Սոկրատ Խանյան. ԿՈՉ ՀԱՅՈՒԹՅԱՆԸ

Արևսարված իմ արևներ,
Դուրս եկեք նորից ,
Իմ Դավիթված նոր Դավիթներ,
Վեր ելեք հորից:

Շապուհված նոր շապուհներ են
Գալիս կրկին մեր դեմ,
Մսրա նոր-նոր մելիքներ են
Ոռնում՝ անկուշտ, անդեմ:

Հրոսակները ազերական՝
Հին մոլուցքով ցանցառ,
Աչք են տնկել արցախական
Մեր օջախին պայծառ:

Իմ Ջալալված Ջալալյաններ,
Զարկենք նենգ թշնամուն,
Պապենական օրենքն է մեր՝
Պահել օջախ ու տուն:

Մեկի դիմաց տասն է գալիս,
Տասին էլ զարկենք,
Օրենքները մեր պապերի
Պայքարում հարգենք:

Անդրանիկված Անդրանիկներ
Ու Նժդեհված քաջեր,
Արյունի դեմ արյուն հեղենք,
Որ թևածենք դարեր:

ՍՈԿՐԱՏ ԽԱՆՅԱՆ

27.09.2020, Ստեփանակերտ

Աղբյուր՝ Հայկ Մելիքյանի ֆեյսբուքյան էջ