USD
EUR
RUB

Հրաշալի ձկնորսության պատկերագրությունը

 

Ղուկասի ավետարանում նկարագրվում է, թե ինչպես Հիսուս Քրիստոս ժողովրդին ուսուցանելուց հետո Պետրոսին առաջարկում է ձկնորսության գնալ (Ղուկաս 5:1-11): Պետրոսը պատասխանում է, որ ձկնորսության հարմար պահը չէ, որ իրենք ողջ գիշեր ծովում են անցկացրել, սակայն ոչինչ չեն կարողացել որսալ, ջրերի հոսքն անհաջող է, և ձկներն այդ կողմերը չեն հասնում: Ուստի չարժեր անգամ ուռկան նետել, քանի որ որևէ բան որսալու հույս չկար և իրենք իրենց գործի վարպետը լինելով՝ քաջ գիտեին, որ ջրի հոսանքը լավ որս չի խոստանում և այդ ժամին ձկնորսության դուրս գալը զուր գործ է: Այնուամենայնիվ, հնազանդվելով Տիրոջ խոսքին, Պետրոսը ասում է. «Բայց քո խոսքի համար ուռկանները կգցենք»: Պետրոսն ուռկանները տարածում է Հիսուսի ցույց տված ուղղությամբ, և ահա միանգամից ուռկանները շարժվում են՝ լեցուն լինելու ազդանշան տալով: Պետրոսն ու Անդրեասն սկսում են վեր քաշել ուռկանները, որ սպառնում էին պատռվել՝ չդիմանալով ձկների ծանրությանը: Անհրաժեշտ էր ուրիշների օգնությունը: Այն ժամանակ նրանք նշան են անում իրենց գործընկերներին, որոնք մյուս նավակի մեջ էին, որ գան և օգնեն իրենց: Իրենց արհեստից հասկացող ձկնորսները համոզված էին, որ այդ ժամանակ, նման քամու և ջրերի առկայության դեպքում այնտեղ այդքան առատությամբ ձուկ գտնվել չէր կարող: Հետևաբար, հայտնապես և բացարձակորեն Հիսուսի գործածը հրաշք էր: Երբ Պետրոսը տեսավ այս, ընկավ Հիսուսի ծնկների առաջ և ասաց. «Հեռացի՛ր ինձանից, Տե՛ր, որովհետև ես մեղավոր մարդ եմ»: Հիսուսն ասաց Պետրոսին. «Մի՛ վախեցիր, այսուհետև դու մարդկանց պիտի որսաս՝ կյանքի համար»:

Ավետարանական այս հրաշագործությունն իր պատկերավոր արտահայտությունն է գտել Մատենադարանում պահվող բազմաթիվ բարձրարժեք մանրանկարներով հարուստ Օխուի Ավետարանում (ՄՄ 10908): «Ձկնորս առաքյալները» տեսարանում պատկերված է ծովը՝ ձկներով, իսկ վրան՝ ձկնորսների նավը երկու առաքյալներով: Ի դեպ, նավի պատկերը հիշեցնում է Ջուղայեցու՝ նմանատիպ կառուցվածքով՝ կիսակլոր, առագաստներով նավերը:

Հնագույն ձեռագիր հետևյալ Ավետարանում (Թ, 888/159) «Հրաշագործ ձկնորսությունը» պատկերում Հիսուս նավակի մեջ է երկու աշակերտների հետ՝ Պետրոսի և Անդրեասի: Առաջինը ուռկանը քաշելու դիրքի մեջ է, մյուսը՝ թևճակով զբաղված և զմայլած նայում է Հիսուսին: Ներկայացված տեսարանը ճշգրտորեն համապատասխանում է Ղուկասի ավետարանում նկարագրված դրվագին (Ղուկաս 5:2-7), որտեղ խոսվում է Սիմոն Պետրոսի նավակի մասին, հակառակ Մատթեոսի և Մարկոսի պատմածի, որոնց համաձայն ուրիշ անձեր էլ կային նավակի մեջ: Նկարը ունի ՅՍ ՔՍ վերտառությունը:

Զաքարիա Աղթամարցու «Հիսուսի քարոզը ծովի վրա» նկարում (Մատ. ձեռ. № 6402, 1371թ.) մեկ տեսարանի մեջ տեղավորված են մի քանի դեպքերի հաջորդական գործողությունները: Նման կարճառոտ լուծումների դեպքում կարևոր նշանակություն է տրվում ձեռքերի շարժմանն ու դեմքին, որոնց կապն ու փոխհարաբերությունը մյուս կերպարների հետ դառնում է արտահայտչականության հիմնական գործոն:

