USD
EUR
RUB

«Ինչ որ ասի ձեզ, արե՛ք» (Հովհ. 2.1-11)

 

Սա է Աստվածածնի միակ պատգամը Ավետարանում, որն ուղղված է ոչ միայն Գալիլիայի Կաննա քաղաքի հարսանիքի սպասավորներին, այլ նաև մեզ այսօր. «Քրիստոս ինչ որ ասի ձեզ, արե՛ք»: Ամեն մեկն, ով կանի այն, ինչ ասում է Քրիստոս, Աստծո արքայությունը կբացվի նրա առաջ, և անհնարինը կդառնա հնարավոր:

Քրիստոս կատարեց Իր առաջին հրաշքը՝ ջուրը գինի դարձրեց։ Հրաշքը տեղի ունեցավ Աստվածածնի խնդրանքով, երբ վերջինս դիմեց Քրիստոսին և ասաց. «Գինի չունեն»:

Մարդկանց սրտերը փափագում էին ուրախության, իսկ գինին սպառվել էր: Քրիստոս նրան ասաց. «Ի՞նչ ես ուզում ինձնից, ով կին, իմ ժամանակը դեռ չի հասել»: Աստվածամայրը Քրիստոսի հարցին պատասխանում է կատարյալ հավատի դրսևորմամաբ: Նա անսահման հավատում էր Որդու իմաստությանը, Նրա սիրուն և աստվածությանը: Եթե նույնիսկ չգիտեր, թե ինչ կանի Հիսուս, վստահ էր, որ ինչ էլ անի, կլինի լավագույն լուծումը: Պարզապես մնում է, որ մենք էլ վստահենք Տիրոջը և անենք այն, ինչ ասում է:

Հիսուսին հրավիրեցին հարսանիք՝ որպես սովորական մի հյուր, բայց Նա գնաց՝ որպես Փրկիչ: Բնական է, այլ կերպ չէր էլ կարող լինել: Քրիստոս մեզ համար սովորական թվացող ցանկացած իրավիճակում բացահայտում է երկնքի արքայությունը և Ինքը դառնում դեպի այն տանող ճանապարհը: Քրիստոս միշտ ամենասովորական գործով էր զբաղված, բայց դա անում էր անսովոր սիրով ու գթասրտությամբ: Ահա սա է հրաշքը, որը միշտ մենք ունենք ու չենք նկատում, քանի որ կարծում ենք, որ Աստված գործում է արտասովոր իրավիճակներում: Քրիստոս ցույց տվեց, որ հրաշքի համար պետք է ոչ թե արտասովոր իրավիճակ, այլ ամենապարզ սերն ու գթասրտությունը, որոնք մեզանում արժեզրկված են, քանի որ սովորական ենք համարում. չէ՛, մեզ պետք է, որ երկնքից աստղեր ընկնեն, որպեսզի հավատանք:

Հրաշքի, բժշկության, հաջողության ակնկալիքով՝ Քրիստոսին հրավիրում ենք մեր կյանք, բայց Նա գալիս է որպես փրկիչ ու երկնքի արքայության դռներն է բացում մեր առաջ̀ իմաստավորելով մարդկային կյանքի ուրախությունը: Տերը պատրաստ է մեզ հետ կիսել մեր ուրախությունը և այն կրկնապատկել: Մարդիկ կան, ովքեր կասկածանքով են վերաբերվում ուրախությանը: Հավատքը նրանց համար զսպաշապիկ է, որն արգելում է արձագանքել ուրախությանը: Այդ զսպաշապիկը հաճախ այնքան է կարծրանում, որ մեր մեջ ծածկում է իրական մարդուն, մարդկայինը: Եթե ցանկանում ենք կյանքը փոխել, ավելի լավը դարձնել, ապա մեզ ներքին ու արտաքին ամուր պատնեշ-զսպաշապիկներ պետք չեն․ մեզ ընդամենը պետք է բարություն, պարզ հայացք, սեր, ուրախանալու և դիմացինի ուրախությունը կիսելու ցանկություն:

Այս հրաշքը տեղի ունեցավ համեստ մի տան մեջ, հասարակ մարդկանց համար, ոչ թե բազմամարդ հրապարակներում, կամ թագավորական պալատներում: Աստված միշտ Իր փառքը բացահայտում է խոնարհ միաջավայրում, Աստծո ներկայության համար կարևոր է ոչ թե շքեղությունը, փայլը, այլ մաքրությունը և խոնարհությունը:

Աստված ոչինչ պարտավոր չէ՝ մեզ համար անելու: Ու հրաշքն այն է, որ սիրենք Տիրոջը ոչ թե նրա համար, որ ինչ-որ բան է անում, այլ որ ներկա է մեր կյանքում, որ սիրում է մեզ, ու մենք էլ սիրում ենք Իրեն:

