USD
EUR
RUB

Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին

 

ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Դերասանուհի Լիլյա Մուկուչյանի համար մոնոներկայացման ժանրում հանդես գալը նորություն է: Նրա նախաձեռնությամբ Մանվել Խաչատրյանը բեմադրել է Ռոբերտ Ռոժդեստվենսկու «Մենախոսություն կնոջ մասին» ստեղծագործության համանուն ներկայացումը, որը, Մուկուչյանի խոսքով, ոչ թե ներկայացում է, այլ բանաստեղծության բեմականացում, որի խորեոգրաֆը Նունե Կիրակոսյանն է:

Ներկայացումը հանդիսատեսի դատին կհանձնվի «Արմմոնո» 18-րդ միջազգային թատերական փառատոնի շրջանակում օգոստոսի 7-ին Զուլում և Մուշեղ Գրիգորյանների արվեստանոց-ցուցասրահում:

Այն պատմություն է միայնակ կնոջ մասին, որի միայնությունը վերածվել է պատժի, և հնարավոր փրկություն կարող է դառնալ գտնված սերը։

«Արմենպրես»-ի հետ զրույցում Լիլյա Մուկուչյանը պատմեց, որ նման ներկայացմամբ հանդես գալու գաղափարը ծնվել է այն ժամանակ, երբ փառատոնի տնօրեն Մարիաննա Մխիթարյանն իրեն առաջարկել է մասնակցել «Արմմոնո» 2020-ին: «Այս ժանրում երբեք չեմ աշխատել: Երկար էի փնտրում նյութը, չնայած՝ փառատոնի մեկնարկին քիչ ժամանակ էր մնացել: Փնտրտուքի ընթացքում գտա Ռոժդեստվենսկու «Կնոջ մենախոսությունը»: Թեման շատ արդիական թվաց: Շատ գեղեցիկ բանաստեղծությունը չի կարող դուր չգալ: Հենց այդպես էլ առաջացավ վերոնշյալ ներկայացման ստեղծման գաղափարը, սակայն սա ասես ոչ թե ներկայացում, այլ մեծ բանաստեղծության բեմականացում է»,-նշեց դերասանուհին:

Անդրադառնալով ներկայացման հիմնական ուղերձին՝ Մուկուչյանը խոստովանեց, որ չի կարող ասել՝ այս մոնոներկայացմամբ որոշակի հաղորդագրություն է փոխանցում հանդիսատեսին կամ հենց կանանց: Նման խնդիր իր առաջ չի դրել. պարզապես հանդիսատեսի հետ շփման չափազանց մեծ ցանկություն է եղել: «Կարոտում եմ բեմը, շատ կախված եմ թատերասերի հետ անմիջական հաղորդակցումից: Հենց դրանում է թատրոնի դերասանի մասնագիտության իմաստը: Ամեն դեպքում կցանկանայի, որ կին հանդիսատեսը այս փոքր ներկայացումը նայելուց հետո իրեն ավելի լավ զգա, կցանկանամ՝ կանայք առավել հարգեն իրենց, իմանան, թե ինչ ուժ են իրենք կրում ծնված օրվանից: Եթե գոնե մեկ կին համաձայնի այս ներկայացման իմ մեկնաբանության հետ, հավանաբար ճիշտ, հետաքրքիր և օգտակար ուղերձ ուղղած կլինեմ: Հույս ունեմ՝ այդպես էլ կլինի»,-ընդգծեց դերասանուհին:

«Արմմոնո» փառատոնն այս տարի նվիրված է Հրանտ Մաթևոսյանի ծննդյան 85-ամյակին: Փառատոնի ներկայացումները անցկացվում են բացօթյա՝ հարթակներում խստորեն պահպանելով հակահամաճարակային կանոնները:
Բեմադրությունները ցուցադրվում են նաև առցանց՝ միաժամանակ ուղիղ հեռարձակմամբ, քանի որ հանդիսատեսի թույլատրելի քանակը սակավաթիվ է: «Արմմոնո»-ին մասնակցում են դերասաններ Նարեկ Բաղդասարյանը, Լիլյա Մուկուչյանը, Նաիրա Եդիգարյանը, Դավիթ Աբրահամյանը, ՀՀ ժող. արտիստ Հակոբ Ազիզյանը, ՀՀ վաստ.արտիստ Մայիս Սարգսյանը և այլք:

