Մատթեոս Զարիֆյան․ Խնդրանք

Մատթեոս Զարիֆյան․ Խնդրանք

Ծունկերուդ վրայ
Քընանա՜մ նորէն.
Հոգիս կը վախնայ
Այս մու՜թ գիշերէն։ 

Ծունկերուդ վրայ
Թոյլ տուր որ մոռնամ,
Թէ մահը կու գայ
Ալ վերջին անգամ։ 

Երգէ՜, սիրական,
Քընանա՜մ նորէն.
Դեւե՜ր կ՚երեւան
Գիշերին խորէն… ։

*

Մատներովդ աղուոր
Ճակատըս շոյէ,
Հոն խոհ մ՚ամէն օր
Հոգիս կը ծիւրէ։

Բայց ա՛յնքան վերէն
Սեւեռէ ինծի,
Որ հոգիս նորէն,
Նորէ՛ն թեւածի՜… ։

Հետևեք մեզ նաև Telegram-ում