USD
EUR
RUB

Երջանկությունը քրիստոնյայի համար

 

Մեր պատկերացումները երջանկության մասին տարբեր են, սակայն, ինչպես ցանկացած հարցում, կան նաև ընդհանուր ընկալումներ։ Ապրելով նյութական աշխարհում և հաճախ չկարողանալով խուսափել գայթակղություններից՝ երբեմն կառուցում ենք երջանիկ մարդու մեր իդեալը՝ հիմնվելով նյութական արժեքների վրա։ «Երջանիկ կլինեմ, եթե բավականաչափ գումար, փառք և իշխանություն ունենամ։ Երջանիկ կլինեմ, եթե գտնվեմ իմ ցանկացած վայրում։ Երջանիկ կլինեմ, եթե ունենամ այն, ինչ չունեմ»,- երբեմն ինքներս մեր մտքում կազմում ենք մեր ենթադրական երջանկությունը՝ շեշտելով բացակայությունը մեր չունեցածի։ Սրա մեջ, անշուշտ, նաև նախանձն է կամ, որ ավելի ճիշտ կլինի ասել, ցավը։ Մենք այս դեպքում ոչ թե նախանձում ենք այլոց, որ ունեն այն, ինչ մենք չունենք, այլ ցավ ենք ապրում, որ փնտրում ենք երջանկություն նյութական աշխարհում, սակայն չենք գտնում, չենք կարողանում ունենալ մեզ «լիարժեք» երջանացնողը, ցանկալին։

Մինչդեռ բացի նյութական աշխարհում ապրող էակներ լինելուց՝ նաև քրիստոնյա ենք։ Ուրեմն՝ ի՞նչ է քրիստոնեական երջանկությունը։ Քրիստոնեական երջանկությունը, ի տարբերություն նյութականի, չի ենթադրում պայմաններ, ունեցվածք։ Քրիստոնյան չի մտածում՝ «երջանիկ կլինեմ, եթե․․․», այլ ասում է՝ «երջանիկ եմ»։ Այստեղ չկան պատճառներ, պայմաններ, կա բերկրանքն ունեցածի, շնորհակալության զգացումը Աստծուց ամեն ստացածի համար։

Քրիստոնեական երջանկությունը կենտրոնանում է ունեցածի, իսկ նյութականը՝ չունեցածի վրա։ Քրիստոնեական երջանկությունը շնորհակալ է, նյութականը՝ լի ունեցածն անտեսելու միտմամբ։ Սա, անշուշտ, չի նշանակում, որ քրիստոնյա մարդը զուրկ է ձգտումից, ամենևին։ Սակայն նա գիտակցում է, որ իր ձգտման ուղին պետք է լինի աստվածահաճոն ու քրիստոնեավայելը։

Ադամն ու Եվան էլ Աստծուց ստացել էին ամեն ինչ, սակայն շնորհակալ լինելու փոխարեն իրենց դրախտային կյանքի համար՝ ընտրեցին ավելին ունենալու ձգտումը՝ սխալ ճանապարհով։ Եվ Աստված նրանց պատժեց ոչ թե ձգտման, այլ սխալ, չարից թելադրված ուղի ընտրելու համար։

Նյութական աշխարհում մեր երջանկությունը կառուցելիս՝ ինքներս մեզ հարցնենք՝ հնարավո՞ր է արդյոք ամեն ինչ ունենալ։ Եվ քանի որ պատասխանը բացասական է, մեկ այլ հարց պետք է հաջորդի՝ ի՞նչ անել ուրեմն, սգա՞լ մեր անլիարժեք երջանկությունը, թե՞ դառնալ դեպի քրիստոնեականը՝ իրականը։ Իրական, քրիստոնեական երջանկությունը լի է աղոթքով և գոհունակությամբ առ Տերը, իրական երջանկությունը շնորհակալ է ունեցածի համար, իսկ ձգտումները կառուցում է բարու վրա հիմնվելով։

Ուրեմն՝ ինչո՞ւ ենք կառուցում մեր երջանկությունը նյութականի վրա, ինչո՞ւ ենք տխրում չունեցածից՝ մոռանալով և չարժևորելով ամենաթանկը, որ հոգացել է մեզ համար Աստված։

Աղբյուր՝ Qahana.am

Լրահոս
Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ Հովհաննես Հովհաննիսյան․ Հայ զինվորին Ծաղկաթերթեր Դերասանի մենախոսություն կյանքի իմաստի մասին. «Հեռագիր»-ը ցուցադրվեց «Արմմոնո» փառատոնին Կյանքի արվեստ. Սեռական դաստիարակության խնդիրը Կորյուն Առաքելյան. Բանաստեղծություններ Սամվել Մարգարյան․ Բանաստեղծություններ Մեզ հրամցված է մի չափորոշիչ, որն առանձին անձանց քմահաճույքի արդյունք է. Տեր Սարգիս Netflix-ը «Խոստումը» ֆիլմը ցուցադրելու հեղինակային իրավունք է ստացել Ընտանիք Համո Սահյան. Հորովել Եղիա Տեմիրճիպաշյան. Անգեղն երգ Պառավքարից մինչև Մուրղուզ․․․ Տավուշյան լեգենդներն ու զրույցները Օգոստոսի 1-ից Մոսկվայում վերաբացվում են կինոթատրոնները
website by Sargssyan