Անժելա Համբարձումյան

Լրահոս
Ռուբեն Սևակ․ Ինչու Նորայր Գրիգորյան. Բաց աչքերով Պարույր Սևակ․ Ռետին չեմ-թուղթ եմ Եգիպտոսում հայտնաբերվել են տասնյակ հնագույն սարկոֆագներ «Հին Երևան» ծրագիրը մայրաքաղաքի կայուն զարգացման առանցքային բաղադրիչներից է. Վարագ Սիսեռյան COVID-19-ի պատճառով Նոբելյան մրցանակաբաշխության ձևաչափը փոխվել է «Ընթրիք հիմարի հետ». Ֆրանսիս Վեբերի հանրահայտ կատակերգությունը կներկայացվի Վանաձորի թատրոնի բեմում Երևանում կանցկացվի «Արմենիա» միջազգային երաժշտական փառատոնը Երեխաները պատահականություն չեն Ֆիլմ Տ. Բագրատ եպիսկոպոս Գալստանյանի մասին Երիտասարդ դաշնակահարների ինքնատիպ ելույթը Նախանձ Սեր, խրախճանք, ժանտախտ. Մայր թատրոնի 99-րդ թատերաշրջանի մեկնարկը՝ «Դեկամերոն» բացօթյա ներկայացմամբ Միշտ ներկա Համո Սահյանին այժմ բացակա են դնում Ամենայն Հայոց Կաթողիկոսն ընդունեց նորաօծ քահանաներին (նկարներ, տեսանյութ) Շիրակի մարզի Հողմիկ գյուղի խոնարհված եկեղեցին օծվել է (նկարներ, տեսանյութ) Վահան Սաղաթելյան. Տխուր թատրոն՝ առանց հանդիսատեսի Մարո Մարգարյան․ Խեղդվելու չափ պետք ունեմ ես․․․ «Խաղաղությանը նվիրված» համերգ Նիդերլանդների Մաստրիխտ քաղաքում «Ապրե՛ք որպես ազատներ» Սաղմոս ՃԽԸ Մոցարտյան երաժշտությունը կհնչի Ֆիլհարմոնիկի լավագույն երաժիշտների կատարմամբ Մշակութային ՊՈԱԿ-ներում նորոգումներ կլինեն, ձեռք կբերեն անհրաժեշտ տեխնիկա Արժևորելով միտքն ու համառությունը. Նախագահի նստավայրում հանձնվեցին «Պողոսյան մրցանակները» «Ֆիրդուս այլընտրանքայինի» առաջին մրցանակը շնորհվում է վիետնամցի ճարտարապետին Արա Այվազյանը ներկայացրել է «Ներիր Էրգիր» երգի տեսահոլովակը Նաիրի Զարյան․ Հայերեն Մարո Մարգարյան. Հայրենի իմ հող Անկախություն Ամենայն Հայոց Կաթողիկոսի շնորհավորական ուղերձը Հայաստանի Հանրապետության անկախության տոնի առիթով «Գութանը»՝ Տավուշում ԱՄՆ-ում 7700 դոլարով աճուրդի է հանվել Օդրի Հեփբերնի հազվագյուտ լուսանկարների հավաքածուն (լուսանկարներ) Ցուցահանդես Տորոնտոյում՝ նվիրված ՀՀ Անկախության 29-րդ ամյակին Հպարտություն Մեծ Բրիտանիայի թագավորական ակադեմիայում քննարկվում է Միքելանջելոյի քանդակը վաճառելու հարցը «Ժառանգները» սերիալը «Էմմի» մրցանակի է արժանացել Սերգեյ Կոսեմյան. «Ձայնագրեցի Բախի սյուիտները` Գրանդ Կանյոնից մինչև Սեքվոյա ազգային պարկ» Ինչու է ազգային սայլը մնում տեղում Չինաստանը դեպի Լուսին լուսնագնաց կուղակի «Դերասանին թոշակի ուղարկել՝ նշանակում է դատապարտել նրան կիսաքաղց ծերության»
website by Sargssyan