USD
EUR
RUB

Առցանց ներկայացումներ, կրթական ծրագրեր. Մայր թատրոնի աշխատանքն արտակարգ իրավիճակում

 

ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Ելնելով երկրում տիրող համավարակի պայմաններից՝ Գ. Սունդուկյանի անվան ազգային ակադեմիական թատրոնն անցել է աշխատանքային նոր պայմանների։ Ապրիլ-մայիս ամիսներին թատրոնի ներկայացումները հեռարձակվեցին ֆեյսբուքյան էջով, «Դասարան+Դասական» կրթական ծրագրի հերթական փուլը կազմակերպվեց առցանց տարբերակով։ Ամռան ամիսներին ևս թատրոնը ակտիվ կլինի և կներկայանա նոր յուրատիպ ծրագրերով՝ կրկին վիրտուալ հարթակում։

Ինչպես «Արմենպրես»-ին հայտնեցին թատրոնի լրատվության և հասարակայնության հետ կապերի բաժնից, ապրիլ-մայիս ամիսներին յուրաքանչյուր երկուշաբթի ֆեյսբուքյան էջում տեղադրվող ներկայացումները թե´ ներկա խաղացանկից էին, թե´ արխիվից։ Ներկայացումներն ունեցան ավելի քան 280 000 դիտում։

Առցանց տարբերակով ներկայացվեց նաև «Դասարան+Դասական» կրթական ծրագիրը, որի առաջին փուլը տեղի էր ունեցել 2019-ի աշնանը և մեծ արձագանք էր առաջացրել։ Այժմ ծրագրի ձևաչափը հարմարեցվել է վիրտուալ հարթակի սկզբունքներին՝ նախատեսելով լսարանի և տարիքային առավել մեծ ընդգրկում։ 4 ենթաբաժնից բաղկացած ծրագիրը հանրությանը ներկայացվեց մարտի 27-ից մայիսի 22-ը։ «Թատերագիտակ» բաժինը հակիրճ և ամփոփ տարբերակով անդրադարձավ թատրոնի պատմությանը՝ անտիկ ժամանակներից հասնելով մեր օրեր, ընդգրկելով նաև հայ թատրոնի պատմության էջերից։

«Զրույց հայտնիների հետ» շարքի ընթացքում թատրոնի տնօրեն Վարդան Մկրտչյանը հանդիպումներ էր ունենում ժամանակակից հայ թատերարվեստի հայտնի ներկայացուցիչների հետ և քննարկում երիտասարդներին հուզող արդիական հարցեր։ «Ներկայացում առցանցում» բաժնում անդրադարձ էր կատարվում երևանյան տարբեր թատրոնների բեմադրությունների։ «Հետնաբեմ» շարքը բացահայտում էր թատրոնի աշխարհի գաղտնիքները՝ ներկայացնելով թատերական էթիկայի կանոնները, բեմի և դահլիճի կառուցվածքը, լուսային և ձայնային համակարգերը, բեմանկարչության, բեմազգեստի, բեմական կերպարի ստեղծման յուրահատկությունները։ Ծրագրի 32 հաղորդումներն ունեցել են 300 000 դիտում, շուրջ 13 000 հավանում, մեկնաբանություն և կիսում։

Հուլիս-օգոստոս ամիսներին թատրոնը կշարունակի ստեղծագործական ակտիվ ընթացքը՝ առցանց հարթակում հասանելի նոր ծրագրերով։ Այսպես, թատրոնի 100-ամյակին ընդառաջ իրականացվող «Հուշերի քառուղիներ» ծրագիրը կներկայացնի Մայր թատրոնի պատմության էջերում իրենց անունը գրած ստեղծագործողների։ Ստեղծագործական կարճ կենսագրական-պատումներից բացի, թատրոնի դերասանները կընթերցեն հատվածներ տվյալ արվեստագետի նամակներից, հուշերից, հոդվածներից։ Շարքը ոչ միայն կներկայացնի արվեստագետի գործունեությունը, այլ նաև կբացահայտի նրա աշխարհայացքը, մտածողության շերտերը, մարդկային նկարագիրը։

Ամռանը թատրոնը կներկայանա նաև համագործակցային յուրատեսակ ծրագրով՝ աշխատելով հայաստանյան թանգարանների հետ։ «Թատերական ընթերցումներ» շարքի շրջանակներում թատրոնի դերասանները կընթերցեն նամակներ, պատմվածքներ, բանաստեղծություններ, հուշեր, հետաքրքրաշարժ պատմություններ և այլ ուշագրավ նյութեր, որոնք կընտրեն և կտրամադրեն թանգարանները։ Ընթերցումները հասանելի կլինեն թե´ թատրոնի, թե´ թանգարանների ֆեյսբուքյան էջերում։ Արդեն իսկ համաձայնություն է ստացվել մի շարք թանգարանների՝ Հայաստանի ազգային պատկերասրահի, Ե. Չարենցի անվան Գրականության և արվեստի թանգարանի, Երևանի պատմության թանգարանի, Հովհ. Թումանյանի թանգարանի, Ավ. Իսահակյանի տուն-թանգարանի, Ե. Չարենցի տուն-թանգարանի, Մ․Սարյանի տուն-թանգարանի, Կոմիտասի թանգարան-ինստիտուտի, Պ. Սևակի տուն-թանգարանի, Պ. Պռոշյանի տուն-թանգարանի հետ։

Լրահոս
Պարույր Սևակ. Լինել, թե չլինել Միսաք Մեծարենց. Առտվան արևի մեջ Օձա­վարս Գոր­գոն մե­դու­զան իր թու­նա­ծա­վալ վար­սե­րը տա­րա­ծել է ամ­բողջ աշ­խար­հում, Պան­դո­րան բա­ցել է կեղ­ծի­քի կոր­ծա­նա­րար սն­դու­կ Մեծ Բրիտանիայում Հռոմի 180-րդ Պապի 700-ամյա կնիքն է հայտնաբերվել Սալոնիկում Աթաթուրքի տունը պետք է դառնա հույների ցեղասպանության թանգարան․ Greek City Times «Կր­թու­թ­յան ո­լոր­տի պա­տաս­խա­նա­տու­նե­րը եր­բեք չեն թաքց­րել ի­րենց կեղծ պա­ցի­ֆիս­տա­կան գա­ղա­փա­րա­խո­սու­թ­յու­նը» Իմպրեսիոնիզմի խռովկանը՝ Կլոդ Մոնե Մի՛ ստիր, Հայ Եկեղեցու պատմությունը չունի՛ «ծածուկ» էջեր Հայաստանին հաշտության օրակարգ է պետք․ Բագրատ եպիսկոպոս Գալստանյան (տեսանյութ) Պետությունը չի կարող արշավ սկսել իր իսկ Ազգային Եկեղեցու դեմ, պետք չէ լինել աստվածամարտ. Հայր Ասողիկ աբեղա Կարապետյան Օպերային թատրոնն առցանց կմատուցի Ռոսինիի «Ճանապարհորդություն դեպի Ռեյմս» երկի համերգային կատարումը Էդգար Շա­հին. ֆրան­սա­հայ­կա­կան օ­ֆոր­տի հրա­ցա­նա­կի­րը Աստվածածնի օգնության մասին Եկե­ղե­ցին գո­յութ­յուն ու­նի 2000 տա­րի և գո­նե ա­ռա­ջի­կա 2000 տար­վա հա­մար պետք է ա­պա­հո­վի ե­կող սե­րունդ­նե­րի հոգևոր կա­րիք­նե­րը ՅՈՒՆԵՍԿՕ-ն կոչ է արել Թուրքիային Սուրբ Սոֆիայի տաճարը չվերածել մզկիթի Միքայել սրբազանը՝ ԿԳՄՍ նախարարին. «Դուք մի ամիս չեք կարող կուսակրոն մնալ, մենք ողջ կյանքներս ենք կուսակրոն» Տերևաթափ իմ թխկի, օ, իմ թխկի ձյունածածկ... Գուրգեն Մահարի. Դաշտերում սեզ ու ծաղիկ Պարույր Սևակ․ Քմծիծաղ «Մերձավորի մահը». մաս 2-րդ Թուրքիան վաղը կհայտարարի Սուրբ Սոֆիայի տաճարը մզկիթի վերածելու որոշման մասին. թուրք լրագրող Ղևոնդ Ալիշանի 200-ամյակի առթիվ կստեղծվեն անիմացիոն մուլտֆիլմեր «Music 20» դասական երաժշտության փառատոնը Հայաստան է բերում աշխարհահռչակ արտիստների Միքայել Նալբանդյանի գրական ժառանգության թվայնացումը գիտական, կրթական նշանակություն ունի «Մեր թիկունքում գաղտագողի այսպիսի բան են անում. վտանգներ ենք տեսնում ՀՀ քաղաքացու համար». Տ․ Զաքարիա ծայրագույն վարդապետ Բաղումյան Ղազանչյան. Համաճարակով պայմանավորված պարապուրդը կարող է կործանարար լինել ստեղծագործ կոլեկտիվի համար Գովեստի խոսքերը՝ շարժիչ ուժ Համայն Ռուսիո պատրիարքը դեմ է Սուրբ Սոֆիայի տաճարը մզկիթ դարձնելուն Սուրբ Բարսեղ եպիսկոպոսի ճառը վաշխառուների մասին Գագիկ Ծառուկյանի հանձնարարականը Աշխար­հը սո­դո­մա­բար ա­պա­կան­ված է GAIFF Pro -ն տեղի է ունենալու հուլիսյան օրերին և առցանց ձևաչափով Երկարատև դադարից հետո Սերգեյ Խաչատրյանն ու Լուսինե Խաչատրյանը հանդես կգան առցանց համերգով «Երգի՛ր և COVID-ը կհեռանա» Լոնդոնում գտել են Ռուբենսի՝ 4,3 միլիոն դոլար արժեք ունեցող կտավը Աստծու ճանապարհների գաղտնիքը Հնարավո՞ր է միշտ երջանիկ լինել Հայ Եկեղեցու պատմությունն ամբողջական արժեհամակարգ է. Բագրատ եպիսկոպոս Գալստանյան «Փրկությունն սկսվում է հնազանդությունից» Աշխարհայացքով, ըմբռնումներով միշտ հարուստ, նոր էր Երվանդ Քոչարը. Լևոն Թութունջյան
website by Sargssyan