USD
EUR
RUB

Կարանտինը՝ «Կարանտին» անսամբլի «նախաձեռնող ու աջակից»

 

Հարցազրույց մենեջեր, ՅՈՒՆԵՍԿՕ-ի միջազգային երաժշտության խորհրդի անդամ կազմակերպության՝ Music of Armenia-ի հիմնադիր տնօրեն Հասմիկ Մովսիսյանի հետ

- «Առավոտն» առաջին անգամ է հանդիպում ձեզ հետ։ Գիտենք, որ ավելի քան 10 տարի կազմակերպում եք միայն երաժշտական նախագծեր՝ համերգներ, փառատոներ եւ այլն, մենեջերի կարիերան սկսել եք Մեծ Բրիտանիայում, հետո ընդլայնել եք աշխարհագրությունը՝ եվրոպական երկրներ, Թուրքիա, Վրաստան… Շուրջ 5 տարի գործունեություն եք ծավալում Հայաստանում։ Մասնագիտական կրթությունը ստացել եք Պրահայում եւ Լոնդոնում։ Հետաքրքիր է՝ ինչո՞ւ եք ի սկզբանե ընտրել երաժշտարվեստի ոլորտը։

«Կարանտին» անսամբլ

- Չեմ սիրում, երբ ասում են, թե մանկուց սիրել եմ դասական երաժշտություն, բայց իմ դեպքում դա այդպես է հինգ տարեկանից զբաղվել եմ գեղարվեստական մարմնամարզությամբ եւ այդ գեղեցիկ սպորտաձեւը ներկայացրել դասական երաժշտության ներքո։ Հենց դա է պատճառը, որ երաժշտությունը, այն էլ դասական, խոր հետք թողեց իմ հետագա գործունեության վրա։ Իսկ Չեխիայում պատանիների առաջնությունում թիմը, որի կազմում նաեւ ես էի, գրավեց առաջին տեղը… Այո, մասնագիտական կրթությունը ստացել եմ Եվրոպայում, 18 տարեկանում տեղափոխվել եմ Լոնդոն, որտեղ ուսանել եմ՝ ձեռք բերելով մենեջերի եւ մարքեթինգի մասնագիտություն։ Լոնդոնում 2008թ. հիմնել եմ Music of Armenia կազմակերպությունն ու աշխարհով մեկ ներկայացրել հայկական երաժշտությունը, խթանել հայ երաժիշտների արվեստը։ Նաեւ ապրում ու գործունեություն եմ ծավալում Հայաստանում։ Կազմակերպել եւ իրականացրել ենք Երեւանում ու Թբիլիսիում «Սայաթ-Նովա» փառատոնը (2016-17թթ.), Տաթեւի վանական համալիրում՝ «Շարական» փառատոնը (2016-17թթ.), «Երեւանի դուդուկի փառատոնը» (2015-17թթ.), «Կանանց երաժշտական միամսյակը» (2018-20թթ.), «Սեւանի ձայներ» նախագիծը (2018թ.)…

 

- Թվարկում եք միայն հայաստանյան միջոցառումները, իսկ արտասահմանո՞ւմ…

- Օրինակ՝ «Սեւանի ձայներ» նախագիծը Լոնդոնի միջազգային ամենամյա փառատոնի շրջանակներում արժանացել է առաջին մրցանակի՝ «Լավագույն երաժշտություն» անվանակարգում։ 2017թ. Ստամբուլում հայ, քուրդ եւ թուրք երաժիշտների մասնակցությամբ ապրիլի 23-ին իրականացրել ենք համերգ՝ նվիրված Հայոց ցեղասպանության 102-րդ տարելիցին։ Մինչ այդ՝ 2010թ. եւ 2014թ. Հայոց ցեղասպանության զոհերի հիշատակի երեկոներ ենք անցկացրել Լոնդոնում։ 2014-ին՝ Կոմիտասի ծննդյան 145-ամյակին նվիրված համերգ անցկացրինք Լոնդոնում։ Եթե նախագծերի ողջ ցանկը թվարկեմ, ձեր օրաթերթի էջերը չեն բավականացնի։

