USD
EUR
RUB

Եղիշե Թադևոսյանի չցուցադրված էտյուդները կներկայացվեն հեղինակին նվիրված նորաբաց ցուցասրահում

 

ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: «Թադևոսյանը ստեղծեց իր հրաշալի էտյուդները, որոնց մեջ արվեստի իսկական գոհարներ կան։ Գույնի նուրբ զգացողություն ուներ ու կարողացավ մերձենալ իմպրեսիոնիզմի սկզբունքներին, կարողացավ լուսային, գունային մաքուր թրթռումներով փոքր չափի էտյուդների մեջ արտացոլել հայրենի բնության գողտրիկ անկյունները՝ այնքան վճիտ ու հայկական»:

Այսպես է Մարտիրոս Սարյանը բնութագրել հայ կերպարվեստի խոշորագույն վարպետներից մեկին՝ Եղիշե Թադևոսյանին, որի ծննդյան 150-ամյակը նշում ենք այս տարի:

Նկարչի հոբելյանի կապակցությամբ սեպտեմբերի 25-ին Վաղարշապատում կմեկնարկի Թադևոսյանին նվիրված փառատոնը, որի շրջանակում Հայաստանի ազգային պատկերասրահի մասնաճյուղ Մհեր Աբեղյանի թանգարանում կկայանա Եղիշե Թադևոսյանի անվանական ցուցասրահի հանդիսավոր բացումը, իսկ նկարչի հայրական տան մոտ՝ Ռ. Մելիքյան փողոցում, տեղի կունենա Էջմիածնի քաղաքապետարանի աջակցությամբ տեղադրված հուշատախտակի բացումը:

«Արմենպրես»-ի թղթակցի հետ զրույցում Հայաստանի ազգային պատկերասրահի տնօրեն Մարինա Հակոբյանն ասաց, որ նորաբաց ցուցասրահում կգործի շուրջ հինգ տասնյակ գեղանկարչական ու գրաֆիկական եզակի աշխատանքներ ընդգրկող մշտական ցուցադրություն:

Նա ընդգծեց, որ, բացի էտյուդներից և մեծադիր կտավներից, ցուցահանդեսում կներկայացվի հուշաձեռագրային հարուստ նյութ՝ պատմական արժեք ունեցող եզակի լուսանկարներ, դրվագներ նկարչի էպիստոլյար ժառանգությունից, անձնական իրեր և այլ արժեքավոր նմուշներ:

«Հայ կերպարվեստում առանձնակի երևույթ է Թադևոսյան-էտյուդիստը: 2015 թվականին Ազգային պատկերասրահում կազմակերպել էինք Թադևոսյանի 145-ամյակին նվիրված հետահայաց ցուցահանդես, որի բովանդակային հիմքում նկարչի էտյուդներն էին: Ցուցահանդեսում գրեթե ամբողջությամբ առաջին անգամ ներկայացվող մասնավոր հավաքածուն ներառում էր տարբեր տարիներով թվագրվող շուրջ 30 փոքրաչափ էտյուդներ, 100-ից ավելի ճեպանկարներ, եզակի վիտրաժ: Ցուցադրության մյուս հատվածն ընդգրկում էր ՀԱՊ-ի հուշաձեռագրային բաժնում պահվող էտյուդներն ու գծապատկերները, էսքիզներն ու նոթատետրերը: Այսօր էլ մեր ցուցադրության հիմնական նպատակը նկարչի՝ «մտահղացումից իրականացում» յուրօրինակ ճանապարհի բացահայտումն ու ամփոփումն է»,- ընդգծեց Հակոբյանը:

Տասնյակ տարիներ թանգարանի պահոցներում պահվող նմուշների մեծ մասը ցուցադրվում է առաջին անգամ: Սիմվոլիկ նշանակություն ունի Ազգային պատկերասրահի մշտական ցուցադրությունից ժամանակավորապես բերված «Մեր փողոցը Վաղարշապատում» կտավը: Խոսելով հուշատախտակի բացման մասին` Հակոբյանը պատմեց, որ այս ընթացքում ուսումնասիրությունների արդյունքում գտնվեց նկարչի հայրական տան մասամբ պահպանված արտաքին պատը, որն այսօր արդեն ՀՀ ԿԳՄՍ նախարարության և «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի աջակցությամբ ունի տեղական նշանակության հուշարձանի կարգավիճակ: «Մեր փողոցը Վաղարշապատում» նկարում հին Էջմիածնի տիպական նիստուկացով նեղլիկ փողոցում նկարիչը պատկերել է հայրական տան պատն ու փայտե դռան շեմին նստած ծեր պապին:

Եղիշե Թադևոսյանը թողել է գեղարվեստական հսկայական ժառանգություն, բայց կան գործեր, որոնք առանցքային էին նրա համար: Հակոբյանը հատկապես առանձնացնում է «Հանճարն ու ամբոխը» կտավը, որի մտահղացման հիմքում առաջադեմ, մտածող անհատի և քաղքենի, ինքնագոհ հասարակության, գաղափարների և տգիտության բախման կոնֆլիկտն է: «Նոթատետրերում և առանձին թերթերի վրա արված բազմաթիվ էսքիզներում և էտյուդներում հանճարի կերպարի հիմքում Բեթհովենն էր, սակայն, ամփոփելով իր որոնումները, Թադևոսյանը ստեղծում է մի հավաքական կերպար՝ զերծ որևէ անհատականացումից: Մեկ այլ կտավ ևս մշտապես գրավում է այցելուների ուշադրությունը: Դա «Քրիստոսը և փարիսեցիները» գործն է, որտեղ նկարիչը Քրիստոսին պատկերել է այնքան «մարդկային» զայրույթի պահին, ցասումով լի աչքերով: Նշենք, որ ցուցահանդեսում ավարտուն կտավի հետ միասին առաջին անգամ կնեկայացվեն նաև բազմաթիվ նախանկարներից երկուսը»,- եզրափակեց Հակոբյանը:

