Ֆիլհարմոնիկի առցանց նախագծերը

ԵՐԵՎԱՆ, 29 ՄԱՅԻՍԻ, Irates.am։ Հայաստանի ազգային ֆիլհարմոնիկ նվագախմբի երաժիշտները ներակայանալու են «ՈՒրբաթօրյա Ֆիլհարմոնիկ» առցանց համերգաշարով: Նախագծի մեկնարկը տրվելու է այսօր՝ մայիսի 29-ին։ Երաժիշտների կամերային խմբերը ներակացնելու են դասական և ժամանակակից կոմպոզիտորների ստեղծագործություններ, պատմելու են կոմպոզիտորների և նրանց ստեղծագործությունների մասին, ունենալու են հյուրեր և այլն։

«Ուրբաթօրյա Ֆիլհարմոնիկ» համերգաշարը հեռարձակվելու է նվագախմբի Ֆեյսբուքյան էջում, կանցկացվեն նաև մրցույթներ։ Երեք հաղթողները հնարավորություն կունենան հաջորդ ուրբաթօրյա համերգը լսել կենդանի հնչողությամբ։
Իսկ հունիսի մեկին, ժամը 14։00-ին, երեխաների իրավունքների պաշտպանության միջազգային օրվա առիթով՝ ՀԱՖՆ-ն Արամ Խաչատրյան համերգասրահից կներկայացնի Սերգեյ Պրոկոֆևի «Պետյան և Գայլը» սիմֆոնիկ հեքիաթը, որը հեռարձակվելու է Հանրային հեռուստաընկերությամբ։ Հեքիաթասացի դերում սիրված դերասան, ՀՀ ժողովրդական արտիստ Հրանտ Թոխատյանն է։