Ավետարանը ներկայացնում է ոչ թե այն, ինչ արեց Քրիստոս, այլ թե ինչ է անում Քրիստոս միշտ: Տերն այսօր էլ ամենասովորական կերպով հայտնվում է մեզ̀ նորոգելով մեր կյանքը հավիտենական ուրախությամբ: Նա հայտնվում է մեր կյանքի ամենասովորական իրավիճակներում, ամենասովորական կերպով՝ Իր անսովոր սիրով ու բարությամբ նորոգելով մեր կյանքը և աստվածային շնորհներով զարդարելով: Քրիստոս միշտ մեր կյանքի ամենասովորական ջուրը փոխում է արտասովոր գինու: Պարզապես մենք էլ պիտի կարողանանք անել այն, ինչ Քրիստոս մեզ ասում է, ու Աստծո կամքի պահպանությամբ՝ հավիտենապես փառաբանենք Տիրոջը այժմ և միշտ և հավիտյան. ամեն:

Եսայի քհն. Արթենյան

Աղբյուր՝ Qahana.am

Լրահոս
Գարունդ հայերեն է գալիս Վահան Տերյան․ Գարնանամուտ «Ոսկե Գլոբուս 2021». հայտնի են «լավագույնի» տիտղոսին արժանացած մրցանակակիրները Պետական ջազ նվագախումբը գարնան առաջին օրը շնորհավորել է Շոպենի նոկտյուրներից մեկի ջազային կատարմամբ Ամեն մեկին բաժին հասած հավատքը «Մարմնավոր խորհուրդը մահ է, իսկ հոգևոր խորհուրդը` կյանք և խաղաղություն» Լույս է տեսել «Հոգևոր երգատեսակները Ջավախքի ժողովրդական ավանդույթում» էլեկտրոնային գիրքը Աշտարակներ, երաժշտական գործիքներ և տարատեսակ այլ առարկաներ. ճապոնացի վարպետն ուշագրավ քանդակներ է կերտում մատիտի միջուկով (լուսանկարներ) Սեր ու լավատեսություն. Գյումրու թատրոնում «Քեյս» ներկայացմամբ մեկնարկում է պրեմիերաների շարքը Սի՛րտ, ես գլուխս եմ խոնարհում քո դեմ... «Գովք հիմարության» Խաչի ու ցավի մասին Հայտնի թավջութակահար Միշա Մայսկին Երևանում կհնչեցնի Սեն-Սանսի, Բրուխի, Չայկովսկու, Բեթհովենի գործերը «Այլ փրկեա զմեզ ի չարէն» (Մատթ. 6:13) Արցախի ձեռագրական արվեստը՝ Մաշտոցյան Մատենադարանում Հայաստանի Մտավորականների ֆորումը ողջունում է ՀՀ զինված ուժերի գլխավոր շտաբի հայտարարությունը Ուրցաձոր Ալ. Սպենդիարյանի 150-ամյակի առիթով կոմպոզիտորի տուն-թանգարանը լուսանկարչական մրցույթ կկազմակերպի «Տետ-ա-տետ». Ֆիլհարմոնիկի երաժիշտները, Անուշ Նիկողոսյանը, «Երևան» քառյակն ու հանդիսատեսը մեկ բեմում «Եւ մի տանիր զմեզ ի փորձութիւն» (Մատթ. 6:13) «Ճիչը» կտավի վերին անկյունում գրությունն արված է հենց Մունկի կողմից Paramount-ի ֆիլմերը թվային հասանելիություն կունենան էկրան բարձրանալուց 30 օր անց (լուսանկարներ, տեսանյութեր) Մայր Աթոռ Սուրբ Էջմիածին հայտարարությունը Կ. Ստանիսլավսկու թատրոնը թատերաշրջանը կսկսի «Չ՛սեր» ներկայացմամբ Վան Գոգի՝ 6-9 մլն դոլար գնահատված կտավն առաջին անգամ կցուցադրվի հանրությանը, այնուհետև աճուրդի կհանվի (լուսանկարներ) Տարիների հետ․․․ Արագիլները Հեղինակ-կատարող Վիգեն Հովսեփյանը յուրովի է մեկնաբանել Կոմիտասի «Զուլոն» Կույրի բժշկությունը (Մարկ. 10:46-52, Մատթ. 20:29-34,Ղուկ. 18:35-43) Խոստովանության ուժը Մահացել է բանաստեղծ Լոուրենս Ֆեռլինգետտին «Միշտ գրում եմ այնպես, ինչպես կզրուցեմ ինքս ինձ հետ» Լռությունը Ջութակահար Ֆյոդոր Ռուդին և Պետական սիմֆոնիկ նվագախումբ. ծրագրում՝ Վիվալդի, Պիացոլա «Խոնարհում հերոսներին» Սուրբ Թեոդորոս զորավարի հիշատակության օր Պահքի արդիականությանը Հանրային ծառայության մեջ գտնվող անձին վիրավորելու կամ զրպարտելու քրեականացում առաջարկող նախագիծն այդ ձևով ընդունվել չի կարող Շուշիի բոլոր անվանումները՝ հայերեն, թե օտարալեզու, հայկական են «Զայրացկոտ մարդը կռիվ է հարուցում, բայց համբերատարը խաղաղեցնում է այն» (Առակ 15: 18)
website by Sargssyan