USD
EUR
RUB

Էդիկ Ղաբուզյանը՝ կորոնավիրուսի, միջազգային մրցույթի մասնակցող ուսանողների եւ չաջակցվող «Գրանշանի» մասին

 

Aravot.am-ը տառաստեղծ, շուրջ 300 տառատեսակի հեղինակ, Երեւանի գեղարվեստի պետական ակադեմիայի դասախոս Էդիկ Ղաբուզյանից հետաքրքրվեց, թե ինչպես է ինքնամեկուսացման այս շրջանում իրականացնում իր գործունեությունը:

«Քանի որ աշխատանքս կապված է դիզայնի ու տառաստեղծման հետ, բնականաբար տանն եմ աշխատում, ինքամեկուսացումն ուղղակի լրացուցիչ հնարավորություն է՝ ավելի շատ աշխատելու: Առանց տառ ստեղծելու ես ուղղակի չեմ կարող»,-ասաց պարոն Ղաբուզյանը:

Հարցրինք, թե ինչպես է իրականացնում իր աշխատանքը՝ իբրեւ դասախոս արտակարգ դրության պայմաններում: Մեր զրուցակիցը նշեց, որ այժմ ոչ միայն դասախոսում է, այլեւ իր ուսանողներից 12-ի հետ է սերտորեն աշխատում, որոնք պատրաստվում են մասնակցել Խարկովի միջազգային տառարվեստի ուսանողական մրցույթին:

«Նրանց հետ առավոտից մինչեւ երեկո կապի մեջ եմ՝ ֆեյսբուքով, վայբերով, անընդհատ ուղարկում են իրենց աշխատանքները, շտկումներ եմ անում եւ խորհուրդներ տալիս: Շուտով այդ 12 հոգին, որ Գեղարվեստի ակադեմիայի ուսանողներ են, 30-40 աշխատանքները կներկայացնեն Pangram կոչվող միջազգային մրցույթին: Այսինքն, ուզում եմ փաստել, որ հեռու գտնվելով էլ՝ կարելի է աշխատել: Թեեւ ավելի արդյունավետ կլիներ անմիջական շփումով աշխատելը, բայց ներկա պայմաններում էլ, եթե մարդ ուզում է մի լավ բան անել, կանի՝ անկախ մեկուսացած լինելուց»,-ասաց տառաստեղծը:

Նրանից տեղեկացանք, որ նոր տառատեսակ է նախագծում, դրամի նկարվածքը եւս համարյա ավարտվում է: «Ոչ մի կորոնավիրուս չի կարող խանգարել»,-ժպտալով հավելեց պարոն Ղաբուզյանը:

Տեղեկացանք, որ որպես ժյուրիի անդամ՝ առցանց մասնակցել է մարտի 18-ին կայացած չինական միջազգային 2019 Ch-IEA design awards մրցույթին, որին ներկայացված էր 1700 աշխատանք: Առցանց ձեւաչափով նաեւ աշխատել է նաեւ իր դիպլոմնիկ Ինեսա Պողոսյանի հետ, որն իր ձեւակերպմամբ, բավականին հետաքրքիր տառատեսակի ընտանիք է նախագծում, որը կունենա 12 նկարվածք:

Մեր զրույցի ժամանակ անդրադարձ եղավ «Գրանշան» նախագծին, որի նպատակը հայկական տառարվեստը զարգացնելն ու աշխարհում ճանաչելի դարձնելն է: Էդիկ Ղաբուզյանն ասաց, որ արդեն 2 տարի է կառավարությունը թեկուզ մասնակիորեն չի աջակցում «Գրանշանի» միջոցառումների անցկացմանը:

Վերջին միջոցառումը՝ մեծ համաժողով, ցուցահանդեսներ եւ մրցույթ, կայացել է 2017 թվականին: «Միայն գերմանական կողմն է ինչ-որ չափով աջակցում, եւ պատրաստվում ենք «Գրանշանի» մի միջոցառում իրականացնել, բայց ցավոք, ոչ Հայաստանում: Անցյալ տարի մի տասը դիմում, առաջարկ ներկայացրի: Պատասխանում են, որ առաջարկները լավն են, բայց փող չկա: Սա է իրականությունը: Դրա համար երեւի Հայաստանում դժվար կլինի կրկին ինչ-որ բան ձեռնարկել: Ամեն դեպքում նորից կփորձենք Գեղարվեստի ակադեմիայի՝ Pangram-ի մասնակից ուսանողների աշխատանքները ներկայացնել, Ազգային գրադարանն անցյալ տարի այդ հարցում օգնել է, հնարավոր է Ազգային ակադեմիայում մի փոքրիկ ցուցահանդես լինի»,- հայտնեց տառաստեղծը:

