USD
EUR
RUB

Ո՞վ է հաղթել նացիստներին՝ ԱՄՆ-ը և ՌԴ-ն վիճարկում են ԽՍՀՄ-ի դերը երկրորդ աշխարհամարտում

 

Նացիստական Գերմանիայի դեմ հաղթանակի 75-ամյակի նախօրեին ՌԴ-ն ու ԱՄՆ-ը նորից են վիճարկում ԽՍՀՄ-ի դերը երկրորդ աշխարհամարտում: ՌԴ ԱԳՆ-ն զայրալից պատասխան տվեց Սպիտակ տան թվիթին, որտեղ իբրև հաղթողներ հիշատակվում էին ԱՄՆ-ը ու Մեծ Բրիտանիան: Մայիսի 8-ին ԱՄՆ նախագահի վարչակազմի պաշտոնական ակաունտում հայտնվեց թվիթ Դոնալդ Թրամփի տեսագրությամբ, որ պսակ է դնում երկրորդ աշխարհամարտի զոհերի հիշատակին:

Տեսագրությունը մակագրված էր. «1945-ի մայիսի 8-ին Ամերիկան ու Մեծ Բրիտանիան հաղթեցին նացիստներին: Ամերիկյան ոգին միշտ հաղթում է: Իվերջո հենց դա էլ լինում է»: Տեսագրության մեջ Թրամփը հենց այդ խոսքերն էլ արտաբերում է: Ի պատասխան ՌԴ ԱԳ-ն իր զայրույթն արտահայտեց «նացիզմի ջախջախման արդյունքների և մեր երկրի վճռական ներդրման արդյունքների խեղաթյուրման փորձերից, որ չի դադարեցնում Վաշինգտոնը»: «Չենք կարող սոցիալական ցանցերում տեղակայված մեկնաբանության կողքով անցնել, որտեղ հիտլերյան Գերմանիայի նկատմամբ հաղթանակը վերագրվում է բացառապես «Ամերիկային ու Մեծ Բրիտանիային».- նշված է ՌԴ ԱԳՆ հայտարարության մեջ:-«Ամերիկացի պաշտոնյաները քաջություն ու ցանկություն չունեցան թեկուզ կես խոսքով արժանին մատուցել Կարմիր բանակի ու սովետական ժողովրդի անվիճելի դերին ու անհամադրելի կորուստներին հանուն ամբողջ մարդկության»: ՌԴ ԱԳՆ-ն խոստացել է նաև «ամերիկացի գործընկերների հետ լուրջ խոսակցություն ունենալ այդ թեմայով»:
Սպիտակ տան թվիթը նախ անգլիալեզու օգտատերերի, հետո նաև ռուսալեզուների արձագանքը ստացավ: Կիրակի օրը մի քանի հարյուր մեկնաբանություն արդեն կար երկրորդ աշխարհամարտում ԽՍՀՄ-ի դերի մասին: pasanospoco օգտատերը Գերմանիայի կապիտուլյացիայի ակտի ստորագրման լուսանկար էր տեղակայել, որտեղ երևում է սովետական պատվիրակությունը, ու մակագրել՝ «Նացիստները ոչ այն տղերքին են հանձնվում»: Մեկ այլ մեկնաբան գրել էր. «ԽՍՀՄ-ի կորուստները չի կարելի համեմատել կորուստների հետ, որ կրել են մյուս դաշնակցները»: Սպիտակ տան քննադատությանը միացել է նույնիսկ ընդդիմադիր Ալեքսեյ Նավալնին, որ իր թվիթերում անգլերեն գրել է. «Ողջույն, տղերք: Դա ինչ-որ մրցություն չէր, բայց դուք մի փոքրիկ մանրամասն մոռացել եք: Իմ երկրի ներդրումը մեծ հաղթանակի մեջ՝ 27 միլիոն ռուսների կյանքն է այն պատերազմի ամենաարյունոտ կռիվներում»: ՌԴ ԱԳՆ-ի հայտարարության մեջ նշվում է, որ Սպիտակ տան թվիթը հակասում է Էլբայում հանդիպման մասին Դոնալդ Թրամփի ու Վլադիմիր Պուտինի ապրիլի 25-ի հայտարարությանը, որտեղ շեշտադրվում էր ԱՄՆ-ի ու ԽՍՀՄ-ի համագործակցությունը:

