USD
EUR
RUB

Մարդն ուզեց ճանաչել իրեն և ստեղծեց թատրոնը. մարտի 27-ը թատրոնի միջազգային օրն է

 

ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Ինչպես ասում են՝ թատրոնն ամենաազդեցիկ միջոցներից է, որով կարելի է դաստիարակել, բարեկրթել, ազնվացնել մարդուն:

Մարտի 27-ին նշվում է Թատրոնի միջազգային օրը: Այդ կապակցությամբ «Արմենպրես»-ի թղթակիցը զրուցել է Սոս Սարգսյանի անվան Համազգային թատրոնի դերասան Գագիկ Մադոյանի և Կ. Ստանիսլավսկու անվան ռուսական դրամատիկական թատրոնի դերասան Էրվին Ամիրյանի հետ:

Ըստ Մադոյանի՝ թատրոնը հրաշք է, որի առեղծվածը մինչև վերջ բացահայտված չէ: «Ինչպես ասում էր իմ ուսուցիչ Սոս Սարգսյանը, «Մարդն ուզեց ճանաչել իրեն և ստեղծեց թատրոնը»: Այսօր թատրոնը կրթում է, զվարճացնում, հուզում, ոգեշնչում և ամենակարևորը՝ ճաշակ զարգացնում»,-նշեց դերասանը:

Մադոյանի խոսքով՝ գոնե Համազգային թատրոնում կա մեծ առաջընթաց: Հանդիսատեսն է ավելացել, կոլեկտիվում ստեղծագործական ազատության մթնոլորտ է տիրում, ճաշակով ներկայացումների պակաս չկա: «Սրտանց շնորհավորում եմ իմ հերոս գործնկերներին: Փառք ու հաջողություն կյանքում և բեմում: Ցավում եմ, որ հետաձգվեց «Արտավազդ» թատերական մրցանակաբաշխությունը: Այս անգամ այսպես ստացվեց այդ այլանդակի՝ կորոնավիրուսի (ծիծաղում է) պատճառով, բայց ոչինչ. մենք կհաղթենք»,-նշեց արտիստը՝ առողջություն մաղթելով մեր «մրսած հայրենակիցներին»:

Էրվին Ամիրյանը, որը թատերական ասպարեզում է 1997 թվականից, ասաց, որ թատրոնն իր մասնագիտությունն է ու կյանքը:

Դերասանը թատրոնի հիմնական գործառույթն է համարում հանրությանը գեղագիտական հաճույք պատճառելն ու հանդիսատեսին կատարսիսի հասցնելը: «Կարծիքներ կան, թե թատրոնը պետք է կրթի: Եթե անկեղծ լինենք, այնքան էլ համաձայն չեմ այդ մտքի հետ: Հիշում եմ Հենրիկ Հովհաննիսյանի խոսքն այն մասին, որ թատրոնը կարող է կրթել միայն կրթված մարդուն: Թատրոնն ինձ համար կախարդական կապ է դերասանի և հանդիսատեսի միջև: Այն նաև հետաքրքիր է այնքանով, որ սինթետիկ արվեստ է: Դրամատուրգի, ռեժիսորի, դերասանի, կոմպոզիտորի, նկարչի և այլ մասնագետների համագործակցության արդյունքում է ծնվում ներկայացումը»,-նշեց նա:

Ամիրյանը խոստովանում է, որ այսօր թատրոնում աշխատելը բավականին բարդ է: «Ամբողջ կյանքում սովորում ես, նոր բաներ ես տեսնում, նոր ապրումներ ունենում, մշտապես լավ մարզավիճակում լինում: Թատրոնում երբեք չի կարող գալ մի շրջան, երբ կասես, թե ամեն ինչ գիտես, ամեն ինչ կարող ես անել, և դա հետաքրքիր է»,-ընդգծեց Էրվինը:

Անդրադառնալով թատերական զարգացումներին՝ դերասանն ասաց, որ նկատում է երիտասարդ ռեժիսորների, որոնք հետաքրքիր աշխատանքներ են ներկայացնում, երիտասարդ դերասանների, որոնց աչքերը փայլում են, որոնք աշխատելու մեծ ցանկություն ունեն: «Իհարկե, փոխվում են պահանջները: Թատրոններում էքսպերիմենտներ են լինում, ինչը շատ բնական է: Ի վերջո, ժամանակի ընթացքում մնում է այն, ինչն արժեքավոր է: Թատրոնը կա, եղել է և կլինի»,-եզրափակեց նա:

