USD
EUR
RUB

Նաիրա Համբարձումյան. «Խնջույք Աստվածային» շարքից

 

Ժելատինե կյանքը
Եվ մահացող ձեռքը հիվանդ դարի,
Դարը՝ հաջողված դոնոր
Բոլոր թմրամոլների, պոռնիկների,
Արվամոլների, աղանդավորների,
Բոլոր «խաղացողների» համար,
Նրանք խաղում են նույն ԹԻՄՈՒՄ:

Դարը՝ ինֆորմացիոն կանաչ
առվույտի դաշտ,
Նրա արյան մեջ
Ամեն օր խտանում է
Պրոտրոմբինը,
Երբեմն-երբեմն
Ստեղծում է կաթվածի նոպաներ,
Եվ անհայտ է ՏՈՒՆԸ,
Ուր կարելի է թաքնվել:

Ձյունը արյամբ է բուրում
Իննսունչորս գարուն
Եվ փախուստի ճամփա՞
Ո՞վ, Որտե՞ղ, Ե՞րբ…

Ժամանակի սառցե կոնքերը
Ժելատինե խաբկանքների
Մուրճերով են տաշվում:
Եվ մահացող ձեռքը հիվանդ դարի
Պարտության ճերմակ դրոշն է պարզում
Առվույտի դաշտում:

Մի քիչ էլ՝
Եվ կայսերական դարի
Նուրբ քիմքից
Կպոկվի
Դեղին խիղճը մարդկության,
Ցեղասպանության դատապարտումը
Կդառնա հարյուր տարեկան,
Միակ երկարակյացը
Եվ անօգնականը միակ:
Մինչդեռ
Մերոնք կեգլախաղ են խաղում,
Եվ որպես ձկան մորթը թեփուկավոր՝
Խտանում է ամեն օր
Արյունը մեր կյանքի:

Հե՜յ, կառապա՛ն, կանգ առ մի տեղ,
Ես ուզում եմ տաքացնել
Ցրտահարված իմ ձեռքերը,
Ես ուզում եմ տաքացնել
Ցրտահարված իմ ոտքերը,
Ես…
Հոգիս…
Հե՜յ, կառապա՛ն…
Եվ խռպոտած հաչում է
Ձմեռվա այս իրիկունը
Մե՛րթ կրակից կարմրելով,
Մե՛րթ շիկնելով ցրտից:
Բա՛րև, Երևա՛ն,
Ես հարգում եմ ԱԽՊԵՐՈՒԹՅՈՒՆԸ քո,
Եվ ցրտերը դատարանների,
Եվ դեղատների էժանագին դեղորայքը՝
Էկզոտիկ համերով,
Եվ թանկացումները կյանքի,
Արճճե աստվածների բորսայում,
Եվ ժպիտները հոլիվուդյան,
Որոնց լաբիրինթոսում
Որոնում ենք մեր ինքնության պես
նահանջած
Մեր բառերը:
Քաղա՛ք իմ,
Խիտ ու մազածածկ հոնքերից քո
Կախվել են
Կարկատանված ամոթույքները կույսերի
Եվ զգացմունքների խառնաշփոթում
Նահապետացել է
Ատելությունը:

Քաղա՛ք իմ,
Խնկագույն աչքերով իմ երազ,
Անկյունադարձերը փողոցների
Մրսում են նավթավառի թույլ բոցից,
Եվ ուրվականները դպրոցների
Ոչինչ չեն խոստանում՝
Մառախուղի երանատեսիլ քայքայումից
ծպտված
Կրթության անորակ ժապավենից բացի:

Ամեն ինչից սառնամանիքի հոտ է գալիս,
Եվ գեղեցկուհի ձմեռը
Իր սառցե եղունգներն է խրում
Ճերմակ կողերը
Ապագայի մանրակծծի ՆԿՈՒՆՔԻ:

Մառախուղը թափվում է կաթիլացած,
Մերթ ձկնակերպ ցավ է դառնում
Կորած բառի,
Ու մերթ՝
Խնձոր որպես՝
Տրվում կրկին քմայքներին Եվայի…

Եվ նորից՝
Անկյունադարձերում փողոցների
Բարձրացվում է ճերմակ դրոշը դարի,
Եվ ժելատինե կյանքը իմ
Մահամերձի երկինքոտ աչքերով
Շնչում է մի կերպ՝
Աչքը՝
Օդի հեղուկ տարաների
Նեղլիկ շերտին:

