USD
EUR
RUB

Տեր Գրիգոր քհն. Գրիգորյանի շնորհավորական խոսքն Ավետման տոնի առթիվ

 

Անգի՛ն մայրեր, հեզաշո՛ւք քույրեր,

Որդիական երախտագիտությամբ և եղբայրական սիրով շնորհավորում եմ ձեզ Ամենասուրբ Աստվածածնի ավետման տոնի կապակցությամբ, որը մեր երկրում նշվում է նաև որպես Մայրության և գեղեցկության տոն:

Երիցս երանելի եք դուք, որ երկնային շքեղաշուք Հարսի ու բարեխնամ Մոր աղախինները կոչվելու մեծ պատիվն ու շնորհն ունեք: Եվ երիցս երանելի ենք մենք, որ ձեզ նման անձնվեր, քնքուշ ու հոգատար հոգիներ ունենք Տիրոջից մեզ պարգևված:

Գիտեմ, որ անչափ սիրելի ու սպասված է ձեզ համար այս տոնը, սիրելի՛ քույրեր ի Քրիստոս և գիտեմ՝ տխրել եք, որ մարդկությանը պատուհասած այս չարիքի պատճառով այսօր չեք կարող եկեղեցում գտնվել: Սակայն վստահեցնում եմ ձեզ, որ Ամենակալ Աստված տեսնում և գտնում է այն բոլոր սրտերը, որ Իր հանդեպ անկեղծ սիրով, անսահման խոնարհությամբ ու աներեր հավատարմությամբ են բաբախում, որտեղ էլ, որ դրանք գտնվեն, որպեսզի լիությամբ բաշխի Սուրբ Հոգու շնորհներն ու Սրբուհի Կույս Մարիամի օրհնությունները, որ այսօր հղվում են մասնավորապես ձեզ համար:

Հատկապես այս դժվարին օրերին մեզ անհրաժեշտ են ձեր մայրական սիրող սրտից ծնված գորովագին աղոթքները, սիրելինե՛ր: Դուք, որ մարմնացյալ պահապան հրեշտակներ եք ձեր զավակների համար, սիրող, նվիրյալ ու անտրտունջ օգնականները ձեր ամուսինների, արի ու անկոտրուն ոգով մարտակիցներ եք ձեր եղբայրների կողքին և հեզ ու պարկեշտ վարքի պսակներով զարդարում եք ձեր հայրերի գլուխները, այսօր, առավել քան երբևէ, պետք է նրանց կողքին լինեք: Դուք մեզնից թույլ եք ֆիզիկապես, խոցելի ձեր զգայունությամբ, սակայն ոգու զորությամբ և սիրո ուժով մեզ չեք զիջում, հաճախ էլ անգամ գերազանցում եք, ուստի առանձապես այս օրերին մեզ անհրաժեշտ է ձեր հոգևոր աստվածատուր սքանչելի առաքինությունների լիարժեք դրսևորումը: Թող ձեր գիտակցված և պատասխանատու վարքը, անսահման սերն ու հոգատարությունը, նվիրվածությունն ու ամեն ինչում լավը, բարին տեսնելու կարողությունը փոխանցվեն մեզ և ոգևորեն մեր հանապազօրյա պայքարում: Իսկ մենք էլ ծունկ խոնարհելով Ամենասրբուհի Մոր, Ծաղկյալ Շուշանի ու Երկնային Տիրուհու առջև՝ նրա բարեխոսությունն ենք խնդրում համայն մարդկության և ձեր ու ձեր սիրելիների փրկության համար: Թող Վեհաշուք Մոր աղերսներով Տերն Իր անեզր գութը տարածի և անխախտ պահի ձեր տան հիմքերը, օրհնի ու փրկի ձեր ընտանիքները, սիրով և գնահատանքով լի քաջառողջ կյանք պարգևի ձեզ: Եվ թող ոչ մի մոր սիրտ չխոցվի կորստյան ցավից, այլ աստվածային ուրախությունն ու խաղաղությունը հավերժ բնակություն հաստատեն ձեր լուսավոր հոգիներում:

Ողջո՜ւյն քեզ, Մարիա՛մ, շնորհներով լի,

Տերը քեզ հետ է:

Օրհնյալ ես դու կանանց մեջ և

օրհնյալ է որովայնի պտուղը քո:

