90 տարեկանում կյանքից հեռացել է Շոն Քոններին

ԵՐԵՎԱՆ, 31 ՀՈԿՏԵՄԲԵՐԻ, Aravot.am: 90 տարեկանում կյանքից հեռացել է շոտլանդացի հանրահայտ դերասան Սըր Թոմաս Շոն Քոններին:

Նա հատկապես հայտնի է որպես Ջեյմս Բոնդի մասին պատմող ֆիլմաշարի առաջին դերասան։

Ընդհանուր թվով ստացել է 32 տարբեր կինոմրցանակ, ներկայացված է եղել ևս 15-ի, որոնց թվում.

1 Օսկար երկրորդ պլանի լավագույն դերասան անվանակարգում 1988 թվականին «Անձեռմխելիները» ֆիլմում խաղացած դերի համար

3 Ոսկե Գլոբուս

Բրիտանական կինոյի և հեռուստատեսության ակադեմիայի 5 մրցանակ

2 BAFTA կինոմրցանակ և այլն

Ամերիկյան բոլոր ժամանակների ֆիլմերի 100 լավագույն դրական և բացասական հերոսների ցանկում Շոն Քոններիի հերոս Ջեյմս Բոնդը «Բժիշկ Նո» ֆիլմում 3-րդ տեղում է որպես դրական հերոս։

Պետական պարգևներ

Բազմաթիվ պետական պարգևների դափնեկիր է՝ մոտ 15 մրցանակ։ Դրանցից առավել արժեքավորներն են.

1987 – Ֆրանսիայի արվեստի և գրականության պատվո շքանշան

1991 – Ֆրանսիայի Պատվո Լեգեոնի շքանշան

1999 – «Քենեդու անվան Կենտորնի Շքանշան» (Kennedy Center Award). ԱՄՆ, Վաշինգտոն

2000 – «Սըր», ասպետական կոչում, շնորհվել է թագուհի Էլիզաբեթ II-ի կողմից։ Արարողությունը կայացել է

2000 թվականի հուլիսի 5-ին Էդինբուրգում[15]

2001 – Ուիլյամ Վոլոսի անվան մրցանակ (William Wallace Award), շնորհվել է ԱՄՆ-ի շոտլանդական ֆոնդի կողմից Շոտլանդիայի պատմության և երկրի հանրահայտության մեջ ունեցած ավանդի համար: