USD
EUR
RUB

Մարդուն շնորհված մեծագույն բացահայտումը

 

Աստվածային մեծագույն սիրո արդյունք է աշխարհի և մարդու արարումը: Արարչագործության պսակը համարվող մեր նախածնողները՝ Ադամն ու Եվան, խախտելով աստվածային պատվիրանը, ընտրեցին մահը և ոչ թե կյանքը՝ հեռանալով Աստծուց, նրանք ցանկացան առանց Նրա ապրել: Ինչպես ի սկզբանե, այնպես էլ այդ պահին աստվածային անփոփոխ սերը գործեց՝ մարդուն նոր կյանքի հնարավորություն տալով. խաչի վրա մահը հաղթվեց Կյանքի կողմից: Մեծագույն գաղտնիքը, որ Աստված բացահայտեց մարդկանց, այն է, որ Աստված սեր է և որն արտահայտեց՝ Իր Միածին Որդուն աշխարհ ուղարկելով: Տիրոջ կամքն է, որ մարդիկ ճանաչեն այդ մեծագույն ու զոհաբերվող սերը և ապրեն այդ սիրով, ինչը հնարավոր է, եթե մարդն իր ուշադրության կենտրոնն իրենից տեղափոխի դեպի իր շրջապատը: Շատ հաճախ մարդն ապրում է պայմանական սիրով, այսինքն՝ լավ հարաբերություն է ձևավորում նրա հետ, ով իր հետ լավ հարաբերություն ունի, իսկ հակառակ պարագայում` հակառակը: Մարդուն հեշտ է ապրել, երբ իրեն սիրում են, գովաբանում: Բայց այս վիճակն իրականում, ըստ Եկեղեցու հայրաբանության, ծուղակ է համարվում. մարդ չի կարող ապրել՝ միայն սեր ընդունելով: Նա ապրում է այն դեպքում, երբ սիրում է, երբ զոհաբերում: Այդ պատճառով Աստված մարդուն կոչում է՝ սիրել սովորելու: Իրական սիրո պայմանը գիտակցելն է, որ կա Մեկը, Ով սիրում է քեզ առանց պայմանների ու սահմանների, երբ մարդն իր փորձառությամբ ճանաչում է այդ Սերը, այլևս չի կենտրոնանում մարդկային սիրո վրա:

Մարդուն շնորհված մեծագույն բացահայտումը աստվածային սերն է, այնինչ որոշ մարդկանց կյանքում Աստծու փոխարեն ընտանիքն է, աշխատանքը, հարստությունը, իրենք, այսինքն՝ իրենք ընտրում է ոչ թե Աստծուն, այլ Նրա պարգևները՝ ընդունակ չլինելով պարգևը Պարգևատուից տարբերակել: Աստծու հետ հարաբերություն ստեղծելու փոխարեն, նրանք պարգևների հետ են հարաբերություն ստեղծում: Ժամանակակից մարդը սիրում է «իմ» բառը, այնինչ այս աշխարհում մարդուն ոչինչ չի պատկանում, այն, ինչ մարդն ունի, աստվածային պարգև է՝ օդը, որ շնչում է, բնությունը, որով հիանում է, բնակավայրը, որտեղ ապրում է, մարդը և իրեն շրջապատող մարդիկ՝ ծնողները, երեխաները, ընկերները, այս բոլորը մարդը չի արարել: Աստված է մարդու կյանքի և նրա շնորհների աղբյուրը: Երբ մարդն իր շնորհների աղբյուրը իրեն է համարում, ընկնում է հպարտության մեղքի մեջ. նա կարծես Աստծուց գողանում է Նրա պարգևածը և սկսում է հպարտանալ իր շնորհներով՝ չհասկանալով, թե որտեղի՞ց և ո՞ւմ կողմից են դրանք տրված: Հավատավոր մարդը չի ասում «իմ»-ը, այլ ասում է «Աստծու պարգևը»: Աստված մարդուն պարգևներ է շնորհում ոչ թե նրա արժանիքների, այլ Իր ողորմության շնորհիվ, և մարդը չպետք է իրեն վերագրի աստվածային պարգևները, ինչպես արեց մեծահարուստը (Ղուկ. 16:19-31)՝ Աստծուց գոհանալու և իր ունեցածը մերձավորի հետ կիսելու փոխարեն, հարստությունից կուրացած՝ նա ուշադրություն չդարձրեց իր դռան առջև ընկած սոված Ղազարոսին, որը հույս ուներ իր փորը լցնել նրա սեղանից ավելացածներով:

