուրաքանչյուր բաժին առանձնացված է հատուկ տարբերանշանով: Նկարների թեմատիկ դասավորությունը համապատասխանում է ժանրի ներքին բովանդակությանը: «Տաղարան»-ի բաժնում Սարյանի վրձնած Արփիկի նկարն է: Թանկաներ բաժնում ճանապարհորդությունից բերված ճապոնական փայտափորագրությունների, չինական համապատկերների (պաննոների) նկարներն են և այսպես շարունակ` վեց բաժին:

Գիրքը բացվում է Ալեքսանդր Բաժբեուկ-Մելիքյանի «Մահաթմա Չարենց» նկարով, որի վերևում Չարենցն իր ձեռքով բանաձևել էր հոգու և մարմնի ներդաշնության հասնելու ձգտումն ու անցած ճանապարհը անփորձ վարժանք համարելով` գրել ապագայի մեծ թռիչքների մասին»:

Մեր զրուցակիցը նշեց, որ անցյալ տարվա հուլիսին տպագրված գրքի հանդեպ կարճ ժամանակահատվածում մեծ հետաքրքրություն կա: Հավելեց նաեւ, որ Չարենցի տուն-թանգարանը պատրաստվում է թարգմանել Չարենցի` առաջին հայացքից թարգմանական բարդություններ առաջացնող ժողովածուն` «Տաղարանը»:

«Իսկ այս օրերին, երբ հնարավորություն ունենք նորովի վերանայելու մեր գրական գործիչների գործերն ու արժևորելու նրանց, Չարենցի տուն-թանգարանը նախաձեռնել է բազմաթիվ ժամանցային-ուսուցողական ծրագրեր, որոնք ժամանցային եւ խորամանկ շղարշի ներքո կստիպեն այցելու-դիտողներին տրամաբանել, վերհիշել, նորից թարմացնել գիտելիքները: Եվ քանի որ մեր նպատակն է ոչ միայն չարենցասերներին ներգրավել, այլև մշակութասեր հանրությանը, ուստի ծրագրերը բազմաբովանդակ են` խաղ-վիկտորինաներ Չարենցի մասին, խաղի հաջորդ փուլում` հայ և համաշխարհային գրականության, տեսանյութ-չելենջներ, որի ընթացքում աշակերտները կարդում են սիրելի հեղինակների գործերից, երեկոյան ժամերին հնարավորություն ունեն դիտելու ֆիլմարխիվի լավագույն ֆիլմերից` Հին Երևանի, քաղաքի և շատ այլ կարևոր թեմաների մասին պատմող:

Թանգարանը վիրտուալ հարթակ տեղափոխելուն զուգահեռ` դիտողները կարող են էջում ծանոթանալ թանգարանում պահվող տվյալ իրի պատմությանը: Հետաքրքրիր արխիվային տեղեկություններ են ներկայացվում` փաստական բնօրինակներով, այսինքն` թանգարանում առկա ձեռագրերով: Թանգարանային աշխույժ գործունեությունը տեղափոխել ենք վիրտուալ դաշտ, որ դուք տանը մնաք, ժամանցը լինի հետաքրքիր և ուսուցողական: Սիրով կընդունենք առաջարկներ, թե ինչ ձևաչափով կցանկանան տեսնել թանգարանի պաշտոնական էջը: Ականջալուր կլինենք յուրաքանչյուր դիտողություն-առաջարկին: Եվ վերջում միանանք այս օրերի լավագույն կոչերին և շնորհակալություն հայտնենք մեր բուժաշխատողներին»,-նշեց Աննա Ստեփանյանը:

Իսկ զրույցի ավարտին բոլորին կոչ արեց. «Սիրելիներ, մնացեք տանը, մենք աշխատում ենք ձեզ համար»:

Զրուցեց Գոհար ՀԱԿՈԲՅԱՆԸ

Լրահոս
Արմենուհի Սիսյան. Կարոտի տեսիլներ Ներսես Աթաբեկյան. Տիեզերքի եզրին Սոնա Արշունեցի․ Առանց ձեզ ով եմ «Ցեղասպանության թանգարանի փակ ֆոնդերից որոշ նյութեր կորել են». ԿԳՄՍ նախարար Էրմիտաժում կցուցադրվեն չինացի նկարչի՝ COVID-19-ին նվիրված աշխատանքները Ինչո՞ւ են գնում գերեզման եօթներորդ եւ քառասուներորդ օրը Նոր բեմադրություններ, հյուրախաղեր համայնքներում. Արտաշատի դրամատիկական թատրոնի հավակնոտ ծրագրերը Բյուրականի աստղադիտարանը՝ համավարակի ժամանակ 30 տարվա ընթացքում առաջին անգամ Turner մրցանակաբաշխությունը չի կայանա Ա Պետրոս 1.5-10 Շառլ Ազնավուր. Դեռ երեկ Վահան Թեքեյանի․ «Տաղ հայերեն լեզվին» Պետրոս Դուրյան. Սիրել Հեռավար «ԴասԱ» հանդիպում՝ «Անկախության սերունդ» ծրագրի մասնակիցների հետ Երբ Հի­սուս հետ դար­ձավ Մահացել է գրող Գրիգոր Սարգսյանը Սաղմոս ՃԼԱ Պաշտպանիչ դիմակներ գեղարվեստական լուծումներով. Ազգային պատկերասրահի կրեատիվ մարտահրավերը Աշխարհում ամենապահանջված մանկական նախագծերը Լեգենդար ABBA -ն նոր երգերով հանդես կգա Փառատոններ, համաժողովներ. «Միհր» թատրոնն ակտիվ է եղել նաև մեկուսացման օրերին Աշոտ Ավդալյան. «Ինձ ճանաչողը» Դերասանուհի Կարինե Բուռնազյանի մոտ մահվանից հետո հաստատվել է կորոնավիրուս Պատվելով ծնողներին՝ պատվում ենք Աստծուն Օպերային թատրոնն առցանց կցուցադրի «Մանոն» ներկայացումը Շուշանիկ Կուրղինյան, Շատերից մեկին Վենետիկի կինոփառատոնը կկայանա սեպտեմբերին Սեյրան Մալխասյան. Սաղմոս ապաշխարողի 94 տարեկան հասակում կյանքից հեռացել է Յակով Զարգարյանը Սաղմոս ՃԼ Աշոտ Ավդալյան․ ... Ու երեխան Իրական գանձերը Երկրպագություններն ավելի մեծ օգուտ են տալիս, քան հոգևոր մյուս բոլոր վարժանքները Անվճար վարպետաց դաս Անյա Լեխների հետ «Սևանի Աստվածամայրը» հրաշագործ սրբապատկերի մասին Հուշարձանները կվերականգնվեն Ալեքսանդր Մանթաշյանցի մասին պատմող «Կովկասի արքան» գիրքը ընթերցողի սեղանին է Նույնականացվում են Զվարթնոցի ճարտարապետական բեկորները «Ան­մա՞հ է այն գոր­ծը, ո­րի հա­մար ես մե­ռա…» Ազնավուր. հավերժի ճամփորդը 22.05.2020
website by Sargssyan