«Ուրբաթօրյա Ֆիլհարմոնիկ» համերգաշարի շրջանակում կhնչի Վեբերի Կլարնետի կվինտետը
Նմանատիպ
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Հայաստանի ազգային ֆիլհարմոնիկ նվագախմբի երաժիշտները, մայիսի 29-ից սկսած, հանդես են գալիս «Ուրբաթօրյա Ֆիլհարմոնիկ» առցանց համերգաշարով:
Սպասվող ուրբաթ՝ հունիսի 26-ին, նախագծի շրջանակում ելույթ է ունենալու Հայաստանի ազգային ֆիլհարմոնիկ նվագախմբի կամերային կազմը՝
գեղարվեստական ղեկավար և գլխավոր դիրիժոր Էդուարդ Թոփչյանի ղեկավարությամբ:
«Արմենպրես»-ի հաղորդմամբ՝ նվագախումբը ներկայացնելու է Կարլ Մարիա ֆոն Վեբերի Կլարնետի կվինտետը:
Կլարնետահարն է Արսեն Գրիգորյանը, 1-ին ջութակը՝ Կարմեն Թոսունյանը, 2-րդ ջութակը Վահե Փարսադանյանը, ալտահարը՝ Յանա Դարյանը, իսկ թավջութակահարը՝ Միքայել Նավասարդյանը:
«Ուրբաթօրյա Ֆիլհարմոնիկ» առցանց համերգաշարի ընթացքում Հայաստանի ազգային ֆիլհարմոնիկ նվագախմբի երաժիշտները 3-8-հոգիանոց կամերային անսամբլներով ներկայացնում են դասական և ժամանակակից կոմպոզիտորների ստեղծագործություններ:
«Ուրբաթօրյա Ֆիլհարմոնիկ» համերգաշարը հեռարձակվում է նվագախմբի «Ֆեյսբուք»-ի պաշտոնական էջում: Յուրաքանչյուր հեռարձակումից առաջ անցկացվում են մրցույթներ, որոնց երեք հաղթողները բացառիկ հնարավորություն են ստանում «Արամ Խաչատրյան» համերգասրահում կենդանի հնչողությամբ վայելելու հաջորդ ուրբաթօրյա համերգը:
Հետևեք մեզ նաև Telegram-ում