Քրիստոնյայի կյանքը Աստծով մի ուղի է, որի մասին Քրիստոս ասաց. «Ես եմ ճանապարհը, ճշմարտությունը և կյանքը» (Հովհ. 14:6): Այդ ուղին հորիզոնական չէ, որովհետև հորիզոնական ուղղությամբ ընթացողը միայն շրջապտույտ է գործում: Դեպի Աստված տանող ուղին միայն դեպի առաջ չէ, այլ դեպի առաջ և վեր, այսինքն՝ հորիզոնական և ուղղահայաց, որով կազմվում է խաչը, իսկ որտեղ խաչն է ու Քրիստոս, այնտեղ Կյանքն է: Քրիստոնյայի համար հստակ է, թե ինչպես հատել շրջանը և դուրս գալ դրանից: Ելքը դեպի հավիտենություն միայն Քրիստոսով է: Ոմանք նախընտրում են դեպի առաջ ընթանալ, բայց այդ ուղին եզրափակվում է շրջանի մեջ: Քրիստոնյան ընտրում է դեպի առաջ ու վեր ուղին: Խաչի ճանապարհով ընթացողի ուղին հարթ չէ: Աշխարհն առաջարկում է չարին չարով պատասխանել, իսկ Տերը հորդորում է աշխարհը նորոգել միայն սիրով: Ցավալիորեն շատերը, չընդունելով աստվածային սերը, դառնում են աստվածամարտ՝ իրենց կյանքում խոչընդոտող հանգամանք համարելով աստվածային պատվիրանները: Քրիստոս բախում է յուրաքանչյուրի սրտի դուռը, և մարդն իր ազատ կամքով է Տիրոջ առջև իր սրտի դուռը բացում: Քրիստոս ասում է. «Եթե մեկն ուզում է հետևել Ինձ, թող ուրանա իր անձը, վերցնի իր խաչը և գա Իմ հետևից» (Մատթ. 16:25):

Կազմեց Կարինե Սուգիկյանը

31.03.20

Աղբյուր՝ Surbzoravor.am

Լրահոս
Սեյրան Մալխասյան. Սաղմոս ապաշխարողի 94 տարեկան հասակում կյանքից հեռացել է Յակով Զարգարյանը Սաղմոս ՃԼ Աշոտ Ավդալյան․ ... Ու երեխան Իրական գանձերը Երկրպագություններն ավելի մեծ օգուտ են տալիս, քան հոգևոր մյուս բոլոր վարժանքները Անվճար վարպետաց դաս Անյա Լեխների հետ «Սևանի Աստվածամայրը» հրաշագործ սրբապատկերի մասին Հուշարձանները կվերականգնվեն Ալեքսանդր Մանթաշյանցի մասին պատմող «Կովկասի արքան» գիրքը ընթերցողի սեղանին է Նույնականացվում են Զվարթնոցի ճարտարապետական բեկորները «Ան­մա՞հ է այն գոր­ծը, ո­րի հա­մար ես մե­ռա…» Ազնավուր. հավերժի ճամփորդը 22.05.2020 Պարույր Սևակ․ Երգի ստեպում հազար շավիղներ Շառլ Ազնավուրն այսօր կդառնար 96 տարեկան Սոնա Արշունեցի. Նույնն է աշխարհը Սա­ր­յա­նա­կան ծա­ռի պար­սա­մ­յա­նա­կան պտու­ղը Ժամանակ հոգևորի համար Միթե կարո՞ղ է կույրը կույրին առաջնորդել Խաչատրյանի անվան մրցույթի ընթացքում մենակատարն ու նվագախումբն առաջին անգամ համատեղ հանդես կգան հեռավար Երա­նի՜ մեր բո­լոր հոգևո­րա­կան­նե­րը հետևեն տեր Ա­ՀԱ­ՐՈ­ՆԻ օ­րի­նա­կին` գի­տակ­ցե­լով, որ չի կա­րե­լի լռել Ազգային պատկերասրահի հետևորդները վերջին ամիսներին Ինստագրամում աճել են 80, Ֆեյսբուքում ՝ 40-50 տոկոսով Օֆելյա Համբարձումյան, Րաֆֆի Հակոբյան - Ես քու ղիմեթը չիմ գիդի Առավոտյան ժամերգություն եւ բժշկության աղոթք (21.05.2020) Իտալուհին բարեգործական վիճակախաղով շահել է Պիկասոյի՝ 1 մլն եվրո արժողությամբ կտավը Համբարձման տոն Համբարձման տոնը Մայր Աթոռ Սուրբ Էջմիածնում (նկարներ) ԿԳՄՍՆ Արայիկ Հարությունյանը շատ լուրջ «պրավալ» է ունեցել Մետրոպոլիտեն թանգարանը կբացվի օգոստոսի կեսերին Վարդան Հակոբյան․ Քարը արագիլի կտուցին Ռազմիկ Դավոյան. Դու Արամայիս Սահակյան. Մայրիկ Ե՞րբ է մարդ կյանքում առաջին անգամ Ս. Հաղորդություն ստանում Հակոբ Մովսես. Ամպրոպ ճայթեց... Շառլ Ազնավուրի դերակատարությամբ Հայոց ցեղասպանության մասին ֆիլմը հայտնվել է Թուրքիայում արգելված ֆիլմերի առաջին հնգյակում (լուսանկար) Պատրաստվել է Խաչատրյանի անվան 16-րդ միջազգային մրցույթի թվային մասնակցության ուղեցույցը «Օսկար-2021»-ը հնարավոր է հետաձգվի Համազգային թատրոնի շենքի շինարարությունը շարունակվում է Ավետիք Իսահակյան. Արազին Աստծուն պետք է հարգել ոչ միայն սրտով, այլև՝ շուրթերով
website by Sargssyan