USD
EUR
RUB

«Ընթրիք հիմարի հետ». Ֆրանսիս Վեբերի հանրահայտ կատակերգությունը կներկայացվի Վանաձորի թատրոնի բեմում

 

ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: «Խաղալիքը», «Ձախորդները», «Հայրիկները»... Ֆրանսիական կինոարվեստում մեծ ներդրում ունեցած ծագումով հայ ֆրանսիացի ռեժիսոր, սցենարիստ, պրոդյուսեր և դրամատուրգ Ֆրանսիս Վեբերի «Ընթրիք հիմարի հետ» ստեղծագործության հիման վրա բեմադրված ներկայացումն առաջիկայում համալրելու է Վանաձորի Հովհ. Աբելյանի անվան պետական դրամատիկական թատրոնի խաղացանկը:

Ներկայացումը բեմադրել է Սարգիս Մանուկյանը: Ֆրանսուա Պինյոնին (հիմար) մարմնավորում է Հակոբ Դեմիրճյանը, հրատարակիչ Պիեռ Բրոշանի կերպարը կերտել է Ժիրայր Գաբրիելյանը:

Այս բեմադրության և այլ հարցերի շուրջ «Արմենպրես»-ի թղթակիցը զրուցել է ներկայացման ռեժիսոր Սարգիս Մանուկյանի հետ, որը կարծում է՝ հատկապես վերջին ամիսներից հետո հասարակությունը կատակերգություն դիտելու կարիք ունի: «Ըստ իս՝ թատերասերներն ավելի շատ ուրախանալու, զվարճանալու ցանկություն կունենան, քանի որ վերջերս այդ ամենն ասես մեզ պակասում է»,- նշեց նա ու տեղեկացրեց, որ բեմադրությունը հանդիսատեսի դատին են հանձնելու ոչ թե բացօթյա, ինչպես անում են վերջին ամիսներին, այլ թատրոնի փակ դահլիճում:

Անդրադառնալով դերասանների ընտրությանը՝ ռեժիսորը խոստովանեց, որ ձգտում է համագործակցել երիտասարդ դերասանների հետ, որովհետև նրանք քիչ են կարծրացած, նրանց հետ հեշտ է աշխատել, քանի որ հնարավոր է ստանալ այն, ինչ ցանկանում ես: Մանուկյանի համար առաջնային է դերասանի մեջ նորություն գտնելը, մի բան ստանալը, ինչը ոչ ոք չէր սպասում:

Ինչ վերաբերում է «Ընթրիք հիմարի հետ» ստեղծագործությանը, ապա այն արդիական է այսօր ևս: Սարգիս Մանուկյանը հիշեցրեց, որ Ֆրանսիս Վեբերի ֆիլմերում խաղացել են այնպիսի Պիեռ Ռիշարը, Ժերար Դեպարդիեն և շատ այլ սիրված դերասաններ: Նրան դուր է գալիս Վեբերի ստեղծագործությունների դինամիկան, ուրախ մթնոլորտը, հանգամանքները, որոնք զավեշտալի իրավիճակների են բերում:

«Նորություն, արդիականություն կարելի է գտնել նաև անտիկ դրամատուրգիայում` Սոֆոկլեսի, Եվրիպիդեսի գործերում: Այլ հարց է խնդիրների լուծման գործիքները գտնելն ու դրանք տվյալ ստեղծագործության միջոցով հանդիսատեսին հասցնելը: Հեղինակներ կան, որոնց դեպքում հեշտ է լուծումներ գտնել, կան հեղինակներ, որոնց գործերը բեմադրելիս դա անելը բարդ է և կախված է նյութի մասշտաբայնությունից: Եթե բեմադրեի Շեքսպիրի կատակերգություններից մեկը, ավելի դժվար կլիներ, քանի որ Շեքսպիրը մեզ առավել կայացած և ուժեղ կամքի, մտքի տեր մարդու տեղ է դնում»,- ընդգծեց Սարգիս Մանուկյանն ու հավելեց, որ ստեղծված պայմաններում, ունեցած ռեսուրսներով փորձել է հետաքրքիր, որակյալ ներկայացում բեմադրել՝ պահպանելով կատակերգություն բեմադրելու բոլոր ավանդույթները:

«Ընթրիք հիմարի հետ» ստեղծագործությունը պատմում է հարուստ հրատարակչի մասին, որը շաբաթը մեկ անգամ ընթրիք է կազմակերպում իր տանը՝ հրավիրելով իր ընկերներին: Հրատարակչի ընկերներից յուրաքանչյուրն իր հերթին հրավիրում է մի «հիմարի», որի վրա բոլորը ծիծաղում են, ձեռք են առնում նրան, իսկ վերջինս դրա մասին չի էլ կասկածում: Ում հաջողվում է ընթրիքի հրավիրել ամենահիմար մարդուն, նա հաղթում է: Մի օր էլ հրատարակիչը՝ Պիեռ Բրոշանը, ընկերներից մեկի խորհրդով հրավիրում է մի մարդու, որը հիմարությամբ կարող է գերազանցել բոլորին…

Անժելա Համբարձումյան

Լուսանկարը՝ JHM Photography

Լրահոս
«Ճշ­մար­տու­թ­յունն է կարևոր, ես ճշ­մար­տու­թ­յուն հա­մա­րում եմ այն ա­մե­նը, ին­չը շա­րու­նա­կվում է» Ճշմար­տու­թ­յան միակ աղ­բ­յու­րը Ա Պետրոս 1.23 Սիմֆոնիկ նվագախումբը կկազմակերպի համերգներ. հասույթը կփոխանցվի Զինծառայողների հիմնադրամին Բաքվի կինոկենտրոնը հրաժարվել է Մել Գիբսոնի մասնակցությամբ ֆիլմեր ցուցադրելուց Համավարակի հետևանքով կյանքից հեռացել է ՀՀ արվեստի վաստակավոր գործիչ Հարություն Թոփիկյանը Ռազմիկ Դավոյան․ Աղերսանք Ընդ­հատ­ված թռիչք Շու­շի՝ սպի­տակ ե­րազ Ոչ մի պատճառ չպետք է խոչընդոտի, որպեսզի այս ձգձգվող պատերազմին վերջակետ դնենք. Գուգարաց թեմի առաջնորդ Տեր Սեպուհ արքեպիսկոպոս Չուլջյան Հավատում ենք, որ կհաղթենք Ոչ միայն կայացած, այլեւ սկսնակ արվեստագետներն են աջակցում հայրենիքին Սերգեյ Սմբատյանը միացել է Հայերի ասամբլեայի նախաձեռնած մշակույթի համաշխարհային գործիչներին համախմբող մարդասիրական ակցիային Մշակույթը սահմաններ չի ճանաչում. բելգիահայ երաժիշտը նվագել է Շուշիի մզկիթում Աճուրդ, որի հասույթ կուղղվի Զինծառայողների Ապահովագրության հիմնադրամին «Աստ­ված մեզ հետ է և մեր ար­դար գոր­ծին զո­րա­վիգ» Սուրբ Խարիթյանների, Արտեմեա և Քրիստափոր սուրբ վկաների և երկու կանանց` Կալինիկեի և Ակյուլինեի հիշատակության օր «Մենք մոտ ենք հաղթանակին, մենք պարտավոր ենք այս ճակատամարտը, ավելի ճիշտ՝ այս գոյամարտը, հաղթանակով ավարտել».Տեր Սեպուհ արք. Չուլջյան Սուրբ Բարսեղ եպիսկոպոսի ճառը հարյուր տասնհինգերորդ (ՃԺԵ) սաղմոսի մասին Տաթև եպիսկոպոս Հակոբյանը ռումինահայերին և բուլղարահայերին հաղթանակի համար միասնության և պայքարի կոչ է արել Արցախցիները՝ Բյուրականի աստղադիտարանում Գավառի պետթատրոնը արցախցի փոքրիկների համար կազմակերպեց բացօթյա ներկայացում Օղորմի ինձ, Ձեզ երանի… Տեղերի Սբ. Աստվածածին եկեղեցի «ԵԹԵ ԱՍՏՎԱԾ ՄԵԶ ՀԵՏ Է ,ԱՊԱ Ո՞Վ ԿԱՐՈՂ Է ՄԵԶ ՀԱԿԱՌԱԿ ԼԻՆԵԼ…» Տ. Սիոն արքեպիսկոպոս Միսաք Մեծարենց. Հիվանդի հևքեր «Հայաստանը խաղաղության, մշակույթի և հոգևոր երկիր է». հանրահայտ դերասանը միացել է Իտալիայի մտավորականների կողմից ստորագրված կոչին «Երազ իմ երկիր հայրենի» երգը՝ Ղազանչեցոց եկեղեցուց «Ով ձեռք է բերել համբերություն, նա ձեռք է բերել փրկության հույս» Ներսես Աթաբեկյան. Ակվարել Հուսիկ Արա. էլեգիա Զոհվել է «Թևանիկ» ֆիլմի գլխավոր դերակատարներից Հովհաննես Խոդերյանը Մահացել է գեղանկարիչ, լուսանկարիչ Վահան Քոչարը Մենք կերտում ենք մեր պատմության ամենափայլուն էջերից մեկը. Հուսիկ Արան վստահ է՝ հաղթելու ենք Հայաստանը հարձակման է ենթարկվում. ռեփեր Փի Դիդին համացանցում անդրադարձել է հայերին Մահացել է ճարտարապետ, ակադեմիկոս Գուրգեն Մուշեղյանը Ղուկիանոս Հարյուրապետի, որ հավատաց Քրիստոսի խաչելությանը, Հովսեփ Աստվածահոր, Հովսեփ Արիմաթացու և Քրիստոսի բարեկամ Ղազարոսի ու նրա երկու քույրերի՝ Մարթայի և Մարիամի հիշատակության օր Ստեղծագործելով՝ ինքդ քեզ ես փրկում և կարողանում ես ապրել. Հուսիկ Արան ներկայացրել է «Էլեգիա» գործը Ա Պետրոս 1.22 Մահացել է ՀՀ վաստակավոր արտիստ Վանիկ Մկրտչյանը
website by Sargssyan