Թատրոնի միջազգային օրն առաջին անգամ նշվել է Ֆրանսիայում, որից հետո տարածվել է ամբողջ աշխարհում: Այն տոնելու գաղափարը հաստատվել է Թատրոնի միջազգային ինստիտուտի (International Theatre Institute, ITI) որոշմամբ:

Համաձայն կանոնադրության՝ այս կազմակերպության գործունեությունն ուղղված է ազգերի միջև բարեկամության և խաղաղության ամրապնդմանը, ինչպես նաև աշխարհի բոլոր թատերական խմբերի միջև համագործակցության ընդլայնմանը:

Անժելա Համբարձումյան

Լրահոս
Սեյրան Մալխասյան. Սաղմոս ապաշխարողի 94 տարեկան հասակում կյանքից հեռացել է Յակով Զարգարյանը Սաղմոս ՃԼ Աշոտ Ավդալյան․ ... Ու երեխան Իրական գանձերը Երկրպագություններն ավելի մեծ օգուտ են տալիս, քան հոգևոր մյուս բոլոր վարժանքները Անվճար վարպետաց դաս Անյա Լեխների հետ «Սևանի Աստվածամայրը» հրաշագործ սրբապատկերի մասին Հուշարձանները կվերականգնվեն Ալեքսանդր Մանթաշյանցի մասին պատմող «Կովկասի արքան» գիրքը ընթերցողի սեղանին է Նույնականացվում են Զվարթնոցի ճարտարապետական բեկորները «Ան­մա՞հ է այն գոր­ծը, ո­րի հա­մար ես մե­ռա…» Ազնավուր. հավերժի ճամփորդը 22.05.2020 Պարույր Սևակ․ Երգի ստեպում հազար շավիղներ Շառլ Ազնավուրն այսօր կդառնար 96 տարեկան Սոնա Արշունեցի. Նույնն է աշխարհը Սա­ր­յա­նա­կան ծա­ռի պար­սա­մ­յա­նա­կան պտու­ղը Ժամանակ հոգևորի համար Միթե կարո՞ղ է կույրը կույրին առաջնորդել Խաչատրյանի անվան մրցույթի ընթացքում մենակատարն ու նվագախումբն առաջին անգամ համատեղ հանդես կգան հեռավար Երա­նի՜ մեր բո­լոր հոգևո­րա­կան­նե­րը հետևեն տեր Ա­ՀԱ­ՐՈ­ՆԻ օ­րի­նա­կին` գի­տակ­ցե­լով, որ չի կա­րե­լի լռել Ազգային պատկերասրահի հետևորդները վերջին ամիսներին Ինստագրամում աճել են 80, Ֆեյսբուքում ՝ 40-50 տոկոսով Օֆելյա Համբարձումյան, Րաֆֆի Հակոբյան - Ես քու ղիմեթը չիմ գիդի Առավոտյան ժամերգություն եւ բժշկության աղոթք (21.05.2020) Իտալուհին բարեգործական վիճակախաղով շահել է Պիկասոյի՝ 1 մլն եվրո արժողությամբ կտավը Համբարձման տոն Համբարձման տոնը Մայր Աթոռ Սուրբ Էջմիածնում (նկարներ) ԿԳՄՍՆ Արայիկ Հարությունյանը շատ լուրջ «պրավալ» է ունեցել Մետրոպոլիտեն թանգարանը կբացվի օգոստոսի կեսերին Վարդան Հակոբյան․ Քարը արագիլի կտուցին Ռազմիկ Դավոյան. Դու Արամայիս Սահակյան. Մայրիկ Ե՞րբ է մարդ կյանքում առաջին անգամ Ս. Հաղորդություն ստանում Հակոբ Մովսես. Ամպրոպ ճայթեց... Շառլ Ազնավուրի դերակատարությամբ Հայոց ցեղասպանության մասին ֆիլմը հայտնվել է Թուրքիայում արգելված ֆիլմերի առաջին հնգյակում (լուսանկար) Պատրաստվել է Խաչատրյանի անվան 16-րդ միջազգային մրցույթի թվային մասնակցության ուղեցույցը «Օսկար-2021»-ը հնարավոր է հետաձգվի Համազգային թատրոնի շենքի շինարարությունը շարունակվում է Ավետիք Իսահակյան. Արազին Աստծուն պետք է հարգել ոչ միայն սրտով, այլև՝ շուրթերով
website by Sargssyan