USD
EUR
RUB

Քրիստոսի Խաչելությունը

 

«Էլի, Էլի, Լամա սաբաքթանի», այսինքն է. «Աստուած Իմ, Աստուած Իմ, ընդէ՞ր թողեր զիս» (Մտթ. 27:46):

Հիսուսի թշնամիները այլևս հասել էին իրենց նպատակին, կառափնատեղում, մի մեծ խաչի վրա, գամել էին Նրա անմեղ մարմինը՝ Նրա երկու սուրբ ձեռքերից և անբիծ ոտքերից: Նրա երկու կողմերում Բարաբբա ավազակի երկու ընկերներին էլ էին խաչը հանել:

Հիրավի վերջին վայրկյաններն էին, օրհասական էր, սակայն ավա՜ղ, Հիսուսի մոտ մի բարի մարդ չկար, որ Նրա երեսից հոսող քրիտինքը մաքրեր, և սիրտը սփոփեր: Այնտեղ ոչ ոք ո՛չ բարեկամություն և ո՛չ էլ սեր հայտնեց: Ընդհակառակը՝ Նրա շուրջը հայհոյանքի և չարախոսության ձայներ էին լսվում: Քահանայապետերը՝ դպիրների և ծերերի հետ միաբանված, իրենց պաշտոնից և դիրքից չքաշվելով, նույնիսկ չամաչելով իրենց ծերության ալեհերությունից ու խորշոմներից, խաժամուժի հետ ասում էին. «Ուրիշներին փրկեց, Իրեն չի կարողանում փրկել, եթե Իսրայելի Թագավորն է թող այժմ իջնի խաչից և կհավատանք Նրան». բնական է, որ եթե մեծամեծերն այս ընթացքի մեջ էին, ապա ինչե՜ր չէին անի և ասի անզուսպ, լկտի ու անպարկեշտ ստորադասները:

Քրիստոս այս խեղկատակության ժամանակ բոլորովին լուռ մնաց, միայն հևում և հեկեկում էր, արյունն արագորեն հոսում էր Նրա ձեռքերից և ոտքերից, սոսկալի կսկիծներ և ջղային պրկումներ էին առաջանում: Այս սոսկալի վայրկյաններին Նա կարող էր անեծքներ տեղալ, կարող էր թշնամիների վրա երկնքից հուր իջեցնել և Իր հրեշտակներով նրանց սատկացնել, սակայն Հիսուս օրհնությունից բացի այլ բան չասաց և չարեց:

Ժամը վեցն էր, արդեն երեք ժամ էր, որ խաչված էր, երբ հանկարծ արևը խավարեց և խավարը տիրեց երկրին և երեք ժամ շարունակ գիշերվա նման մութ եղավ, կարծես մի սև քողով այդ ահասարսուռ և սրտաճմլիկ տեսարանը ծածկվում էր. հանկարծակի մթության պատճառով սուրբ արյունով ներկված Գողգոթայի վրա մի խոր լռություն տիրեց, սև-սև ամպեր եկան և ծածկեցին կապույտ երկնքի երեսը, կատաղի ամբոխը սարսափով և լռությամբ նայում էր այդ անժամանակ գիշերին, քահանայապետերն ու դպիրները կարկամեցին-մնացին և զինվորները սոսկումով լցվեցին:

Հեռվից արհավիրքներով լեցուն տեսարան էր բացվում՝ Երուսաղեմը թաղված էր սև մթության մեջ, նրա հսկա պարիսպները, բարձր աշտարակները և խրոխտ ժայռերը մթության մեջ սպառնալից կերպարանք էին առել, երեք ահագին խաչերը հորիզոնի վրա զարհուրելի տեսարան էին բացում այդ մթության մեջ և ուրվականների նման վեր էին բարձրանում մռայլ ամպերի տակ:

Այս ընդհանուր խոր լռության և մթության մեջ Հիսուս հանկարծ կսկիծներով և վերքերով լեցուն կրծքից հուզիչ և խորուն այս հառաչանքն արձակեց. «Էլի՛, Էլի՛, լամա սաբաքթանի», այսինքն. «Աստված Իմ, Աստված Իմ, ինչո՞ւ թողեցիր ինձ»:

Ո՜վ Տեր իմ, այս Քո՞ ձայնն է, ո՜վ իմ Փրկիչ, մի՞թե դու իրավունք չունես ասելու. «Ես և Իմ հայրը մեկ ենք». Դո՛ւ, որ փոթորիկին և ծովին հրամայեցիր, Դո՛ւ, որ զորությամբ և փառքով երևացիր, ինչպե՞ս կարող էիր ասել. «Աստված Իմ, Աստված Իմ, ինչո՞ւ թողեցիր ինձ»:

Սակայն իրողություն է և ոչ ցնորք, հենց Հիսուսի ձայնն էր այն և Նրանն էլ պետք է լինի: Նա ո՛չ ներքևից՝ Իր աշակերտներից մի սրտապնդող խոսք լսեց և ո՛չ էլ վերևից՝ երկնքից լսեց ու տեսավ Իրեն զորացնող և քաջալերող որևէ բան: Մի հրեշտակ չտեսավ, որը Գեթսեմանիի տագնապի ժամին եղածի նման, այստեղ էլ, այդ անտանելի կացության մեջ Իրեն մխիթարեր: Նա բոլոր կողմերից լքված էր, և Իր ցավն ու կսկիծը, վիշտն ու վերքը անտանելի էին: Թեև Իր աստվածային բնությունը չարչարվելու բնություն չուներ, սակայն աստվածամարդը չարչարվում և խաչվում էր. այս վիճակի մեջ էր, որ աղաղակեց. «Աստված Իմ, Աստված Իմ, ինչո՞ւ թողեցիր ինձ»:

