Էրեբունուց հայտնաբերված նվիրատվական թիթեղը
Նմանատիպ
ԵՐԵՎԱՆ, 7 ԱՊՐԻԼԻ, Irates.am։ «Էրեբունի» պատմահնագիտական արգելոց-թանգարանի ֆեյսբուքյան էջը ուշագրավ տեղեկատվության ու վիրտուալ ցուցադրության հնարավորություն է ընձեռում:
Էրեբունուց հայտնաբերված նվիրատվական թիթեղի պատմությունը դրանցից մեկն է: Ինչպես նշվում է հնավայրի ֆեյսբուքյան Էջում՝ այն ուղղանկյունաձև է՝ վերնամասում կառույցի քիվ հիշեցնող երեք ատամնաձև ելուստով։ Թիթեղի վրա պատկերված է երկարազգեստ զինվոր, ում ձախ ձեռքին վահան է, իսկ աջին՝ նիզակ։ Թիթեղի վերևի ձախ անկյունում ալիքաձև նախշեր են, իսկ ողջ մակերեսին՝ երկնային լուսատու խորհրդանշող յոթ գնդաձև ելուստներ։ Զինվորի կողքին պատկերված է այծ, որը եղել է ուրարտացիների ծիսական արարողությունների ժամանակ զոհաբերվող կենդանիներից մեկը։ Այսպիսով, թիթեղի մակերեսին պատկերված է զոհաբերության տեսարան։ Այս յուրօրինակ թիթեղը ցուցադրվում է Էրեբունի թանգարանում։
Հետևեք մեզ նաև Telegram-ում