USD
EUR
RUB

Դատաստան, հալածանքների պատճառը

 

Դատաստան

Մենք բոլորս էլ մեղքեր ենք գործում: Աշխարհում բազում մարդիկ խաբում են, գողանում, սպանում, շնանում: Բայց մարդ կա, որ խաբում է վախից, և մարդ կա, որ խաբում է չարությամբ, մարդ կա, որ սպանում է չարությամբ, մարդ կա, որ սպանում է ակամա: Մենք մարդկանց դատում ենք երկու ձևով: Առաջինը կշտամբելն է կամ պախարակելը, որով մենք ցույց ենք տալիս, որ համաձայն չենք որևէ մեկի մի արարքի հետ և ցանկանում ենք, որ նա այդպես այլևս չվարվի և ուղղվի: Երկրորդը որևէ մեկին պիտակ կամ որակում կպցնելն է: Օրինակ` այլ է, երբ մեկին ասում ենք` դու ինչ-որ բան ես գողացել, և այլ է, երբ ասում ենք` դու գող ես: Եկեղեցական հեղինակներից մեկն իրավամբ ասում է, որ մենք էլ Վերջին Դատաստանի ժամանակ դատվելիս այդպիսի նրբություն ենք ցանկանալու տեսնել: Գուցե Դատաստանի ժամանանակ մենք կանգնենք Աստծո առջև և ասենք. «Ով Տեր Աստված, այնպես է եղել, որ ես ստել եմ, բայց ես խաբեբա չեմ, գողացել եմ, բայց գող չեմ, շնացել եմ, բայց ես անառակ չեմ»: Մեզ մի զարմանալի հնարավորություն է տրված. ինքներս կարող ենք որոշել, թե հետագայում ինչպես ենք դատվելու: Քրիստոս ասում է, որ ինչ ձևով որ դատում ենք ուրիշներին, այնպես էլ դատվելու ենք, ինչ չափով որ չափում ենք, այն չափով էլ չափվելու է մեզ համար (Մատթ. 7.2): Եվ եթե մենք ցանկանում ենք, որ Վերջին Դատաստանի ժամանակ մեզ դատեն ոչ թե խիստ արդարությամբ, այլ սիրով ու ներողամտությամբ, ինքներս պետք է այդպես դատենք ուրիշներին: Թող որ այնպես ապրենք, որ մեր սրտերից անպակաս լինեն սերն ու ներողամտությունը, որպեսզի մենք ինքներս տերունական Դատաստանի ժամանակ կարողանանք սեր և ներողամտություն գտնել:

Հալածանքների պատճառը

Քրիստոնյաների ամենամեծ հալածիչներից է եղել Դիոկղետիանոս կայսրը, ով հավանաբար հոգնելով պետական գործերից` 305 թվականին հրաժարվեց գահից և ցանկացավ ապրել որպես պարզ քաղաքացի: Նա այդպես ապրեց Հռոմում մինչև կյանքի վերջը, սակայն նրան հասան Աստծո պատիժները, և Դիոկղետիանոսը մեռավ մեծ հիվանդությունների, նեղությունների ու չարչարանքների մեջ:

Քրիստոնյաների դեմ ուղղված հալածանքներին անդրադարձել են նաև այն եկեղեցական հեղինակները, ովքեր հալածանքների ժամանակակիցն են եղել: Այդ հեղինակներից են Կիպրիանոսը, Գրիգոր Աստվածաբանը, Եվսեբիոս Կեսարացին, ով համարվում է եկեղեցական պատմության պատմահայր: Այս հեղինակները դաժան հալածանքների համար առաջին հերթին մեղադրում են ոչ թե դիոկղետիանոսներին, անհավատներին, այլ քրիստոնյաներին: Եվսեբիոսն ասում է, որ Աստված թույլ տվեց հալածանքները, որովհետև ոչ միայն քրիստոնյա աշխարհականների, այլ նույնիսկ հոգևորականների շրջանում կար միմյանց հանդեպ թշնամանք, ատելություն, նախանձ, արհամարհանք: Սա չի նշանակում, թե քրիստոնյաները դադարել էին ճշմարիտ աստվածպաշտությունից, ընդհակառակը, շարունակում էին արարողությունները, եկեղեցի հաճախելը, բայց դա արդեն սկսել էր վերածվել ձևականության, որովհետև առաքյալն է ասում. «Ով չի սիրում իր եղբորը, որին տեսնում է, ինչպե՞ս կարող է սիրել Աստծուն, որին չի տեսել» (Ա Հովհ. 4.20): Եվ մենք էլ մեր կյանքում հալածանքների և նեղությունների համար պատճառը փնտրենք առաջին հերթին ոչ թե մեզանից դուրս, այլ մեր ներսում, վերացնենք մարդկանց հետ հարաբերություններում մեր երկակի չափանիշները, որոնցով հաճախ ենք վարվում մեկին մեծարելով ու հարգանքով, մյուսին նախանձով կամ արհամարանքով կամ թշնամանքով: Եվ ձգտենք հեռու վանել մեզանից մեր վատ սովորույթներն ու հակումները` այսպիսով կատարելով Քրիստոսի պատվերը, թե` «Արդ, կատարյա՛լ եղեք դուք, ինչպես որ ձեր երկնավոր Հայրն է կատարյալ» (Մատթ. 5.48):