ԱՄՆ Պետդեպարտամենտի երկրորդ աշխարհամարտի մասին հայտարարությունը բոլորովին այլ էր: Մայիսի 7-ին Պետդեպարտամենտը և արևելաեվրոպական 9 երկրների ղեկավարների հայտարարության մեջ արժանին է մատուցվում նացիզմի դեմ պայքարողներին, բայց նշվում է, որ պատերազմի ելքը «ազատություն չբերեց Եվրոպային»: «Բալթյան երկրները անօրինական օկուպացվեցին ու անեքսիայի ենթարկվեցին: Սովետական Միությունը և մյուս երկրներին էր պահում երկաթե բռունցքի մեջ՝ ռազմական ճնշող գերազանցության բռնաճնշումների ու գաղափարախոսական վերահսկողության օգնությամբ»՝ նշվում է հայտարարության մեջ, որ ավարտվում է հիշեցումով՝ խաղաղությունը «պահանջում է միջազգային իրավունքի ու նորմերի անկեղծ ու հետևողական պահպանում, ներառյալ ինքնիշխանությունը և բոլոր երկրների տարածքային ամբողջականությունը»: Փաստաթուղթը ստորագրել են ԱՄՆ պետքարտուղար Մայք Պոմպեոն, Բուլղարիայի, Չեխիայի, Էստոնիայի, Հունգարիայի, Լատվիայի, Լիտվայի, Լեհաստանի, Ռումինիայի, Սլովակիայի ղեկավարները: Մայիսի 7-ին առանձին հայտարարություն արեցին Բալթյան երկրների ղեկավարները՝ Ռուսաստանին մեղադրելով պատերազմին նախորդած հանգամանքների, մասնավորապեա Մոլոտով-Ռիբենտրոպ պակտի աղավաղման մեջ: «Ռուսաստանը փորձում է կեղծել պատմությունը կամ ապատեղեկացնել ռեալ իրավիճակի մասին: Հատկապես՝ պատերազմի սկզբի ու այն մասին, որ Սովետական Միությունը ու նացիստական Գերմանիան բարեկամներ էին ու համագործակցում էին՝ և Լեհաստանը, և սովետական կողմից՝ Էստոնիան, Լատվիան, Լիտվան, Ռումինիայի մի մասը օկուպացնելու համար»՝ հայտարերել է Լատվիայի նախագահ Էգիլս Լևիտսը:

Նման հայտարարություններ արել են և մյուսները: «Մեզ համար պատերազմն ավարտվել է 1993-ին, երբ հեռացավ վերջին ռուս զինվորը»՝ հայտարարել է Ֆրանս պրեսին հարցազրույցում Լիտվայի նախագահ Գիտանաս Նաուսեդան: Ռուսաստանն էլ բազմիցս մեղադրել է արևմտյան երկրներին, նաև՝ արևելաեվրոպական, պատմությունը կեղծելու, նացիստների հետ համագործակցած ուժերին փառաբանելու փորձերի մեջ:
BBC

Հ.Գ. ԱՄՆ-ը ու ՌԴ-ն վիճարկում են անվիճարկելին՝ պատերազմում հաղթել է զինվորը: Գերմանիայում ֆաշիստների իշխանության գալու մեջ մեղավոր էր ամբողջ Եվրոպան, որ համեստորեն լռում էր Հիտլերի Ավստրիա ներխուժելու, Չեխիա մտնելու, շրջապատի բոլոր երկրների վրա հարձակումների ժամանակ: Մոլոտով-Ռիբենտրոպ պակտը մի մասն էր այլ երկրների հետ Գերմանիայի կնքած համաձայնագրերի, որ բոլորն էին դատապարտված էին ու նպատակ ունեին ժամանակ շահել՝ պատերազմին նախապատրաստվելու համար: Ինչպես այն ժամանակ, հիմա էլ երկրորդ աշխարհամարտի ավարտի 75-ամյակը բոլոր պետություններն օգտագործում են իրենց քաղաքական նպատակներով, ու դա 0 հարգանքի դրսևորում է պատերազմի զոհերի նկատմամբ: Մերձբալթյան երկրներն էլ, Լեհաստանն էլ արագ մոռացան՝ ինչպես պատերազմից հետո վերականգնվեց տնտեսությունը, նրանք հիշում են միայն բռնությունները, քաղաքական հալածանքները, բայց պատմությունը լավի ու վատի խառնուրդ է, ու աղավաղվում է երբ շեշտադրվում է միայն մեկ կողմը: Փաստացի՝ 75 տարի հետո էլ պետությունների ղեկավարները ի վիճակի չեն սթափ ու անկողմնակալ գնահատական տալ իրենց նախորդների քայլերին, և ուրեմն սթափ ու անկողմակալ չեն լինելու իրենց քայլերը: Ու դա բոլորի պարտությունն է՝ մեծ հաղթանակի 75-ամյակին:

