Աշոտ Ավդալյան. Օ, լույս
25/06/2020 20:03
Նմանատիպ
Օ, լույս, այդ ինչպե՞ս
եղար մերձավոր
իմ խեղճությանը
և այդ ինչպե՞ս է,
որ հնարում ես իմ դեմքն ամեն օր
ու պայծառացման հիմն ես հորինում
ու մտերմության բաժակն ինձ, ավաղ,
մատուցանել էլ չես կարողանում։
Դու` հաճոյախոս,
պերճախոսության զտարյուն տեսիլք,
դու մահվան պահին
պառակտում ես ինձ
անցավորաց հետ
ու ընծայագիր մատուցում այնպես,
կարծես իմ ներսում կա հավատքի ճոճք,
գույնի ազդագիր,
պաստառներ գույնի,
երաժշտության
ու մտածումի կարած ժապավեն։
Օ, լույս, այդ ինչպե՞ս
եղար մերձավոր իմ թուլությանը։
Աղբյուր՝ Yerevanyanesquiz.org
Հետևեք մեզ նաև Telegram-ում