- Փաստորեն ապրում ու ստեղծագործում եք եւ Լոնդոնում, եւ Երեւանում։

- Եվ ոչ միայն։ Պարզապես վերջին 4 տարիներին գործունեությունս ավելի ակտիվ է եղել Հայաստանում, բայց, բնականաբար, չեմ դադարել կազմակերպությանս գործունեությունը շարունակել միջազգային հարթակներում եւս։

- Ժամանակին մենք լուրերի տեսքով անդրադարձել ենք ձեր մեկ-երկու նախագծերին։ Գիտենք նաեւ, որ դուք իբրեւ մենեջեր մասնակցություն եք ունենում տարբեր կոնֆերանսների։

- Միայն 2019թ. մասնակցել եմ եվրոպական երկրներում, կոնկրետ՝ Գերմանիայում, Բելգիայում, Ֆրանսիայում եւ Լեհաստանում տեղի ունեցած մասնագիտացված կոնֆերանսների, ինչպես նաեւ փառատոների՝ բնականաբար ներկայացնելով Հայաստանը։ Լինելով ՅՈՒՆԵՍԿՕ-ի միջազգային երաժշտության խորհրդի անդամ կազմակերպություն՝ Music of Armenia-ն ի դեմս ինձ, Փարիզում մասնակցեց նշյալ կառույցի հիմնադրման 70-ամյակին նվիրված տոնակատարությանը։

- Օրերս համացանցում ձեր կազմակերպությունը հանդես եկավ նոր նախաձեռնությամբ, ավելի ճիշտ՝ ներկայացրեց հայ երաժիշտներից բաղկացած նոր անսամբլ՝ «Կարանտին» անվամբ։

- Հայաստանում Շվեյցարիայի դեսպանության նախաձեռնությամբ եւ աջակցությամբ ենք հանդես եկել այդ նոր նախագծով (առաջինը՝ «Սեւանի ձայներն» էր)՝ «Կարանտին» անսամբլի ստեղծմամբ, որը բաղկացած է 14 երաժիշտներից, անսամբլի ղեկավարը ճանաչված դիրիժոր Ռուբեն Ասատրյանն է։ Պետք է նշեմ, որ ինձ համար պատիվ է համագործակցել այնպիսի մասնագետի հետ, ինչպիսին մաեստրո Ասատրյանն է։ Ասեմ նաեւ, որ այս նախագծի շրջանակներում համագործակցում ենք կոմպոզիտոր Միխայիլ Կոկժաեւի հետ։

- «Կարանտինի» ստեղծմամբ, նկատի ունենք հենց անսամբլի անվանումը, դուք նշանակետին եք «կրակել», քանի որ այն առաջիկայում եւս արդիական կլինի, նկատի ունենալով Առողջապահության համաշխարհային կազմակերպության վերջերս արած հայտարարությունը, թե համավարակի հետևանքները դեռ մի քանի տասնամյակ մեզ կուղեկցեն։

- «Կարանտինի» հիմնումը նախեւառաջ նպատակ ուներ հնարավորություն ստեղծել մեկուսացված երաժիշտներին համախմբելու, եւ իհարկե, հնարավորություն տալ նրանց ստեղծագործելու։ Պետք է կրկնվեմ՝ անսամբլը կներկայացնի բացառապես հայ ժամանակակից կոմպոզիտորների ստեղծագործություններ։

Զրուցեց Սամվել ԴԱՆԻԵԼՅԱՆԸ

 

