Նորայր Գրիգորյան. Բանաստեղծները

Էն ավանդույթի լույսերով օծված
բանաստեղծները չեն նստում հացի,
նրանք ապրում են ջրերում օծված
և երակներում հին այգաբացի:

Նրանք գրում են պտղաջրերով
աղոթագրքի թերթերի վրա,
և եթերային տաք անուրջներով
գիրը դառնում է պատկերը Նրա:

Ով արժանացավ Տիրոջ համբույրին,
պտղաջրերը հոսեցին երկար,
ով բույրը շնչեց աղոթագրքի
Տերն իր անուրջը ընծայեց նրան:

Հիմա երկիրը պտղաջրերի
աղոթագրքին պտտվում է լուռ,
աղոթագրքի կապույտ թերթերին
Տերն ու Պոետը դրել են համբույր: