USD
EUR
RUB

Ինչու Ռյազանովը մերժեց Գուրչենկոյին եւ Անդրեյ Միրոնովին

 

ԵՐԵՎԱՆ, 4 ԱՊՐԻԼԻ, Aravot.am: Միջին եւ ավագ սերունդը հրաշալի հիշում է Լեոնիդ Կվինիխիձեի «Ծղոտե գլխարկ» հայտնի կինոկատակերգությունը, որի հաջողության գրավականներից մեկն էլ փայլուն դերասանական կազմն է:

Kulturologia.ru-ի փոխանցմամբ, այս «թեթեւ» ֆիլմից հետո Անդրեյ Միրոնովն ու Լյուդմիլա Գուրչենկոն զրկվել են Էլդար Ռյազանովի ֆիլմում նկարահանվելու հնարավորությունից:

Երբ 1973թ. Լեոնիդ Կվինիխիձեն ավարտեց իր «Ինժեներ Գարինի կործանումը» ֆիլմը, կինոքննադատներն այն որակեցին որպես ռեժիսոր Կվինիխիձեի կործանում:

Ոչ բարեհաճ մեկնաբանություններից ու կարծիքներից հետո նա ստիպված դիմեց գործընկերներին ու առաջարկեց որեւէ ուրախ բան նկարել ու այդպիսով ընտրվեց ֆրանսիացի հեղինակներ Մարկ Միշելի եւ Էժեն Լաբիշի «Ծղոտե գլխարկը» վոդեւիլը:

Սկզբում որեւէ մեկը լուրջ չէր վերաբերվում այս ձեռնարկին, չէին էլ մտածում, թե կինոնկարը հաջողություն կունենա:

Կվինիխիձեն հրավիրեց բոլոր այն դերասաններին, որոնց հետ աշխատել էր «Ինժեներ Գարինի կործանումը» ֆիլմում՝ այդ թվում Նոնա Տերենտեւային եւ Օլեգ Բորիսովին: Օլեգ Բորիսովը չկարողացավ մասնակցել ֆիլմում՝ հիվանդության պատճառով, իսկ Լյուդմիլա Գուրչենկոն ավելի համոզիչ թվաց:

Այս ֆիլմը նաեւ Միխայիլ Բոյարսկու իրական կինոդեբյուտն են համարում, թեեւ ավելի վաղ նա մի քանի ֆիլմում էլ էր նկարվել ու աննկատ մնացել: Բոյարսկին «Ծղոտե գլխարկում» հայտնվեց հոր շնորհիվ, որը մտերիմ էր կինոռեժիսորի հետ: Դերասանները նկարահանումների ժամանակ հաճախ էին դիմում իմպրովիզների, օրինակ, Կոզակովը ֆիլմում ռեպլիկ է անում իր եւ երիտասարդ հովվի ոչ ստանդարտ մտերմության մասին, ինչը հարուցում է Միրոնովի ծիծաղը: «Գժվե՞լ եք, կփակեն ֆիլմը»,-ասում է նա: Ռեժիսորն էլ իր հերթին պատասխանում է. «Թող փակեն»: Գրաքննիչները չնկատեցին ռեպլիկը՝ ոչ ավանդական սեռական կողմնորոշման մասին եւ ֆիլմը իսկապես հաստատվեց:

Մի անգամ էլ Կոզակովի՝ դուելի տեսարանի նկարահանման ժամանակ գլխից թռավ կեղծամը, ռեժիսորը, սակայն, պահանջեց շարունակել նկարահանումը: Մեկ այլ տեսարանում ինքնաբուխ իմպրովիզով հանդես եկավ Միրոնովը: Նա մոտեցավ, կրքոտ համբուրեց Ալիսա Ֆրենդլիխի պարանոցը, ապա նայելով Բոյարսկու հերոսին՝ ասաց. «Քեզ էլ եմ խորհուրդ տալիս»: Դրանից հետո նկարահանող խմբի մոտ հիստերիկ ծիծաղ սկսվեց, բայց հետագայում այդ տեսարանն էլ դարձավ հաջողվածներից մեկը:

Հետագայում Բոյարսկին խոստովանում է, որ նկարահանումների ժամանակ իրեն շատ է օգնել Ալիսա Ֆրենդլիխը, նա ասել է, որ իր հսկա հովհարի հետեւում կթաքցնի յուրաքանչյուր սկսնակ դերասանի շփոթմունքը: Հարսնացուի դերը պետք է խաղար Եկատերինա Վասիլեւան, սակայն վերջին պահին շատ պատահականորեն այդ դերը տրվում է ուրիշի, որովհետեւ ռեժիսորը կարծում է, որ հարսնացուն պետք է ավելի անմեղ տեսք ունենա: Իսկ Վասիլեւան նոր դեր է ստանում՝ անհավատարիմ կնոջ դերը: Ֆիլմը մեծ հաջողություն ունեցավ, որը, սակայն, Էլդար Ռյազանովի սրտով չէր:

Ըստ Kulturologia.ru-ի՝ նա պատրաստվում էր նկարահանել «Ճակատագրի հեգնանքը» ֆիլմը, որի գլխավոր դերերի համար որոշել էր հրավիրել Լյուդմիլա Գուրչենկոյին եւ Անդրեյ Միրոնովին, սակայն, ռեժիսորի կարծիքով, նրանց «վոդեւիլային» իմիջը կխանգարեր արտիստներին հանդես գալ դրամատիկ կերպարներում: Այնուամենայնիվ, Գուրչենկոն ու Միրոնովը հայտնվեցին «Ճակատագրի հեգնանքում»՝ երբ Իպոլիտը միացնում է հեռուստացույցը, էկրանին նրանք են երեւում՝ պարելիս: Ռյազանովը հետագայում Գուրչենկոյին ընդգրկեց իր այլ ֆիլմում՝ «Կայարան երկուսի համար»:

Պատրաստեց՝ Գոհար ՀԱԿՈԲՅԱՆԸ

Լրահոս
Ֆիլհարմոնիկ նվագախումբն առցանց կկատարի Պուլենկի Սեքստետը Միսաք Մեծարենց. Աստուածամա՜ր Պարույր Սևակ. Հավատում եմ Կոնսերվատորիայի գործընթացների եւ մի շատ գրավիչ օրինախախտման մասին Նանե. Ընտրություն Կյանքից հեռացել է Ժիրայր Ալթունյանը ԱՄՆ Արևմտեան թեմի առաջնորդ Տ․ Հովնան Արք․ Տերտերյանի հայտարարությունը հայ-ադրբեջանական սահմանին տիրող լարված իրավիճակի մասին Բենքսիի հերթական աշխատանքը՝ Լոնդոնի մետրոյում Զերծ պահեք ձեզ դատելու մեղքից Հաս Չախալյան. Մահվան կոլաժ Պարույր Սևակ․ Իրերի դատն ու դատաստանը «Մերձավորի մահը». մաս 3-րդ Մայր Աթոռի հրատարակչությունը հերթական անգամ վերահրատարակել է Սբ․ Գրիգոր Նարեկացու «Մատյան ողբերգության» աղոթագիրքը Գարսիա Լորկայի հանրահայտ ողբերգությունը կներկայացվի առցանց հարթակում Ամենայն Հայոց Կաթողիկոսի անդրադարձը Սբ. Սոֆիայի տաճար-թանգարանը մզկիթի վերածելու Թուրքիայի իշխանությունների որոշման առիթով Նոտր Դամը կվերականգնվի այն տեսքով, ինչպես մինչև հրդեհն էր «Բյուրեղապակյա դղյակ» բալետային ներկայացումը կցուցադրվի վիրտուալ տիրույթում Թուրքիայի արտգործնախարարությունը մերժել է ԵՄ քննադատությունը Սուրբ Սոֆիայի կարգավիճակի փոխելու վերաբերյալ Սուրբ Բարսեղ եպիսկոպոսի ճառը բարկացողների մասին Ուիլյամ Սարոյան․ Նռնենիները Աղավնի Գրիգորյան. Ճամփորդը Հրանտ Մաթևոսյանի և Աղասի Այվազյանի աստղերը զարդարեցին Ազնավուրի հրապարակը Կենսաբաններն առաջարկում են «կյանքի» համաշխարհային ատլաս ստեղծել «Երաժշտություն հանուն ապագայի» հիմնադրամի կրթաթոշակներ` տասը տաղանդավոր երեխաների Հայ եկեղեցու Եվրոպայի թեմերի առաջնորդները դատապարտել են Ադրբեջանի սադրիչ գործողությունները Հնագետները Մարտակերտում պեղել են սալարկղային դամբարանը Եկեղեցիների համաշխարհային խորհուրդը կոչով դիմել է Էրդողանին Եղիշե Չարենց․ Հեռացումի խոսքեր Վահան Տերյան․ Կույր լինելու ցանկություն ԿԳՍՄ նախարարը ունակ չէ կրթական օբյեկտիվ չափորոշիչներ ստեղծել. Տեր Տիգրան քահանա Բադիրյան «Այս որոշումը կբարդացնի քրիստոնյաների և մուսուլմանների կյանքը». Գարո Փայլանը՝ Սուրբ Սոֆիայի տաճարը մզկիթի վերափոխելու մասին Լեհ դրամատուրգ Սլավոմիր Մրոժեկի պիեսներից մեկը կբեմադրվի Ռուսական թատրոնում ՅՈՒՆԵՍԿՕ-ն ափսոսանք է հայտնել Սուրբ Սոֆիայի տաճարի կարգավիճակի վերաբերյալ Թուրքիայի որոշման կապակցությամբ Փորձագետները գնահատել են պանդեմիայի հասցրած վնասը թանգարաններին «Ըստ ձեր հավատի թող լինի ձեզ» (Մատթ․ 9։29) Գրադարանների վիրտուալ անցուդարձը «Հայ Եկեղեցու պատմություն» դասաժամի ոդիսականը. Սերովբե եպիսկոպոս Շառլ Ազնավուրի հրապարակում բացվելու է Աղասի Այվազյանի անվանական աստղը Փարիզի Ռոդենի թանգարանը կվաճառի քանդակագործի աշխատանքների պատճենները Նոր Խարբերդի դպրոցը պատրաստ է շահագործման
website by Sargssyan