Անժելա Համբարձումյան

Լրահոս
Փա­րի­սե­ցիու­թ­յուն է, երբ տես­նում ենք մարդ­կանց գոր­ծո­ղու­թ­յուն­նե­րը, բայց չենք նկա­տում Աստ­ծո գոր­ծե­րը Դպրոցներում աշնանային արձակուրդը կերկարաձգվի ևս երկու շաբաթով Պատանիները նվագելով հավաքել են 600,000 դրամ ու փոխանցել Զինծառայողների ապահովագրության հիմնադրամին Ամենայն Հայոց Կաթողիկոսն ընդունեց նորաօծ քահանաներին Տղաներ, մենք հետևում ենք ձեզ, ապավինում ենք ձեզ և հավատում ենք ձեր անկոտրում ուժին. Տիգրան Մանսուրյան «Ճշ­մար­տու­թ­յունն է կարևոր, ես ճշ­մար­տու­թ­յուն հա­մա­րում եմ այն ա­մե­նը, ին­չը շա­րու­նա­կվում է» Ճշմար­տու­թ­յան միակ աղ­բ­յու­րը Ա Պետրոս 1.23 Սիմֆոնիկ նվագախումբը կկազմակերպի համերգներ. հասույթը կփոխանցվի Զինծառայողների հիմնադրամին Բաքվի կինոկենտրոնը հրաժարվել է Մել Գիբսոնի մասնակցությամբ ֆիլմեր ցուցադրելուց Համավարակի հետևանքով կյանքից հեռացել է ՀՀ արվեստի վաստակավոր գործիչ Հարություն Թոփիկյանը Հոգևորականաց հերթական խումբը մեկնեց առաջնագիծ՝ զորավիգ լինելու հայրենյաց պաշտպաններին Ռազմիկ Դավոյան․ Աղերսանք Ընդ­հատ­ված թռիչք Շու­շի՝ սպի­տակ ե­րազ Ոչ մի պատճառ չպետք է խոչընդոտի, որպեսզի այս ձգձգվող պատերազմին վերջակետ դնենք. Գուգարաց թեմի առաջնորդ Տեր Սեպուհ արքեպիսկոպոս Չուլջյան Հավատում ենք, որ կհաղթենք Ոչ միայն կայացած, այլեւ սկսնակ արվեստագետներն են աջակցում հայրենիքին Սերգեյ Սմբատյանը միացել է Հայերի ասամբլեայի նախաձեռնած մշակույթի համաշխարհային գործիչներին համախմբող մարդասիրական ակցիային Մշակույթը սահմաններ չի ճանաչում. բելգիահայ երաժիշտը նվագել է Շուշիի մզկիթում Աճուրդ, որի հասույթ կուղղվի Զինծառայողների Ապահովագրության հիմնադրամին «Աստ­ված մեզ հետ է և մեր ար­դար գոր­ծին զո­րա­վիգ» Սուրբ Խարիթյանների, Արտեմեա և Քրիստափոր սուրբ վկաների և երկու կանանց` Կալինիկեի և Ակյուլինեի հիշատակության օր «Մենք մոտ ենք հաղթանակին, մենք պարտավոր ենք այս ճակատամարտը, ավելի ճիշտ՝ այս գոյամարտը, հաղթանակով ավարտել».Տեր Սեպուհ արք. Չուլջյան Սուրբ Բարսեղ եպիսկոպոսի ճառը հարյուր տասնհինգերորդ (ՃԺԵ) սաղմոսի մասին Տաթև եպիսկոպոս Հակոբյանը ռումինահայերին և բուլղարահայերին հաղթանակի համար միասնության և պայքարի կոչ է արել Արցախցիները՝ Բյուրականի աստղադիտարանում Գավառի պետթատրոնը արցախցի փոքրիկների համար կազմակերպեց բացօթյա ներկայացում Օղորմի ինձ, Ձեզ երանի… Տեղերի Սբ. Աստվածածին եկեղեցի «ԵԹԵ ԱՍՏՎԱԾ ՄԵԶ ՀԵՏ Է ,ԱՊԱ Ո՞Վ ԿԱՐՈՂ Է ՄԵԶ ՀԱԿԱՌԱԿ ԼԻՆԵԼ…» Տ. Սիոն արքեպիսկոպոս Միսաք Մեծարենց. Հիվանդի հևքեր «Հայաստանը խաղաղության, մշակույթի և հոգևոր երկիր է». հանրահայտ դերասանը միացել է Իտալիայի մտավորականների կողմից ստորագրված կոչին «Երազ իմ երկիր հայրենի» երգը՝ Ղազանչեցոց եկեղեցուց «Ով ձեռք է բերել համբերություն, նա ձեռք է բերել փրկության հույս» Ներսես Աթաբեկյան. Ակվարել Հուսիկ Արա. էլեգիա Զոհվել է «Թևանիկ» ֆիլմի գլխավոր դերակատարներից Հովհաննես Խոդերյանը Մահացել է գեղանկարիչ, լուսանկարիչ Վահան Քոչարը Մենք կերտում ենք մեր պատմության ամենափայլուն էջերից մեկը. Հուսիկ Արան վստահ է՝ հաղթելու ենք
website by Sargssyan