Աստված այդ վայրկյանին լքել էր Իրեն և ինչո՞ւ. ահա այստեղ է խորհուրդը. և սա միայն հետևյալ կերպ կարող ենք հասկանալ և լուսաբանել: Հիսուս մեր բոլորի անօրենություններն Իր վրա վերցրեց և մեր մեղքերը սեփականացրեց, և այդ անօրենություններն ու մահվան պատճառ մեղքերն Իր վրա վերցրած՝ զոհեց և զոհվեց: Նա որպես անօրեն և մեղավոր գամվեց և խաչվեց, գամեց և սպանեց մեղքը, և ինչպես անզգամ, անօրեն և մեղավոր մարդը մահվան ժամին հաշտ չէ Երկնավոր Հոր հետ, այդպես էլ Քրիստոս, որպես մեղավոր մեղքի բեռան տակ ճնշված, այնտեղ զոհվում էր մեղավորների փոխարեն. զգում էր, որ Աստծու կողմից լքված է և ստիպված է՝ միայնակ կրելու այդ ծանր ու դժվարին բեռը:

Հիրավի, թեև մի մեղավորի նման միայնակ թողվեց, Երկնքից լքվեց և հուսահատ ու անմխիթար մնաց, սակայն այլ մեղավորների նման չմոլեգնեց և չգանգատվեց, այլ դարձյալ Իր Աստվածն էր անվանում՝ ասելով. «Աստված Իմ, Աստված Իմ»:

Տեր Ղևոնդ վրդ. Դուրյան, «Պարզ քարոզներ» Ա հատոր, Կ. Պոլիս, 1907թ.

Արևելահայերենի վերածեց Վաչագան սրկ. Դոխոլյանը

Աղբյուր՝ Surbzoravor.am

Լրահոս
Կկատարվի բժիշկների օրհնության արարողություն Նյու Յորքի «Մետրոպոլիտեն-օպերան» չեղյալ է հայտարարել աշնանային թատերաշրջանը Իմ հո­նո­րա­րը թող լի­նի աշ­խար­հի ա­ռող­ջա­ցու­մը Դա­տարկ խոս­քը դա­տարկ էլ ծն­վում է Հայկական կինոն հասանելի կլինի երկրի սահմանամերձ ու հեռավոր շրջաններում «Ներ­կա­յաց­ման ըն­թաց­քում ե­րե­խան հենց ինքն է ստեղ­ծա­գոր­ծում» Հայտնի են «Ընթերցանության ստեղծագործական մրցույթի» հաղթողների անունները Մահացել է կինոօպերատոր Էդուարդ Մաթևոսյանը Ռուզաննա Ոսկանյան. Երջանկությանը Վեցերորդ պատվիրան. մի՛ ընդհատիր կյանքը Նոնա Պողոսյան. Չկրակված փամփուշտներ Ջեյմս Քամերոնը Նոր Զելանդիայում վերսկսել է «Ավատարի» նկարահանումները Երախտամոռություն՝ Աստծո սիրո դիմաց Խաչատրյանի անվան միջազգային մրցույթին կմասնակցի 13 երկրի 19 ջութակահար Քանդակներ՝ մատիտի ծայրերի վրա. լուսանկարներ Գոհար Մկրտչյան. Ինքս էլ չգիտեմ… Արմենուհի Սիսյան. Երբ հավատս ծաղկի, գարուն կգա 12 դպրոցական կպայքարի Ընթերցանության ստեղծագործական մրցույթում հաղթելու համար Netflix-ը ձեռք է բերում պատմական կինոթատրոն Հունիսի 6-ին կներկայացվի առցանց համերգ՝ նվիրված Ալեքսանդր Պուշկինի ծննդյան օրվան և Պյոտոր Չայկովսկու 180-ամյակին․ «Դոմ Մոսկվի» Տիկնիկային թատրոնը պատրաստել է բացօթյա համերգ-ներկայացում Երեխաների տոնի առթիվ Սպենդիարյանի տուն-թանգարանը օնլայն կցուցադրի «Երեք արմավենի» մուլտֆիլմը Սուրբ Գրիգոր Նարեկացու կերպարը պատկերների համակարգում Համերգ՝ Կոմիտաս-150 «Հայաստանի Հանրապետություն» օրաթերթ․ Մարդկանց աղոթակից դարձնողը Շառլ Ազնավուր. Տերն ինձ տվեց... Յութուբում մեկնարկում է We Are One կինոփառատոնը Կոմիտաս. Վարդիկս Վերանորոգվել է դեպի «Տաթև» վանական համալիր տանող ճանապարհը. զբոսաշրջային ենթակառուցվածքների բարելավման աշխատանքները շարունակվում են «Խոսքի իրավունք» հաղորդման հյուրն է Մայր Աթոռ Ս․ Էջմիածնի դիվանապետ Տեր Արշակ եպիսկոպոս Խաչատրյանը Ո՞րն է իմ հաղթանակը Աստվածատեսության մասին Կորոնավիրուսից մահացել է ռեժիսոր Սամվել Գասպարովը «Եթե այս միտումը շարունակվի, ապա պլանավորված գրքերը կարող են և լույս չտեսնել». Արքմենիկ Նիկողոսյան Պուտինը շնորհավորել է Գեորգի Ֆրանգուլյանին Ֆիլհարմոնիկի առցանց նախագծերը Հրաչյա Թամրազյան. Սպիտակ էջեր Վահան Թոթովենց. Աստղիկին Հենրիկ Ալավերդյան. Զարթիր լաո Ամենայն հայոց կաթողիկոսի շնորհավորական ուղերձը հանրապետության օրվա առիթով
website by Sargssyan