Սրբուհի՛ Մարիամ՝ մա՛յր Աստծո,

Աղոթի՛ր մեղավորներիս համար

Այժմ և մեր մահվան ժամին. ամեն

Տեր Գրիգոր քհն. Գրիգորյան

Զորավոր Սուրբ Աստվածածին եկեղեցու հոգևոր հովիվ

Աղբյուր՝ Surbzoravor.am

Լրահոս
Ավագ Եփրեմյան «Լինել թե չլինել ընթեռնելի» Հուսիկ Արա․ Մելոդիա Թադեոս և Բարդուղիմեոս առաքյալների տոնին դուրս բերվեց Սուրբ Գեղարդը Հույս Թադեոս և Բարդուղիմեոս առաքյալներ Մահացել է բանաստեղծ Եղիշե Չարենցի թոռնուհին՝ բանաստեղծուհի Հասմիկ Չարենցը «Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր Ֆրանսիան համագործակցում է ՅՈՒՆԵՍԿՕ-ի հետ ԼՂ-ի պատմամշակութային օբյեկտների պահպանության համար Նկար­չի ժա­մա­նա­կը «Ոսկե ծիրանը» կցուցադրի կինոռեժիսորի «Զինվորը և կովը» ֆիլմը Աստծո անունը զուր տեղը մի տուր Նոյեմբերի 28-ին դուրս կբերվի Աստվածամուխ Սուրբ Գեղարդը «Դուք այստեղ որևէ ադրբեջանական բան տեսնո՞ւմ եք». Свободная Пресса-ի ռեպորտաժը ռուս խաղաղապահների հսկողության տակ գտնվող Դադիվանքից (տեսանյութ) Շու­շիի բանտ­ված թան­գա­րա­նա­յին նմուշ­նե­րը Տրտուն­ջը, նա­խան­ձը ա­վե­րում են մեր հո­գին Քանի որ այսօր ՀՀ-ն չունի իշխանություն, հայ մշակութային գործիչները դիմում են միջազգային կառույցներին Առաջին լուսավորիչներ՝ Սուրբ Թադեոս և Սուրբ Բարդուղիմեոս առաքյալներ Կյանքից հեռացել է ՀՀ վաստակավոր արտիստ Զավեն Աբրահամյանը Ամենայն Հայոց Կաթողիկոսը ցավակցագիր է հղել ՀՀ վաստակյալ նախագահ Սերժ Սարգսյանին Աստծո արքայությունը բանաձևող առակներ «Լեռնային Ղարաբաղի հուշարձանների վիճակը պետք է գնահատեն միջազգային մասնագետները». ռուս փորձագետ Հասարակական ախտանիշ՝ չարախոսություն Նվիրյալների շնորհիվ է արվեստն ապրում ու զարգանում, և Զավենն այդ նվիրյալներից էր. Վազգեն Մանուկյան Հնագետները նեֆրիտի վերամշակման հնագույն արհեստանոցներ են հայտնաբերել Չինաստանում Խրատներ ժամակարգության համար: Ընդհանրական և առանձնական աղոթքների և ծնրադրությունների մասին Վանա լճի ջրի մակարդակի նվազման արդյունքում հայտնաբերվել է Ուրարտուի թագավորության նավահանգիստներից մեկը Կաննի և Տալլինի փառատոնները դատապարտել են Ադրբեջանի կոչերը՝ միտված Նորա Մարտիրոսյանի ֆիլմի ցուցադրությունները ձախողելուն Ինչի՞ց է որ Հայաստանում Սուրբ Ղուկիանոս քահանայի, Տարագրոսի, Պրոբոսի, Անդրոնիկոսի, Ոնեսիմոսի և Սուրբ Պողոս առաքյալի մյուս աշակերտների հիշատակության օր Վահագն Դավթյան. Ձայն իմ արյան Կինեմատոգրաֆիստների միությունը հետաձգել է տարվա հոբելյարներին նվիրված մի շարք միջոցառումներ Նիժնի Նովգորոդում կտեղադրվի Արամ Խաչատրյանի կիսանդրին Արմեն Ջիգարխանյանի բնակարանը կարող է տուն-թանգարանի վերածվել Շուշիից արվեստի գործերը տեղափոխելու առաջարկով «Երբ տկար եմ, այն ժամանակ եմ զորավոր» (Բ Կորնթ․ 12։10) Աշխատանքը Դա­դի­վան­քի հար­ցը Վե­հա­փառն է լու­ծել «Պատվավոր հյուր»-ը «Ոսկե ծիրան»-ում. Երևանում կցուցադրվի Ատոմ Էգոյանի ֆիլմը «Պար­բե­րա­բար ա­հա­զանգ­վել է Թուր­քիա­յից և Ադր­բե­ջա­նից ե­կող վտանգ­նե­րի մա­սին, և ոչ թե ա­նու­շադ­րու­թ­յան է ար­ժա­նա­ցել, այլ ան­տես­վել է» Մայր Աթոռում կգործի Արցախի հոգևոր-մշակութային ժառանգության հարցերով գրասենյակ
website by Sargssyan