Նաեւ հավելեց, որ ցանկություն ունի նաեւ իր անհատական աշխատանքների ցուցահանդեսն իրականացնել, ինչը բարդ է, քանի որ նյութական հարցեր է ենթադրում: Ինչ վերաբերում է մեր հարցին՝ գուցե գործարարներն աջակցե՞ն, պարոն Ղաբուզյանը պատասխանեց. «Մեր գործարարները օգնում են այն դեպքում, երբ իրենց բարձր ատյաններից է ասվում՝ կառավարությունից, նախարարությունից: Մենք հիմնադրամների ենք դիմել, բայց իմ կարծիքով, մինչեւ «վերեւից» զանգեր չլինեն, ոչ մեկն էլ չի ցանկանա ձեռք մեկնել: Տխուր է, բայց փաստ: Կարող ենք արձանագրել՝ նույնիսկ տխուր փաստ»:

Հիշեցնենք, որ Էդիկ Ղաբուզյանի ձեռագիրը հայկական թղթադրամների վրա է, պետական, պաշտոնական փաստաթղթերում, խոշոր հրատարակչությունների հրատարակած գրքերը եւս նրա տառատեսակներով են:

Ի դեպ, ֆեյսբուքում եւս տանը մնալու նրա կոչերը հատուկ տառատեսակներով են, որովհետեւ հեղինակը կարծում է, որ ամեն ասելիքի համար պետք է համապատասխան տառատեսակ լինի:

Գոհար ՀԱԿՈԲՅԱՆ

Լուսանկարները՝ Էդիկ Ղաբուզյանի ֆեյսբուքյան էջից:

Լրահոս
Կկատարվի բժիշկների օրհնության արարողություն Նյու Յորքի «Մետրոպոլիտեն-օպերան» չեղյալ է հայտարարել աշնանային թատերաշրջանը Իմ հո­նո­րա­րը թող լի­նի աշ­խար­հի ա­ռող­ջա­ցու­մը Դա­տարկ խոս­քը դա­տարկ էլ ծն­վում է Հայկական կինոն հասանելի կլինի երկրի սահմանամերձ ու հեռավոր շրջաններում «Ներ­կա­յաց­ման ըն­թաց­քում ե­րե­խան հենց ինքն է ստեղ­ծա­գոր­ծում» Հայտնի են «Ընթերցանության ստեղծագործական մրցույթի» հաղթողների անունները Մահացել է կինոօպերատոր Էդուարդ Մաթևոսյանը Ռուզաննա Ոսկանյան. Երջանկությանը Վեցերորդ պատվիրան. մի՛ ընդհատիր կյանքը Նոնա Պողոսյան. Չկրակված փամփուշտներ Ջեյմս Քամերոնը Նոր Զելանդիայում վերսկսել է «Ավատարի» նկարահանումները Երախտամոռություն՝ Աստծո սիրո դիմաց Խաչատրյանի անվան միջազգային մրցույթին կմասնակցի 13 երկրի 19 ջութակահար Քանդակներ՝ մատիտի ծայրերի վրա. լուսանկարներ Գոհար Մկրտչյան. Ինքս էլ չգիտեմ… Արմենուհի Սիսյան. Երբ հավատս ծաղկի, գարուն կգա 12 դպրոցական կպայքարի Ընթերցանության ստեղծագործական մրցույթում հաղթելու համար Netflix-ը ձեռք է բերում պատմական կինոթատրոն Հունիսի 6-ին կներկայացվի առցանց համերգ՝ նվիրված Ալեքսանդր Պուշկինի ծննդյան օրվան և Պյոտոր Չայկովսկու 180-ամյակին․ «Դոմ Մոսկվի» Տիկնիկային թատրոնը պատրաստել է բացօթյա համերգ-ներկայացում Երեխաների տոնի առթիվ Սպենդիարյանի տուն-թանգարանը օնլայն կցուցադրի «Երեք արմավենի» մուլտֆիլմը Սուրբ Գրիգոր Նարեկացու կերպարը պատկերների համակարգում Համերգ՝ Կոմիտաս-150 «Հայաստանի Հանրապետություն» օրաթերթ․ Մարդկանց աղոթակից դարձնողը Շառլ Ազնավուր. Տերն ինձ տվեց... Յութուբում մեկնարկում է We Are One կինոփառատոնը Կոմիտաս. Վարդիկս Վերանորոգվել է դեպի «Տաթև» վանական համալիր տանող ճանապարհը. զբոսաշրջային ենթակառուցվածքների բարելավման աշխատանքները շարունակվում են «Խոսքի իրավունք» հաղորդման հյուրն է Մայր Աթոռ Ս․ Էջմիածնի դիվանապետ Տեր Արշակ եպիսկոպոս Խաչատրյանը Ո՞րն է իմ հաղթանակը Աստվածատեսության մասին Կորոնավիրուսից մահացել է ռեժիսոր Սամվել Գասպարովը «Եթե այս միտումը շարունակվի, ապա պլանավորված գրքերը կարող են և լույս չտեսնել». Արքմենիկ Նիկողոսյան Պուտինը շնորհավորել է Գեորգի Ֆրանգուլյանին Ֆիլհարմոնիկի առցանց նախագծերը Հրաչյա Թամրազյան. Սպիտակ էջեր Վահան Թոթովենց. Աստղիկին Հենրիկ Ալավերդյան. Զարթիր լաո Ամենայն հայոց կաթողիկոսի շնորհավորական ուղերձը հանրապետության օրվա առիթով
website by Sargssyan