Տեր Ադամ քհն. Մակարյան

«Քրիստոնեության իսկությունը» գրքից

Աղբյուր՝ Surbzoravor.am

Լրահոս
Ռուբեն Սևակ․ Ինչու Նորայր Գրիգորյան. Բաց աչքերով Պարույր Սևակ․ Ռետին չեմ-թուղթ եմ Եգիպտոսում հայտնաբերվել են տասնյակ հնագույն սարկոֆագներ «Հին Երևան» ծրագիրը մայրաքաղաքի կայուն զարգացման առանցքային բաղադրիչներից է. Վարագ Սիսեռյան COVID-19-ի պատճառով Նոբելյան մրցանակաբաշխության ձևաչափը փոխվել է «Ընթրիք հիմարի հետ». Ֆրանսիս Վեբերի հանրահայտ կատակերգությունը կներկայացվի Վանաձորի թատրոնի բեմում Երևանում կանցկացվի «Արմենիա» միջազգային երաժշտական փառատոնը Երեխաները պատահականություն չեն Ֆիլմ Տ. Բագրատ եպիսկոպոս Գալստանյանի մասին Երիտասարդ դաշնակահարների ինքնատիպ ելույթը Նախանձ Սեր, խրախճանք, ժանտախտ. Մայր թատրոնի 99-րդ թատերաշրջանի մեկնարկը՝ «Դեկամերոն» բացօթյա ներկայացմամբ Միշտ ներկա Համո Սահյանին այժմ բացակա են դնում Ամենայն Հայոց Կաթողիկոսն ընդունեց նորաօծ քահանաներին (նկարներ, տեսանյութ) Շիրակի մարզի Հողմիկ գյուղի խոնարհված եկեղեցին օծվել է (նկարներ, տեսանյութ) Վահան Սաղաթելյան. Տխուր թատրոն՝ առանց հանդիսատեսի Մարո Մարգարյան․ Խեղդվելու չափ պետք ունեմ ես․․․ «Խաղաղությանը նվիրված» համերգ Նիդերլանդների Մաստրիխտ քաղաքում «Ապրե՛ք որպես ազատներ» Սաղմոս ՃԽԸ Մոցարտյան երաժշտությունը կհնչի Ֆիլհարմոնիկի լավագույն երաժիշտների կատարմամբ Մշակութային ՊՈԱԿ-ներում նորոգումներ կլինեն, ձեռք կբերեն անհրաժեշտ տեխնիկա Արժևորելով միտքն ու համառությունը. Նախագահի նստավայրում հանձնվեցին «Պողոսյան մրցանակները» «Ֆիրդուս այլընտրանքայինի» առաջին մրցանակը շնորհվում է վիետնամցի ճարտարապետին Արա Այվազյանը ներկայացրել է «Ներիր Էրգիր» երգի տեսահոլովակը Նաիրի Զարյան․ Հայերեն Մարո Մարգարյան. Հայրենի իմ հող Անկախություն Ամենայն Հայոց Կաթողիկոսի շնորհավորական ուղերձը Հայաստանի Հանրապետության անկախության տոնի առիթով «Գութանը»՝ Տավուշում ԱՄՆ-ում 7700 դոլարով աճուրդի է հանվել Օդրի Հեփբերնի հազվագյուտ լուսանկարների հավաքածուն (լուսանկարներ) Ցուցահանդես Տորոնտոյում՝ նվիրված ՀՀ Անկախության 29-րդ ամյակին Հպարտություն Մեծ Բրիտանիայի թագավորական ակադեմիայում քննարկվում է Միքելանջելոյի քանդակը վաճառելու հարցը «Ժառանգները» սերիալը «Էմմի» մրցանակի է արժանացել Սերգեյ Կոսեմյան. «Ձայնագրեցի Բախի սյուիտները` Գրանդ Կանյոնից մինչև Սեքվոյա ազգային պարկ» Ինչու է ազգային սայլը մնում տեղում Չինաստանը դեպի Լուսին լուսնագնաց կուղակի «Դերասանին թոշակի ուղարկել՝ նշանակում է դատապարտել նրան կիսաքաղց ծերության»
website by Sargssyan