USD
EUR
RUB

Արմենուհի Սիսյան. Ուշ է՝ էլ չեմ սպասի…

 

Այսօրս էլ սահեց,
ինչպես արձակած զգեստս
սահեց մարմինս ի վար…
մեկ օրով էլ մերկացա կյանքից…

***
Հայացքիս վրա փոշի է նստել,
որովհետև այն քե՜զ չի
ուղղված եղել, Տե՜ր…

***
Աղավնու փետուրներով
իմ երազանքը
պտտվե՛ց ու
պտտվեց քո շուրջ…
Գուցե դու իմանա՞ս,
թե որտեղ է հիմա
աղավնու փետուրներով
իմ երազանքը,
որ պտտվո՛ւմ
ու պտտվում էր քո շուրջ…

***
Ուշ է՝ էլ չեմ սպասի…
հավաքեմ երազանքներով լեցուն սեղանս
ու երբ թափ տամ ճերմակ սփռոցս
երազանքներիս փշուրներից,
երկինքը կլցվի աստղերով…
Ուշ է, գիշեր է արդեն…

***
Չվեցին թռչունները՝
երազներիս երամով.
կվերադառնան գարնանը,
թե սիրտս տաքանա…
(կվերադառնա՞ն արդյոք)
Ցուրտ է:
Չվեցին թռչունները՝
երազներիս երամով…

***
Լույս-երրորդություն

Ես, մարմինս ու հոգիս
մթությունից թաքնվեցինք
վերմակի տակ,
ու իրերին իմ սենյակի՝
շունչ ու անշունչ,
թվաց՝ մութ է այնտեղ…
ի՜նչ իմանան, թե ինչ
լույս ենք տալիս իրար՝
ես, մարմինս ու հոգիս…

***
Օ՜, Հո՛բ երանելի՝
հարազա՛տ իմ նախնի.
այլապես որտեղի՞ց ինձ
այսչափ համբերություն…

***
– Ինչու՞ են գեղեցիկ ծաղիկները ճահճում աճում…
– Որովհետև նրանց հայացքի առջև
երկինքն է միայն,
երկի՜նքն են տեսնում…

***
Իմ երազները ձեր տեսած
երազներից չեն.
ես փակ աչքով չեմ տեսնում նրանց
ու ոչ էլ պատմում եմ ջրին,
որ տանի…

***
Երբեմն

Հրեշտակները երբեմն
շատ են ուզում տեսնել այն,
ինչը իրենցը չէ ու պատժվում են.
հետաքրքրասիրությունը փոքր-ինչ
այրում է նրանց թևերը ու
նրանք թևաթափ են լինում,
երբեմն…

Հրեշտակները երբեմն ուզում են
լինել այնտեղ, ուր պետք չէ, որ լինեն
ու ոտքը նրանց խփվում է քարին.
արյան փոխարեն ցավ է հոսում նրանց ոտքերից
ու դժվարանում են շարժվել առաջ`
առանց թևերի,
երբեմն…

Հրեշտակները երբեմն ուզում են փորձել այն,
ինչ իրենցը չէ, ու քիչ է մնում
կորցնեն իրենցը
ու նրանց աչքերից երկինքն է հոսում…
գուցե պարզապես ներե՞լ է պետք հրեշտակներին,
երբեմն…

***
-Սիրում եմ քեզ,-ասաց քամին
ու գետնով տվեց ծառի տերևները…

***
Քո երազներից, որ իմն էին նաև,
ես տուն սարքեցի,
բայց դու քամի արեցիր
ու քանդեցիր երազե տունը…
որտե՞ղ ես ապրելու առանց երազներիդ…

***
Ես սիրում էի քեզ դեռ այն ժամանակ, երբ ստրկուհի էի.
Ջուր է կրում Նեղոսի ափերից
Ու լցնում քեզ համար քո կավե գավի մեջ…
Ես սիրում էի քեզ դեռ այն ժամանակ, երբ թագուհի էի.
Դու կրկեսում տապալում էիր ցուլին ամեհի
Հետո բարձրացնում գլուխդ իմ առջև…
Ես սիրում էի քեզ դեռ այն ժամանակ,
Երբ հեթանոս աստված էիր դու
Ու մեր հեթանոս սիրուն խառնվում էր արյունն ու գինին…
Ես սիրում էի քեզ դեռ այն ժամանակ,
Երբ խաչակիր էիր դու
Ու սերն առ Հիսուս օրհնում էր մեր սերն
Ու տանում մեզ իր ետևից…
Ես սեր եմ բերում քեզ դարերի խորքից
Այն պարզ պատճառով, որ ծնվել եմ սիրո հետ
Ու պիտի խառնվես հավերժությանը սիրո
Ու հառնես դարերից հավերժ նոր…

***
Աշխարհակործան ջրհեղեղից առաջ էլ
անձրև եղավ.
երկինքը մի կուշտ լացեց Երկրի համար…
Գուցե դրա՞ համար
ամեն անգամ անձրև գալիս՝
սիրտս տխրում է նորից…

Աղբյուր՝ Granish.org

Լրահոս
Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ Հովհաննես Հովհաննիսյան․ Հայ զինվորին Ծաղկաթերթեր Դերասանի մենախոսություն կյանքի իմաստի մասին. «Հեռագիր»-ը ցուցադրվեց «Արմմոնո» փառատոնին Կյանքի արվեստ. Սեռական դաստիարակության խնդիրը Կորյուն Առաքելյան. Բանաստեղծություններ Սամվել Մարգարյան․ Բանաստեղծություններ Մեզ հրամցված է մի չափորոշիչ, որն առանձին անձանց քմահաճույքի արդյունք է. Տեր Սարգիս Netflix-ը «Խոստումը» ֆիլմը ցուցադրելու հեղինակային իրավունք է ստացել Ընտանիք Համո Սահյան. Հորովել Եղիա Տեմիրճիպաշյան. Անգեղն երգ Պառավքարից մինչև Մուրղուզ․․․ Տավուշյան լեգենդներն ու զրույցները Օգոստոսի 1-ից Մոսկվայում վերաբացվում են կինոթատրոնները «Երեք մանկունքը բաբելոնյան հնոցում» սյուժեի պատկերագրական համակարգը «Այդ չափորոշիչները չեն արտացոլում ՀՀ քաղաքացու և հայ մարդու դաստիարակությունը»․ Աիդա Թոփուզյան Սուրբ Բարսեղ եպիսկոպոսի ճառը նախանձների մասին Խորհր­դա­յին նկա­րա­հա­վա­քի ա­զատ և ան­կախ նա­վար­կու­թ­յու­նը Օպերային թատրոնն առցանց համերգ կնվիրի կորոնավիրուսի պատճառով տուժած բոլոր երաժիշտներին «Այն մեկ ա­մի­սը, որ Պետ­րոս­ը կռ­վեց իմ կող­քին, հա­վա­սար էր տաս­ն­յակ կյան­քե­րի սխ­րան­քի» Արժևորենք կյանքի ամեն վայրկյանը Ս. Էջմիածնի Մատենադարանն առաջարկում է ընթերցել Վահե Երկանյանի «Պայքար հայկական նոր դպրոցի համար Անդրկովկասում «Music 20» միջազգային փառատոնին աշխարհի տարբեր ծայրերից հետևել է մոտ 45 հազար մարդ The Independent-ը դրական է արձագանքել Կոմիտասի «Սուրբ Պատարագի» համերգային ձայնագրությանը Վահագն Մուղնեցյան․ Նախանվագ Եղիշե Չարենց. ...Մայրամուտի այս սուրբ, հրակարմիր միգում Արսեն Գրիգորյանն ու «Հայ երգասաններ» նախագիծը երգ են նվիրել հայոց բանակին Հնդկաստանի դատարանը որոշել է Բաբրի մզկիթի տարածքը վերածել հինդու տաճարի Պահապան հրեշտակը պահպանում է մեզ Ռեմբրանդտի ինքնանկարը Լոնդոնում աճուրդի ընթացքում վաճառվել է ռեկորդային 18,7 միլիոն դոլարով
website by Sargssyan