USD
EUR
RUB

Պետությունը չի կարող արշավ սկսել իր իսկ Ազգային Եկեղեցու դեմ, պետք չէ լինել աստվածամարտ. Հայր Ասողիկ աբեղա Կարապետյան

 

Aysor.am-ի զրուցակիցն է Մայր Աթոռ Սուրբ Էջմիածնի թանգարանների և արխիվի տնօրեն Հայր Ասողիկ աբեղա Կարապետյանը:

- Նախօրեին ԱԺ «Իմ քայլը» խմբակցության ղեկավար Լիլիթ Մակունցը հայտարարեց, որ պատրաստվում է հանդիպել Ձեզ հետ՝ քննարկելու հանրակրթական ուսումնական հաստատություններում «Հայ եկեղեցու պատմություն» առարկայի հետագա ճակատագիրը: Պատրա՞ստ եք իշխանության հետ խորքային քննարկումներ ծավալելու և համապատասխան առաջարկներ հնչեցնելու՝ առարկայի դասավանդման ծրագրային ձևաչափն անփոփոխ թողնելու համար:

- Ուրախ եմ և շնորհակալ, որ մեծազնիվ տիկին Լիլիթ Մակունցն ընդառաջ իմ անձնական դիմումին՝ հաճեցավ հանդիպել և զրուցել բոլորիս հուզած խնդրի առանչությամբ: Սիրով սպասում եմ մեր հանդիպմանը: Վստահաբար, Սբ Եկեղեցին ի սկզբանե պատրաստ էր և քննարկելու, առաջարկներ բերելու, ի հարկին բանավիճելու, և հանգելու միասնական եզրակացության: Այլ կերպ հնարավոր չէ. պետք է միմյանց լսել և հիմնվելով բացառապես ազգային շահերի վրա՝ կայացնել ազգակերտ ու հայրենաշեն որոշում:

Շատ շուտով Հայոց Եկեղեցու իրավասու հանձնախումբն իր հիմնավոր կարծիքն ու առաջարկությունները կներկայացնի նախարարությանը՝ միակողմանի կազմված հանրակրթության պետական չափորոշիչի վերաբերյալ:

- Արդյոք կիսում եք վերջին շրջանում հնչող այն տեսակետը, որ ի դեմս դպրոցներում «Հայ եկեղեցու պատմություն» առարկայի դասաժամերի կրճատման և մի շարք այլ գործողությունների՝ իշխանությունը Հայ Առաքելական եկեղեցու դեմ արշավ է նախաձեռնել:

- Պետությունը չի՛ կարող արշավ սկսել իր իսկ Ազգային Եկեղեցու դեմ. այո՛, օտար, վարձկան իշխանությունները կարող են, շատ են օրինակները պատմական անցյալում: Այսօրվա իշխանությունները մեր ժողովրդի կողմից ընտրված ղեկավարներ են: Լիահույս եմ, որ նրանք հավատարիմ են ազգային ուխտին և երբեք չեն գործի ընդդեմ մեր ազգի սուրբ ժառանգության և աժեքների:

Կսիրեմ հուսալ, որ ստեղծված կացությունը սոսկ թյուրիմացություն է, որոշ անպատասխանատու պաշտոնյաների թերացման հետևանք: Եվ այստեղ չկա քաղաքական դիրքորոշում: Այնուամենայնիվ, եթե առկա է նման ծածուկ կողմնորոշում, շատ-շատ ցավալի կլինի: Բայց և պետք է հիշեն դրա հեղինակները, որ անցյալում նման տեսակետ ու վերաբերմունք ունեցած բոլոր իշխանությունները, անխտիր, ինքնախորտակվել են, քանի որ փորձել են ձախողեցնել մի խորհուրդ, մի գործ, որ Աստծուց է:

Իսկ այս դեպքում՝ «Հայ եկեղեցու պատմություն» առարկան իր բովանդակությամբ և ներգործությամբ՝ Ամենազոր Աստծո շոշափելի և տեսանելի ներկայությունն է Հայ դպրոցում: Բնավ պետք չէ լինել աստվածամարտ:

Լրահոս
Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ Հովհաննես Հովհաննիսյան․ Հայ զինվորին Ծաղկաթերթեր Դերասանի մենախոսություն կյանքի իմաստի մասին. «Հեռագիր»-ը ցուցադրվեց «Արմմոնո» փառատոնին Կյանքի արվեստ. Սեռական դաստիարակության խնդիրը Կորյուն Առաքելյան. Բանաստեղծություններ Սամվել Մարգարյան․ Բանաստեղծություններ Մեզ հրամցված է մի չափորոշիչ, որն առանձին անձանց քմահաճույքի արդյունք է. Տեր Սարգիս Netflix-ը «Խոստումը» ֆիլմը ցուցադրելու հեղինակային իրավունք է ստացել Ընտանիք Համո Սահյան. Հորովել Եղիա Տեմիրճիպաշյան. Անգեղն երգ Պառավքարից մինչև Մուրղուզ․․․ Տավուշյան լեգենդներն ու զրույցները Օգոստոսի 1-ից Մոսկվայում վերաբացվում են կինոթատրոնները «Երեք մանկունքը բաբելոնյան հնոցում» սյուժեի պատկերագրական համակարգը «Այդ չափորոշիչները չեն արտացոլում ՀՀ քաղաքացու և հայ մարդու դաստիարակությունը»․ Աիդա Թոփուզյան Սուրբ Բարսեղ եպիսկոպոսի ճառը նախանձների մասին Խորհր­դա­յին նկա­րա­հա­վա­քի ա­զատ և ան­կախ նա­վար­կու­թ­յու­նը Օպերային թատրոնն առցանց համերգ կնվիրի կորոնավիրուսի պատճառով տուժած բոլոր երաժիշտներին «Այն մեկ ա­մի­սը, որ Պետ­րոս­ը կռ­վեց իմ կող­քին, հա­վա­սար էր տաս­ն­յակ կյան­քե­րի սխ­րան­քի»
website by Sargssyan