USD
EUR
RUB

Խաչատուր Աբովյանի թանգարանը փորձում է առցանց հարթակից տեղափոխվել անմիջական շփման դաշտ

 

ԵՐԵՎԱՆ, 29 ՀՈՒՆԻՍԻ, Panorama.am: «Երբ նոր էր համավարակով պայմանավորված այս վիճակը, առցանց հարթակում օգտատերերն ավելի ակտիվ էին, հիմա մարդիկ սկսում են ձանձրանալ այս նմանօրինակությունից»,- Panorama.am-ի հետ զրույցում ասաց Խաչատուր Աբովյանի տուն-թանգարանի տնօրեն Սյուզաննա Խոջամիրյանը։

Նրա խոսքով, թանգարանները շատ ակտիվ են առցանց հարթակում, սակայն արդեն մարդկանց համար սովորական է դարձել այդ ամենը։

«Փորձում ենք առցանց հարթակից տեղափոխվել մի քիչ անմիջական դաշտ, իհարկե, պահպանելով բոլոր կանոնները՝ ջերմաչափում, ախտահանում, դիմակի ու ձեռնոցի կրում»,- ասաց թանգարանի տնօրենը։

Նա տեղեկացրեց, որ առաջիկա ամսվա ընթացքում թանգարանի այգում բացվելու է գրադարան։

«Հիմա նախապատրաստական աշխատանքներ են տարվում, պատրաստվում ենք թանգարանի վերաբացմանը լրիվ նոր ձևաչափով։ Բացօթյա գրադարանը կբացվի առաջիկա ամսվա ընթացքում՝ կախված իրավիճակից ու հովանավորից։ Թանգարանի արտաբյուջեն չի ձևավորվում, քանի որ փակ է, այցելուներ չկան, թանգարանի միջոցով հնարավոր չէ նոր ծախսեր իրականացնել, օգնում է հովանավորը»,- նշեց նա։

Բացօթյա գրադարանը կահավորվելու է՝ ջրակայուն գրապահարաններ, սեղանիկներ, նստարաններ, որոնք, ըստ Ս.Խոջամիրյանի, տեղադրվելու են 1-1,5 մետր հեռավարության վրա։

Գրադարանի տարածքում կազմակերպվելու են ուղիղ հեռարձակումներ այլ թանգարանների հետ, նաև արտասահմանյան, կլինեն կինոդիտումներ, քննարկումներ, ներկայացումներ, բաց ընթերցումներ։

Նրա խոսքով, ուզում են հասցնել բացել առաջիկա ամսվա ընթացքում, որ գոնե մինչև նոյեմբեր այն գործի, այնուհետև տեղափոխվի թանգարանի ներսի հատված, հաջորդ տարվա գարնանը կրկին կբացվի այգում։

«Հիմա այս պայմաններում փորձում ենք օգտագործել մեզ տրված այս բացառիկ հնարավորությունը՝ շուրջ 1 հեկտար այգին։ Այս տարի բերքը քիչ է, բայց գրադարանի այցելուները հնարավորություն կունենան օգտվել այգու բերքից։ Քննարկումների փուլում ենք, թե ինչպես կլինի գրադարանի մուտքը, կարծում եմ՝ կլինի թանգարանի այցելության տոմսով՝ մեծահասակների համար 500 դրամ, դպրոցականների՝ 300 դրամ, որի մեջ կմտնի նաև այգու բերքից ստացած մթերքի հյուրասիրություն՝ չիր, հյութ, մուրաբա, նաև հենց թարմ միրգ»,- ասաց Ս.Խոջամիրյանը։

Նա նշեց, որ անցած ամիսների ընթացքում, երբ թանգարանները փակ են եղել, իրենք ակտիվ գործունեություն են ծավալել առցանց հարթակում՝ կազմակերպելով մրցույթներ, կրթական ծրագրեր, դասախոսություններ։

Թանգարանի տնօրենի խոսքով, հիմնականում նոր ձևաչափ են մշակել՝ ներկայացնում են Խ. Աբովյանին նոր տեսանկյունից՝ ոչ միայն գրական գործունեությունը, նաև հետաքրքիր ու շրջադարձային իրադարձություններ Աբովյանի կյանքից, սոցհարթակներում ժամանակ առ ժամանակ տեղադրում են Աբովյանի առակներից, աշխատանքներ, որոնք քիչ են հայտնի։

Ս. Խոջամիրյանն ասաց, որ իրենց հաշվարկներով այս ամիսների ընթացքում իրենք կորցրել են ողջ տարվա եկամտի շուրջ 50 տոկոսը, որը ձևավորվում էր տոմսերի վաճառքից։

«Ինչո՞ւ այսքան շատ, որովհետև այդ ամիսներին դպրոցներում ծրագրով Խաչատուր Աբովյանի կյանքը, ստեղծագործական գործունեությունն են ուսումնասիրում, բոլոր դասերը կազմակերպում էին թանգարանում։ Մենք ակտիվ կապի մեջ ենք դպրոցների հետ, հատկապես այն, որոնք կրում են Աբովյանի անունը»,- նշեց նա։

