Հունվարի 16-ը «Բիթլզ»-ի համաշխարհային օրն է

ԵՐԵՎԱՆ, 16 ՀՈՒՆՎԱՐԻ, Panorama.am: Այսօր՝ հունվարի 16-ին, իսկական երաժշտասերների ականջակալներից հնչում է բոլոր ժամանակների և ժողովուրդների ամենահայտնի երաժշտական խմբերից մեկի՝ Լիվերպուլի լեգենդար քառյակի «Երեկ», «Դեղին սուզանավ», «Թող լինի» և այլ ստեղծագործությունները:

2001 թվականից, ՅՈՒՆԵՍԿՕ-ի որոշմամբ, հունվարի 16-ը նշվում է որպես «Բիթլզի»-ի համաշխարհային օր: Ամսաթիվը, իհարկե, պատահական չի ընտրվել: 1957 թվականի հունվարի 16-ին Լիվերպուլում բացվեց «The Cavern» ակումբը, որտեղ այն ժամանակ անհայտ երիտասարդ երաժիշտներ Ջոն Լենոնը, Փոլ Մաքքարթնին և Ջորջ Հարիսոնը սկսեցին իրենց ճանապարհը դեպի մեծ համբավ: Մի քանի տարի անց նրանց միացավ մեկ այլ ապագա «Բիթլ»-ը՝ Ռինգո Սթարը:

Ավելի ուշ՝ հունվարի 16-ին, տեղի ունեցավ «Բիթլզ»-ի պատմության մեկ այլ նշանակալից իրադարձություն՝ 1964 թ-ի այս օրը «Cashbox» ամսագիրը «I Want To Hold Your Hand» երգին, ընդամենը 10 օրվա ընթացքում սինգլի մեկ միլիոն վաճառքից հետո, շնորհվեց ամերիկյան հիթ-շքերթի առաջին տեղը:

«Բիթլզը» ութ տարի աշխատել է իր սովորական կազմով: Այս ընթացքում նրանք պաշտոնապես թողարկեցին 13 ալբոմ, որոնցից յուրաքանչյուր երգը դառնում էր իսկական հիթ: «Բիթլզ»-ը սկսած ամերիկյան ռոք-ն-ռոլի դասականների հնչեցնելով (օրինակ, Էլվիս Փրեսլիի աշխատանքը մեծ ազդեցություն ունեցավ քառյակի վրա), և հասավ իրենց ոճին:

Խումբը համաշխարհային ճանաչում ձեռք բերեց 1963 թվականին՝ «Please Please Me» սինգլի թողարկմամբ: Մոլորակի վրա այդ պահից սկսվեց խելագարություն, որը ստացավ «Բիթլեմանիա» անվանումը: Խումբը մեծ ազդեցություն ունեցավ համաշխարհային երաժշտության զարգացման վրա: Նրանց օրինակին հետևեցին շատ հայտնի կոմպոզիտորներ և կատարողներ: Բացի այդ, «Բիթլզ»-ը առաջինն օգտագործեց ձայնագրման և տեսահոլովակների արտադրության առաջամարտիկների մի մասը:

Ըստ Rolling Stone ամսագրի՝ «Բիթլզ»-ը բոլոր ժամանակների մեծագույն արվեստի գործիչների ցուցակի 1-ին հորիզոնականում է: 2015-ի դեկտեմբերին The Cavern-ը Լիվերպուլ քաղաքին հիմնադրման օրվա կապակցությամբ նվիրեց երաժիշտներին հուշարձանը, որը մարմնավորում էր լեգենդար երաժիշտներին, որոնք քայլում էին ջրի ափով: