USD
EUR
RUB

Սաղմոս ՃԼ

 

Աստիճանների օրհներգություններ

Սրբերի խոնարհությունն է ցույց տալիս՝ ասելով.

1. Տէր, ո՛չ բարձրացաւ սիրտ իմ. և ո՛չ զբօսան աչք իմ:

Տե՛ր, սիրտս չգոռոզացավ, և աչքերս վերևից չնայեցին:

Դանիելը, երեք մանուկները և Մուրթքեն, թեև իշխանության հասան ու բարձրացաև, նրանց միջոցով հիասքանչ հրաշքներ գործվեցին [սակայն նրանց սիրտը չգոռոզացավ], որովհետև սրտի գոռոզության պատճառով ոչ միայն ամբարիշտներն են ապականվում, այլև սրբերը, ինչպես Օզիան, Եզեկիան, որ հիվանդություն ստացավ, դրա համար էլ Տերն ասում էր. «Սովորե՛ք ինձնից, որ հեզ եմ» (Մատթ. 11:29): Սիրտ ասելով նկատի ունի հոգին, որ չլինի չար հոգու նման, որ ցանկանում էր աթոռը արձունքներում դնել: Եվ աչքերս վերևից չնայեցին, այսինքն՝ անգամ մտքով չդեգերեցի գոռոզության խորհուրդներով, և մարմնավոր աչքերը բազում բաներ են կերպարանավորում՝ խեթ նայելով, ակնարկելով և հոնքերը կիտելով, սակայն Տիրոջ մտերիմներից ոչ ոք այդպես չարեց, և Պողոսն էլ հպարտությամբ պարծենալն անզգամություն է համարում, թեև արդար է:

Ո՛չ գնացի ես ընդ մեծամեծս. և ոչ ընդ այնոսիկ, որ սքանչելի եղեն քան զիս:

Ես մեծամեծների հետ ոտք չդրի, ոչ էլ նրանց հետ, ովքեր բարձր են ինձնից:

Հպարտ մեծամեծների հետ, ինչպես Դանիելը [ոտք չդրեց] պարսիկների ու մարերի իշխանների հետ, և Մուրթքեն՝ Համանի: Ոչ էլ նրանց հետ, ովքեր բարձր են ինձնից. Նաբուգոդոնոսորի և Կյուրոսի, որ Բելին ու վիշապին էին երկրպագում: Նաև առաջին սքանչելի սրբերի հետ չէին հավասարեցնում իրենց, այլ ասում էին. «ամոթահար եղանք ու նախատինք քո պաշտոնյա ծառաների առջև» (հմմտ. Դանիել 4:33):

2. Բայց թէ խոնարհեցայ ես որպէս մանուկ սարտուցեալ ի ստենէ մօր իւրոյ, և դարձ նորա անդրէն ի նոյն:

Այլ խոնարհ եղա մոր կրծքից կտրված մանկան նման, որի փափագը նույն բանին դառնալն է:

Ինչպես որ Տերն էր ասում. «Եթե չդառնաք ու չլինեք մանուկների պես, երկնքի արքայությունը չեք մտնի» (Մատթ. 18:3): Եվ մոր կրծքից կտրված մանկան նման, որ թեև դառը դեղերով են պատում, սակայն հեշտությամբ չի կտրվում, կամ կտրելու պատճառով խռովվում է, ոտքերով հարվածում և լալով պահանջում է, այնուհետև արագ հաշտվում է և խնդրում: Այսպես և սրբերը, սպասելով Աստծու քնքշանքներին, տղայաբար փափագում են, ինչպես որ Երեմիան ուխտել էր բնավ չխոսել [Տիրոջ անունից], քանզի, ասում է. «Տիրոջ խոսքն ինձ նախատինք բերեց» (Երեմ. 20:9), մինչև որ բորբոքվեցին ոսկորները: Ամբակումն էլ ասում էր. «Ինչո՞ւ ինձ ջանք ու հոգնություն պատճառեցիր» (Ամբ. 1:3), ապա արագ ետ է դառնում այնտեղից՝ ասելով. «Տե՛ր, քո լուրը լսեցի և վախեցա» (Ամբ. 3:2):

3. Այլ թէ հպարտացուցի արդեօք զանձն իմ, այսպէս եղիցի հաստատումն անձին իմոյ, յուսացաւ Իսրայէլ ի Տէր յայսմհետէ մինչև յաւիտեան:

Իսկ եթե հպարտացրի իմ հոգին, այդպես թող լինի հատուցումն անձիս: Իսրայելը հույսը դրեց Տիրոջ վրա՝ այսուհետև մինչև հավիտյան:

Ինչպես ամբարտավան Եքոնիայի և Սեդեկիայի հետ պատահեց, և եթե մեկն ասի, թե մի՞թե չգիտեր Աստված, [կպատասխանենք, որ] այլոց օգուտի և օրինակի համար է ասում, այլ ոչ թե Աստծու առաջ պարծենալով է ուսուցանում իր առաքինությունը: Իսրայելը հույսը դրեց Տիրոջ վրա. Իսրայելը բազում անգամներ ուսանել էր հուսալու փորձառությունը՝ Եգիպտոսից և Բաբելոնից ելնելով և այն ամենը, ինչ կատարվեցին երկու աշխարհներում, և այնուհետև՝ Երուսաղեմում, այդ ամենին հնազանդվելով, հույսը դրեց Տիրոջ վրա՝ այսուհետև մինչև հավիտյան:

Վարդան Արևելցի, Մեկնութիւն Սաղմոսացն Դաւթի, Էջմիածին, 1797 թ.

Գրաբարից թարգմանեց Գայանե Թերզյանը

Աղբյուր՝ Surbzoravor.am

Լրահոս
Դերասանի մենախոսություն կյանքի իմաստի մասին. «Հեռագիր»-ը ցուցադրվեց «Արմմոնո» փառատոնին Կյանքի արվեստ. Սեռական դաստիարակության խնդիրը Կորյուն Առաքելյան. Բանաստեղծություններ Սամվել Մարգարյան․ Բանաստեղծություններ Մեզ հրամցված է մի չափորոշիչ, որն առանձին անձանց քմահաճույքի արդյունք է. Տեր Սարգիս Netflix-ը «Խոստումը» ֆիլմը ցուցադրելու հեղինակային իրավունք է ստացել Ընտանիք Համո Սահյան. Հորովել Եղիա Տեմիրճիպաշյան. Անգեղն երգ Պառավքարից մինչև Մուրղուզ․․․ Տավուշյան լեգենդներն ու զրույցները Օգոստոսի 1-ից Մոսկվայում վերաբացվում են կինոթատրոնները «Երեք մանկունքը բաբելոնյան հնոցում» սյուժեի պատկերագրական համակարգը «Այդ չափորոշիչները չեն արտացոլում ՀՀ քաղաքացու և հայ մարդու դաստիարակությունը»․ Աիդա Թոփուզյան Սուրբ Բարսեղ եպիսկոպոսի ճառը նախանձների մասին Խորհր­դա­յին նկա­րա­հա­վա­քի ա­զատ և ան­կախ նա­վար­կու­թ­յու­նը Օպերային թատրոնն առցանց համերգ կնվիրի կորոնավիրուսի պատճառով տուժած բոլոր երաժիշտներին «Այն մեկ ա­մի­սը, որ Պետ­րոս­ը կռ­վեց իմ կող­քին, հա­վա­սար էր տաս­ն­յակ կյան­քե­րի սխ­րան­քի» Արժևորենք կյանքի ամեն վայրկյանը Ս. Էջմիածնի Մատենադարանն առաջարկում է ընթերցել Վահե Երկանյանի «Պայքար հայկական նոր դպրոցի համար Անդրկովկասում «Music 20» միջազգային փառատոնին աշխարհի տարբեր ծայրերից հետևել է մոտ 45 հազար մարդ The Independent-ը դրական է արձագանքել Կոմիտասի «Սուրբ Պատարագի» համերգային ձայնագրությանը Վահագն Մուղնեցյան․ Նախանվագ Եղիշե Չարենց. ...Մայրամուտի այս սուրբ, հրակարմիր միգում Արսեն Գրիգորյանն ու «Հայ երգասաններ» նախագիծը երգ են նվիրել հայոց բանակին Հնդկաստանի դատարանը որոշել է Բաբրի մզկիթի տարածքը վերածել հինդու տաճարի Պահապան հրեշտակը պահպանում է մեզ Ռեմբրանդտի ինքնանկարը Լոնդոնում աճուրդի ընթացքում վաճառվել է ռեկորդային 18,7 միլիոն դոլարով Հուսիկ Արա. Սայթաքած ժամանակ Եղիա Տեմիրճիպաշյան. Մինակ Ձեր կյան­քի մո­լո­րու­թ­յամբ ձեզ մահ մի՛ ցան­կա­ցեք Բուհ չընդունված դիմորդները հանդիպեցին ԱԺ պատգամավորների հետ «Ազգասիրությունը նշանակում է սիրել ազգի կերտած մշակույթը». Գարեգին Երկրորդ Կաթողիկոս Ամենայն Հայոց «Չկա ծածուկ բան, որ չհայտնվի» Որոմը Հայազգի պրոդյուսեր Սերգեյ Սարկիսովի ֆիլմն արժանացել է «Էմմի» մրցանակի Ամբողջ ժողովուրդը ոտքի կկանգնի, և ձեզ կասի՝ կա՛նգ առեք, հերիք է․Սամվել Մուրադյան Մենք ու­նենք ա­ղոթ­քի հրաշ­քը Փա­շի­ն­յանն ի­րա­կա­նում բո­լո­րից շուտ է այս ա­մե­նին տե­ղ­յակ և կողմ նա­խա­տես­ված չա­րա­գոր­ծու­թ­յուն­նե­րին Առավոտյան ժամերգություն եւ բժշկության աղոթք (28.07.2020) Երջանկությունը քրիստոնյայի համար
website by Sargssyan