Լրահոս
Այս իշխանությունը հատուկ ծրագրով եկավ․ երբեմն ուզում ես ինքնասպան լինել անզորությունից, ի՞նչ է նշանակում գործակալ, ի՞նչ է նշանակում պայմանավորված պատերազմ. Արփեն Մովսեսյան (տեսանյութ) Ջանասիրություն Ձյունե թագավորություն՝ 37-րդ անգամ Կրասնոդարի գեղարվեստի դպրոցում բացվել է Առնո Բաբաջանյանի կիսանդրին Եղել են դրվագներ, որ մի քանի անգամ ենք նկարահանել, և ես ամեն անգամ էլ արտասվել եմ. Արշալույս Հարությունյան Մարդու Որդին, Մասնատվող Անմասնատելին Սիամանթո․ Չարչարանքի երազ Եկեղեցական կյանք 22.01.2021 «Սիմֆոնիկ նվագախումբը‚ ստեղծելով գեղեցիկ ավանդույթներ‚ աշխարհին է ներկայացնում հայկական երաժշտարվեստը» Գետի հոսանքով ներքև... Պետք է համախմբվել առաքինությունների շուրջ եւ ոչ թե արատների. Տ. Արշակ եպիսկոպոս Խաչատրյան Մրցանակային պատվոգրի է արժանացել «Հեթում Բ արքայի ճաշոցը» գիրքը Աստղադիտարանի աշխատակիցների միաձայն որոշումը ՀՊԿՆ-ին հատկացված նոր Yamaha երաժշտական գործիքների համերգ-շնորհանդես «Սումգայիթ» կտավը, որ ձեր քիմքով չեկավ և թանգարանի այլ աշխատանքների հետ մնաց իրենց, կարելի է պատկերացնել՝ ինչ հաճույքով են ոչնչացրել. Արամ Իսաբեկյան «Սիրենք Աստծուն, որովհետև առաջինը Նա սիրեց մեզ…» (Հովհ. 1 4:19) Հնագետները Պերուի հյուսիս-արևմուտքում ինկերի մանկական դամբարաններ են հայտնաբերել Սերժ Ավետիքյանն արվեստասերներին կներկայացնի «Վերադարձ Սոլոզ» վավերագրական ֆիլմը Հանճարեղ դաշնակահարն ու կոմպոզիտորը. հունվարի 22-ն Առնո Բաբաջանյանի ծննդյան օրն է «Փշրանքները» Քոչարի թանգարանում Արցախի թեմի առաջնորդի այլ պաշտոնի անցնելը պայմանավորված էր նրա առողջական վիճակով Եղիա մարգարեի պատկերային դրսևորումները Ամենավայրի սպանությունը Նահանջ տարի Լինենք հաստատուն մեր հավատքի մեջ «Մահվանից կյանք անցավ» Աստծո կանչը Ֆիլհարմոնիկ նվագախումբը ունկնդրին կներկայացնի Բեթհովենի գործերը ԱՄՆ-ի և Մեքսիկայի սահմանի վարդագույն ճոճանակը ճանաչվել է «Տարվա դիզայն» Հայկական ավանդական խաղերի և ուտելի բույսերի շտեմարաններ Իշխանությունը չի քննարկում գերիների հարցը, որովհետև ի վիճակի չէ․ քաղաքական կամք է պետք․ ի՞նչ է նշանակում՝ հասնել Մոսկվա, հետո հայտարարել` գերիների հարցով չհասանք ոչ մի բանի․ Տ․ Հեքեքյան (տեսանյութ) Եթե Կոնդն էլ փչացնենք 2800-ամյա Երևանը կզկվի զբոսաշրջիկներին ներկայանալի լինելուց ․ Տիգրան Գալստյան Հայ բանաստեղծության մայրը. Նա իր փառքից միայն մի փոքրիկ բաժին թողեց իրեն Մահացել է Ստեփան Թոփչյանը Վիհի եզերքին Ոչ աստղեր, ոչ լուսին երկնքում Այս երկրի վրա մեր կյանքի օրերի ավարտին չենք անէանալու անհայտության մեջ Չար ոգու վերադարձը (Ղուկ.11:24-28, Մատթ.12:43-45) Ոչ մի դեպքում քեզ համար կուռքեր չշինես «Բանկ օտոման» գործողությունը ժամանակին ցնցել էր ամբողջ Եվրոպան
website by Sargssyan