Աղբյուր՝ Irates.am

Լրահոս
Արմենուհի Սիսյան. Կարոտի տեսիլներ Ներսես Աթաբեկյան. Տիեզերքի եզրին Սոնա Արշունեցի․ Առանց ձեզ ով եմ «Ցեղասպանության թանգարանի փակ ֆոնդերից որոշ նյութեր կորել են». ԿԳՄՍ նախարար Էրմիտաժում կցուցադրվեն չինացի նկարչի՝ COVID-19-ին նվիրված աշխատանքները Ինչո՞ւ են գնում գերեզման եօթներորդ եւ քառասուներորդ օրը Նոր բեմադրություններ, հյուրախաղեր համայնքներում. Արտաշատի դրամատիկական թատրոնի հավակնոտ ծրագրերը Բյուրականի աստղադիտարանը՝ համավարակի ժամանակ 30 տարվա ընթացքում առաջին անգամ Turner մրցանակաբաշխությունը չի կայանա Ա Պետրոս 1.5-10 Շառլ Ազնավուր. Դեռ երեկ Վահան Թեքեյանի․ «Տաղ հայերեն լեզվին» Պետրոս Դուրյան. Սիրել Հեռավար «ԴասԱ» հանդիպում՝ «Անկախության սերունդ» ծրագրի մասնակիցների հետ Երբ Հի­սուս հետ դար­ձավ Մահացել է գրող Գրիգոր Սարգսյանը Սաղմոս ՃԼԱ Պաշտպանիչ դիմակներ գեղարվեստական լուծումներով. Ազգային պատկերասրահի կրեատիվ մարտահրավերը Աշխարհում ամենապահանջված մանկական նախագծերը Լեգենդար ABBA -ն նոր երգերով հանդես կգա Փառատոններ, համաժողովներ. «Միհր» թատրոնն ակտիվ է եղել նաև մեկուսացման օրերին Աշոտ Ավդալյան. «Ինձ ճանաչողը» Դերասանուհի Կարինե Բուռնազյանի մոտ մահվանից հետո հաստատվել է կորոնավիրուս Պատվելով ծնողներին՝ պատվում ենք Աստծուն Օպերային թատրոնն առցանց կցուցադրի «Մանոն» ներկայացումը Շուշանիկ Կուրղինյան, Շատերից մեկին Վենետիկի կինոփառատոնը կկայանա սեպտեմբերին Սեյրան Մալխասյան. Սաղմոս ապաշխարողի 94 տարեկան հասակում կյանքից հեռացել է Յակով Զարգարյանը Սաղմոս ՃԼ Աշոտ Ավդալյան․ ... Ու երեխան Իրական գանձերը Երկրպագություններն ավելի մեծ օգուտ են տալիս, քան հոգևոր մյուս բոլոր վարժանքները Անվճար վարպետաց դաս Անյա Լեխների հետ «Սևանի Աստվածամայրը» հրաշագործ սրբապատկերի մասին Հուշարձանները կվերականգնվեն Ալեքսանդր Մանթաշյանցի մասին պատմող «Կովկասի արքան» գիրքը ընթերցողի սեղանին է Նույնականացվում են Զվարթնոցի ճարտարապետական բեկորները «Ան­մա՞հ է այն գոր­ծը, ո­րի հա­մար ես մե­ռա…» Ազնավուր. հավերժի ճամփորդը 22.05.2020
website by Sargssyan