Ֆլորենցիայում բացվել է Ուֆֆիցի պատկերասրահը

ԵՐԵՎԱՆ, 4 ՀՈՒՆԻՍԻ, Panorama.am։ Ֆլորենցիայում Ուֆֆիցի պատկերասրահն ավելի քան երկու ամիս կարանտինից հետո կրկին բացվել է այցելուների համար։ Պատերասրահի տնօրենն անձամբ է դիմավորել առաջին այցելուներին, որոնք նախապես գնել էին տոմսեր։

kulturomania.ru-ի հաղորդմամբ, կայացած ասուլիսում պատկերասրահի տնօրենն ասել է, որ Ուֆֆիցին վերջին հարյուրամյակում փակվել էր ընդամենը մի քանի անգամ։

«Դա տեղի էր ունեցել Երկրորդ համաշխարհային պատերազմի ժամանակ, 1996 թվականին ուժեղ ջրհեղեղից հետո և 1993 թվականին մաֆիայի կողմից կազմակերպված պայթյունից հետո։ Ամեն անգամ թանգարանը վերադարձել է ավելի գեղեցիկ»,- հիշեցրել է թանգարանի տնօրեն Այկե Շմիդտը։

Թանգարանը բացման օրն ունեցել է շուրջ 400 այցելու։

Հաղորդվել է, որ քաղաքացիների անվտանգությամբ պայմանավորված բոլոր կանոններին հետևելով՝ թանգարանը կարող է միաժամանակ ընդունել 450 մարդ, ինչը սովորական ժամանակ ընդունելության կեսն է։

Թանգարանի տնօրենի խոսքով, հիմա մարդիկ ունեն հիանալի հնարավորություն բավականություն ստանալ արվեստի գործերից առանց արդեն սովորական դարձած բազմության։