Հե՜յ, ժամանա՛կ,
Ո՞ւմ ես նորից մորթելու
Սքեմացած էությամբ քո,
Մաշկաթևի մառախլամուտ մավիճի պես՝
Ստահոդ ճակատդ պահած համբույրի:
Եվ ցրվում է ծիծաղը դարի՝
Խելագարի կարմրամաղձ հայացք որպես,
Որպես տերունական ճերմակ աղոթք՝
Ստվերներն են քայլում մարդկանց՝
Երկա՜ր-երկա՜ր…

Եվ ոչ մեկի գրչակիցը չեմ ես,
Ժամանակը նույն
Ե՛վ միացնում է,
Ե՛վ զատում է մեզ…
Իշխանավոր դարի քնատ գրչածայրից
Փախչում են, փախչում են բառերս:

Աղբյուր՝ Grakantert.am

Լրահոս
Ամենայն հայոց կաթողիկոսի շնորհավորական ուղերձը հանրապետության օրվա առիթով Մայիսյան հերոսամարտի զենքերը կներկայացվեն օնլայն ցուցահանդեսում Երկրպագություններով Աստծուց ներում ենք հայցում և մեր երախտագիտությունը հայտնում Առցանց համերգ ու առցանց ելույթ՝ օպերայի ու բալետի թատրոնի կողմից Աշխարհի լավագույն կատարողներն իրենց գիտելիքներն են փոխանցում հայ երաժիշտներին Apple-ը Paramount Pictures-ի հետ կաշխատի Սկորսեզեի նոր ֆիլմի վրա Արմենուհի Սիսյան. Կարոտի տեսիլներ Ներսես Աթաբեկյան. Տիեզերքի եզրին Սոնա Արշունեցի․ Առանց ձեզ ով եմ «Ցեղասպանության թանգարանի փակ ֆոնդերից որոշ նյութեր կորել են». ԿԳՄՍ նախարար Էրմիտաժում կցուցադրվեն չինացի նկարչի՝ COVID-19-ին նվիրված աշխատանքները Ինչո՞ւ են գնում գերեզման եօթներորդ եւ քառասուներորդ օրը Նոր բեմադրություններ, հյուրախաղեր համայնքներում. Արտաշատի դրամատիկական թատրոնի հավակնոտ ծրագրերը Բյուրականի աստղադիտարանը՝ համավարակի ժամանակ 30 տարվա ընթացքում առաջին անգամ Turner մրցանակաբաշխությունը չի կայանա Ա Պետրոս 1.5-10 Շառլ Ազնավուր. Դեռ երեկ Վահան Թեքեյանի․ «Տաղ հայերեն լեզվին» Պետրոս Դուրյան. Սիրել Հեռավար «ԴասԱ» հանդիպում՝ «Անկախության սերունդ» ծրագրի մասնակիցների հետ Երբ Հի­սուս հետ դար­ձավ Մահացել է գրող Գրիգոր Սարգսյանը Սաղմոս ՃԼԱ Պաշտպանիչ դիմակներ գեղարվեստական լուծումներով. Ազգային պատկերասրահի կրեատիվ մարտահրավերը Աշխարհում ամենապահանջված մանկական նախագծերը Լեգենդար ABBA -ն նոր երգերով հանդես կգա Փառատոններ, համաժողովներ. «Միհր» թատրոնն ակտիվ է եղել նաև մեկուսացման օրերին Աշոտ Ավդալյան. «Ինձ ճանաչողը» Դերասանուհի Կարինե Բուռնազյանի մոտ մահվանից հետո հաստատվել է կորոնավիրուս Պատվելով ծնողներին՝ պատվում ենք Աստծուն Օպերային թատրոնն առցանց կցուցադրի «Մանոն» ներկայացումը Շուշանիկ Կուրղինյան, Շատերից մեկին Վենետիկի կինոփառատոնը կկայանա սեպտեմբերին Սեյրան Մալխասյան. Սաղմոս ապաշխարողի 94 տարեկան հասակում կյանքից հեռացել է Յակով Զարգարյանը Սաղմոս ՃԼ Աշոտ Ավդալյան․ ... Ու երեխան Իրական գանձերը Երկրպագություններն ավելի մեծ օգուտ են տալիս, քան հոգևոր մյուս բոլոր վարժանքները Անվճար վարպետաց դաս Անյա Լեխների հետ
website by Sargssyan