Ս. Խոջամիրյանի խոսքով, թանգարանում զբոսաշրջիկների համար հետաքրքիր նախագծեր էին մշակել, որոնք պետք է իրագործեին այս տարի, մասնավորապես՝ զբոսաշրջիկներն իրենց ձեռքով բերք էին հավաքելու, անցկացվելու էին չրի պատրաստման վարպետության դասընթացներ, գործելու էր գորգագործության խմբակ, ամառային դպրոց։

«Նախնական հաշվարկներով, իսկապես մեծ կորուստներ ունեցանք»,- ասաց Խաչատուր Աբովյանի թանգարանի տնօրեն Սյուզաննա Խոջամիրյանը։

Լրահոս
Այս իշխանությունը հատուկ ծրագրով եկավ․ երբեմն ուզում ես ինքնասպան լինել անզորությունից, ի՞նչ է նշանակում գործակալ, ի՞նչ է նշանակում պայմանավորված պատերազմ. Արփեն Մովսեսյան (տեսանյութ) Ջանասիրություն Ձյունե թագավորություն՝ 37-րդ անգամ Կրասնոդարի գեղարվեստի դպրոցում բացվել է Առնո Բաբաջանյանի կիսանդրին Եղել են դրվագներ, որ մի քանի անգամ ենք նկարահանել, և ես ամեն անգամ էլ արտասվել եմ. Արշալույս Հարությունյան Մարդու Որդին, Մասնատվող Անմասնատելին Սիամանթո․ Չարչարանքի երազ Եկեղեցական կյանք 22.01.2021 «Սիմֆոնիկ նվագախումբը‚ ստեղծելով գեղեցիկ ավանդույթներ‚ աշխարհին է ներկայացնում հայկական երաժշտարվեստը» Գետի հոսանքով ներքև... Պետք է համախմբվել առաքինությունների շուրջ եւ ոչ թե արատների. Տ. Արշակ եպիսկոպոս Խաչատրյան Մրցանակային պատվոգրի է արժանացել «Հեթում Բ արքայի ճաշոցը» գիրքը Աստղադիտարանի աշխատակիցների միաձայն որոշումը ՀՊԿՆ-ին հատկացված նոր Yamaha երաժշտական գործիքների համերգ-շնորհանդես «Սումգայիթ» կտավը, որ ձեր քիմքով չեկավ և թանգարանի այլ աշխատանքների հետ մնաց իրենց, կարելի է պատկերացնել՝ ինչ հաճույքով են ոչնչացրել. Արամ Իսաբեկյան «Սիրենք Աստծուն, որովհետև առաջինը Նա սիրեց մեզ…» (Հովհ. 1 4:19) Հնագետները Պերուի հյուսիս-արևմուտքում ինկերի մանկական դամբարաններ են հայտնաբերել Սերժ Ավետիքյանն արվեստասերներին կներկայացնի «Վերադարձ Սոլոզ» վավերագրական ֆիլմը Հանճարեղ դաշնակահարն ու կոմպոզիտորը. հունվարի 22-ն Առնո Բաբաջանյանի ծննդյան օրն է «Փշրանքները» Քոչարի թանգարանում Արցախի թեմի առաջնորդի այլ պաշտոնի անցնելը պայմանավորված էր նրա առողջական վիճակով Եղիա մարգարեի պատկերային դրսևորումները Ամենավայրի սպանությունը Նահանջ տարի Լինենք հաստատուն մեր հավատքի մեջ «Մահվանից կյանք անցավ» Աստծո կանչը Ֆիլհարմոնիկ նվագախումբը ունկնդրին կներկայացնի Բեթհովենի գործերը ԱՄՆ-ի և Մեքսիկայի սահմանի վարդագույն ճոճանակը ճանաչվել է «Տարվա դիզայն» Հայկական ավանդական խաղերի և ուտելի բույսերի շտեմարաններ Իշխանությունը չի քննարկում գերիների հարցը, որովհետև ի վիճակի չէ․ քաղաքական կամք է պետք․ ի՞նչ է նշանակում՝ հասնել Մոսկվա, հետո հայտարարել` գերիների հարցով չհասանք ոչ մի բանի․ Տ․ Հեքեքյան (տեսանյութ) Եթե Կոնդն էլ փչացնենք 2800-ամյա Երևանը կզկվի զբոսաշրջիկներին ներկայանալի լինելուց ․ Տիգրան Գալստյան Հայ բանաստեղծության մայրը. Նա իր փառքից միայն մի փոքրիկ բաժին թողեց իրեն Մահացել է Ստեփան Թոփչյանը Վիհի եզերքին Ոչ աստղեր, ոչ լուսին երկնքում Այս երկրի վրա մեր կյանքի օրերի ավարտին չենք անէանալու անհայտության մեջ Չար ոգու վերադարձը (Ղուկ.11:24-28, Մատթ.12:43-45) Ոչ մի դեպքում քեզ համար կուռքեր չշինես «Բանկ օտոման» գործողությունը ժամանակին ցնցել էր ամբողջ Եվրոպան
website by Sargssyan