USD
EUR
RUB

«Մարդկային հոծ խմբերի՝ նոր արոտավայրեր նվաճելը դեռ չի նշանակում, որ ձեռք են բերում նոր հայրենիք»

 

Երջանկահիշատակ երաժշտագետ Նովալիս Դերոյանի բացառիկ դասագիրքը վերահրատարակվել է

Երջանկահիշատակ երաժշտագետ, արվեստագիտության թեկնածու Նովալիս Դերոյանի «Երաժշտական ստեղծագործության վերլուծություն» դասագիրքը օրերս տպագրեց «Հայաստան» հրատարակչությունը։ Մինչ դասագրքին անդրադարձը նշենք, որ առիթի դեպքում, «Առավոտի» հետ զրույցում Դերոյան երաժշտագետի մասին խոսելիս գործընկերները նախ նշում էին նրա անսահման հայրենասիրությունը, մեջբերելով արվեստագետի արտահայտությունը, որը թեւավոր խոսք հիշեցնող մի բան է դարձել՝ «մարդը շարունակությունն է հայրենիքի»։

Նովալիս Դերոյանի մայրական կողմը Շուշիից է, հայտնի մտավորականների՝ Միրզա-Ավագյան ազնվատոհմից։ Իսկ հայրական կողմը Վանի ինքնապաշտպանության հերոսներ էին, մասնավորապես՝ հորեղբայրն ու հորաքույրը, հայրն էլ՝ Վարազդատ Դերոյանը, ճանաչված փիլիսոփա էր, որը 1938թ. ստալինյան բռնաճնշումների զոհ դարձավ։

Անդրադառնալով «Երաժշտական ստեղծագործության վերլուծություն» դասագրքին, մեզ հետ զրույցում երաժշտագետ Լիլիթ Մարտիրոսյանը նշեց, որ սա դասագրքի երկրորդ հրատարակությունն է։ Առաջին անգամ այն լույս է տեսել 1985թ.։ Առայսօր այդ դասագիրքը միակն է իր տեսակի մեջ՝ անբասիր հայերենով, պարզ ու մատչելի շարադրանքով, միեւնույն ժամանակ ապահովելով ամենաբարձր մասնագիտական չափանիշները։ «Նշեմ, որ դասագիրքը հայ ժողովրդական երգի ձեւակազմական առանձնահատկությունների, վերլուծման մեթոդաբանության եւ ամբողջական համակարգի սահմանման տեսանկյունից առայսօր միակն է»,- հայտնեց Լիլիթ Մարտիրոսյանը։ Մեր զրուցակիցը հատուկ նշեց դասագրքի կազմող եւ խմբագիր, արվեստագիտության թեկնածու Ծովինար Մովսիսյանի անունը, որը 2015թ. կազմել եւ խմբագրել է նաեւ Նովալիս Դերոյանի «Երկեր» ժողովածուն։ «Այստեղ ընդգրկված են Դերոյանի «Երաժշտական ստեղծագործության ամբողջական հարցի շուրջ» աշխատությունը, անտիպ գիտամեթոդական հոդվածները, «Մարիամի խաչելությունը» ինքնակենսագրական վիպակը, ինչպես նաեւ կյանքի վերջին տարիներին գրած մի շարք հրապարակախոսական հոդվածներն ու ուսումնասիրությունները, որոնցում անդրադարձ է կատարվում 1980-90-ականների հայաստանյան բարդ ու հակասական իրականությանը, մեր երկրի եւ ժողովրդի կյանքում տեղի ունեցած վճռորոշ, երբեմն նաեւ ողբերգական իրադարձություններին, նորանկախ պետականության կայացմանը, Սումգայիթի ոճրագործություններին, Սպիտակի ողբերգությանը եւ այլն»,- ասաց երաժշտագետը։

Պատերազմական այս օրերին մեր զրուցակիցը առանձնացրեց Դերոյանի «Հայրենիք» հոդվածը, մեջբերելով Ծովինար Մովսիսյանի կարծիքը՝ «Հոդվածում խտացված է Դերոյան վերլուծաբան-գիտնականի ամբողջական ընկալումն ու ապրումը առ հայրենիք, առ մարդկային գոյություն»։ Երաժշտագետը մեզ տրամադրեց հիշյալ հոդվածից մի հատված. «Հայրենիքը բազմանշանակ եւ տարողունակ հասկացություն է, այն կոնկրետ աշխարհագրական տարածք է, ազգի զարգացման պատմական միջավայրն է, բայց եւ զգայական ֆենոմեն է, եթե կուզեք՝ գեղագիտական կատեգորիա է, որի համար ճիշտ կլինի դիտել այն որպես Աստծո պարգեւ։ Այն չի ստեղծվում բռնի ուժով, անեքսիայով, հրովարտակով, դրամի, խաբեության եւ այլ ստոր ճանապարհներով։ Եթե մարդկային հոծ խմբեր տեղափոխվում են մի տեղից մյուսը՝ նոր արոտավայրեր նվաճելու կամ ռազմական գործողություններ իրականացնելու նպատակով, դա ամենեւին չի նշանակում, որ ձեռք են բերվում նոր հայրենիքներ։ Հայրենիքը սրբություն է եւ ոչ թե արոտավայր»։

Սամվել ԴԱՆԻԵԼՅԱՆ

Աղբյուր՝ Aravot.am

Լրահոս
Հայաստան, աշուն, վերջին չուն դրախտ Վահե Արմեն. ՃԻՉ Սուրբ Հակովկի և Իրավափառի հիշատակության օր Դադիվանքում սպասավորող միաբանները ստացան Ամենայն Հայոց Կաթողիկոսի օրհնությունը «Բոլորին պատվազրկեցին, հողերին հավասարեցրին, իրենց անգործությամբ էլ Արցախի մշակութային արժեքները գերության մեջ թողեցին»․ գյումրեցի նկարչուհի «Ար­ցա­խի կո­րուս­տը հայ ժո­ղովր­դի հա­մար հս­կա կո­րուստ մըն է» Կյանքից հեռացել է Գորիսի դրամատիկական թատրոնի դերասան Սեյրան Մկրտչյանը Դեկտեմբերի 7-ից դպրոցները կանցնեն առկա ուսուցման Բարսեղի և Գրիգորի տեսությունը ուղղափառ հավատքի մասին Արդարություն փնտրելիս Փաշինյանի հրաժարականի պահանջով հացադուլ հայտարարած քաղաքացիները կաթողիկոսի այցից հետո դադարեցրել են հացադուլը Չդառնանք չարը՝ հակառակվելով չարին Սուրբ Գենարիոս եպիսկոպոսի և Մերկերիոս զինվորի հիշատակության օր Ադրբեջանը քննարկում է Շուշին և Խուդաֆերինի կամուրջները ՅՈՒՆԵՍԿՕ-ի ցուցակում ընդգրկելու հնարավորությունը Լույս է տեսել «Խորհրդային Հայաստանը հայ ժողովրդի պատմական ճակատագրում» գրքույկը Այս մրցանակը նվիրում եմ բոլոր հայ զինվորներին․ Իվետա Մուկուչյան Երեք նոր նամականիշ` նվիրված «Պատմամշակութային հուշարձաններ. Հայաստանի պատմամշակութային հուշարձաններ» թեմային Աստղագիտության դասավանդման նորարարական մեթոդները Համերգ-ցուցահանդես՝ նվիրված Արամ Խաչատրյանի զարմիկներին Աղոթք որոշակի կարիքների և ամբողջ աշխարհի համար Ավագ Եփրեմյան «Լինել թե չլինել ընթեռնելի» Հուսիկ Արա․ Մելոդիա Թադեոս և Բարդուղիմեոս առաքյալների տոնին դուրս բերվեց Սուրբ Գեղարդը Հույս Թադեոս և Բարդուղիմեոս առաքյալներ Մահացել է բանաստեղծ Եղիշե Չարենցի թոռնուհին՝ բանաստեղծուհի Հասմիկ Չարենցը «Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր Ֆրանսիան համագործակցում է ՅՈՒՆԵՍԿՕ-ի հետ ԼՂ-ի պատմամշակութային օբյեկտների պահպանության համար Նկար­չի ժա­մա­նա­կը «Ոսկե ծիրանը» կցուցադրի կինոռեժիսորի «Զինվորը և կովը» ֆիլմը Աստծո անունը զուր տեղը մի տուր Նոյեմբերի 28-ին դուրս կբերվի Աստվածամուխ Սուրբ Գեղարդը «Դուք այստեղ որևէ ադրբեջանական բան տեսնո՞ւմ եք». Свободная Пресса-ի ռեպորտաժը ռուս խաղաղապահների հսկողության տակ գտնվող Դադիվանքից (տեսանյութ) Շու­շիի բանտ­ված թան­գա­րա­նա­յին նմուշ­նե­րը Տրտուն­ջը, նա­խան­ձը ա­վե­րում են մեր հո­գին Քանի որ այսօր ՀՀ-ն չունի իշխանություն, հայ մշակութային գործիչները դիմում են միջազգային կառույցներին Առաջին լուսավորիչներ՝ Սուրբ Թադեոս և Սուրբ Բարդուղիմեոս առաքյալներ Կյանքից հեռացել է ՀՀ վաստակավոր արտիստ Զավեն Աբրահամյանը Ամենայն Հայոց Կաթողիկոսը ցավակցագիր է հղել ՀՀ վաստակյալ նախագահ Սերժ Սարգսյանին Աստծո արքայությունը բանաձևող առակներ
website by Sargssyan