Մեկնաբանելով Տիբերիական ծովում ձուկ որսալու մանրամասները՝ Եղիշեն գրում է. «Եւ քանզի թուով են երկոտասանք, և երկու են լարք ուռկանին, և չորք ծագ լարացն, յորոց երեք-երեք զմի-մի ծագ առնուն, քանզի երեք կրկինդ է անվթար հաստատութիւն, մի կողմն ընդ արևմուտս, միւսն՝ զոյգ նմին ընդ արևելս, և երկուսն՝ ընդ հիւսիս և ընդ հարաւ: Եւ բոլորակ պարուրաձև. զամենայն աշխարհս ի ներքս առեալ փակեցին…ասացից քեզ և զուռկանն և զուռկանավորսն, և զորս ձկանցն ի քէն ոչ թաքուցից…ծովն աշխարհս է, ուռկանն՝ քարոզութիւն Տեառն, ծագք ուռկանին չորք աւետարանք, ուռկանաւորք՝ երկոտասան առաքեալքն, որսք ձկանցն՝ ամենայն ազգք հեթանոսաց, իսկ խանձոցն ի միջին՝ մարմին և արիւն Տեառն մերոյ Յիսուսի Քրիստոսի, և միջոցք ամենայնի՝ հաւատք ճշմարիտք»: Այլաբանական այս բացատրությանը հետևում է ձկնորսության ընդհանրական խորհրդի մեկնությունը. ձկնորսությունը Աստծո և մարդու մերձեցման խորհրդանիշն է. մերձեցում, որ իրականացվում է մի կողմից Հոգու զորության, այն է՝ Աստծո «վերոյ ի վայր» խոնարհումով, այսինքն՝ մարմնացմամբ ու տնօրինական գործունեությամբ, և, մյուս կողմից, մարդկային հավատի «ներքոյ ի վեր» ուղղումով, որ «ըստ իմնալի խոհականութեանն, զերկրաւորս յերկնայինսն մերձեցոյց»: Վերին և ստորին իրականությունների մերձեցման նպատակը մարդու ոգեղինացումն ու փրկությունն է: Եղիշեի վերոբերյալ մեկնաբանություններն օգնում են ճիշտ հասկանալու այլաբանական այն իմաստը, որ տրվել է ձկնորսության պատկերագրությանը հայ միջնադարյան կերպարվեստում:

Կազմեց Գայանե Սուգիկյանը

Աղբյուր՝ Surbzoravor.am

Լրահոս
Մատթեոս Զարիֆյան. Ճերմակ գիշեր Վահան Սաղաթելյան. Արնախաչ «Մաեստ­րո Քո­չար» պու­րա­կը Ա­լեք­սանդր Թա­մա­ն­յա­նի թի­կուն­քում Իսպանացի լուսանկարիչը բացահայտել է շքեղ լուսանկարներ ստանալու գաղտնիքները (լուսանկարներ) Սուրբ «սպասավորներն» ու «պաշտպանները» Ագահություն «Կան­թեղն ան­տա­ռում՝ Հա­ղար­ծին» Հայաստանի պետական ֆիլհարմոնիայի տնօրենի ժամանակավոր պաշտոնակատար է նշանակվել Արտյոմ Նաղդյանը Բոտիչելիի հազվագյուտ կտավը կվաճառվի Sotheby's աճուրդու «Միշտ հնարավոր է ելք գտնել՝ առանց ընկճվելու» Ջիվան Ավետիսյանի «Դրախտի դարպասը» ֆիլմի համաշխարհային պրեմիերան կկայանա Մոսկվայի կինոփառատոնում «Հն­չեց կրա­կո­ցը, և մարդն այլևս չկա» Ռուսական արվեստի թանգարանի այցելուները կհայտնվեն Բորիս Գրիգորևի կտավում VR տեխնոլոգիայի միջոցով Իր հետ­մա­հու ա­զա­տամ­տու­թ­յու­նը կի­սեց Սեն գե­տի ա­լիք­նե­րի հետ Մատթեոս Զարիֆյան․ Խնդրանք Բանտում էի, և ինձ այցի եկաք (Մատթ. 25:36). մաս 1-ին Ավետիք Իսահակյան. Հայաստանին Վահան Տերյան․ Թովիչ քնքշությամբ հանգչող աշխարհում Սուրբ Բարսեղ եպիսկոպոսի ճառը հիսունիններորդ (ԾԹ) սաղմոսի մասին Մայր Աթոռ Սուրբ Էջմիածնից Մասիս կբերվի Սուրբ Գևորգ Զորավարի մասունքը Ողջախոհություն Եղիշե Թադևոսյանի չցուցադրված էտյուդները կներկայացվեն հեղինակին նվիրված նորաբաց ցուցասրահում «Ուղղակի չեմ տառապել մեծամտությամբ» Հայ ազգային բազմաբնույթ տոները հետաքրքիր մեկնաբանություններով տեղ են գտել մեկ գրքում Մարիամ և Երանուհի Ասլամազյան քույրերի պատկերասրահի խանութի բացումը Կամերային կենտրոնը Կոմիտասի ծննդյան օրը բացօթյա համերգ կկազմակերպի Կինոկենտրոնը սկսել է «Հայֆիլմ» կինոստուդիայի տարածքում գտնվող նյութերի արխիվացման աշխատանքները ԴասA-ի մասնակիցները շնորհավորում են Սերգեյ Սմբատյանին ու հույս հայտնում, որ շատ շուտով կհանդիպեն համերգասրահում Կկայանա «Անուշ. անավարտ օպերա» ֆիլմի պրեմիերան Ռուբեն Սևակ․ Ինչու Նորայր Գրիգորյան. Բաց աչքերով Պարույր Սևակ․ Ռետին չեմ-թուղթ եմ Եգիպտոսում հայտնաբերվել են տասնյակ հնագույն սարկոֆագներ «Հին Երևան» ծրագիրը մայրաքաղաքի կայուն զարգացման առանցքային բաղադրիչներից է. Վարագ Սիսեռյան COVID-19-ի պատճառով Նոբելյան մրցանակաբաշխության ձևաչափը փոխվել է «Ընթրիք հիմարի հետ». Ֆրանսիս Վեբերի հանրահայտ կատակերգությունը կներկայացվի Վանաձորի թատրոնի բեմում Երևանում կանցկացվի «Արմենիա» միջազգային երաժշտական փառատոնը Երեխաները պատահականություն չեն Ֆիլմ Տ. Բագրատ եպիսկոպոս Գալստանյանի մասին Երիտասարդ դաշնակահարների ինքնատիպ ելույթը
website by Sargssyan