Ինչո՞ւ Մարսի ու Լուսնի վրա մարդիկ չեն կարող ապրել

Ինչո՞ւ Մարսի ու Լուսնի վրա մարդիկ չեն կարող ապրել

ԵՐԵՎԱՆ, 26 ՀՈՒՆԻՍԻ, Irates.am: Ռուսաստանի Դաշնության գիտությունների ակադեմիայի կենսաբժշկական հարցերի ինստիտուտի տիեզերական թռիչքների ռադիացիոն անվտանգության բաժնի վարիչ Վյաչեսլավ Շուրշակովն այն համոզմանն է, որ գալակտիկական բարձր ճառագայթման հետևանքով մարդը Լուսի և Մարսի վրա ապրել չի կարող: Այս մասին գրում է РИА Новoсти լրատվական գործակալությունը:

«Լուսնի վրա ճառագայթման չափաբաժինը 400 անգամ գերազանցում է Երկրի վրա առկա ճառագայթմանը, իսկ Մարսի ճառագայթման չափաբաժինը մեկուկես անգամ քիչ է Լուսնի ճառագայթումից: Բայց թե՛ Լուսնի, թե՛ Մարսի վրա գալակտիկական տիեզերական ճառագայթում կա, որ վնասակար է մարդու առողջության համար»,- ասել է գիտնականը:
Նա նաև հավելել է, որ ճառագայթման տեսանկյունից՝ բացի Երկիր մոլորակից՝ Արեգնակային համակարգում մարդկային կյանքի համար բարենպաստ ուրիշ ոչ մի տարածք չկա։

Հետևեք մեզ նաև Telegram-ում