USD
EUR
RUB

Երիտասարդականից մինչև սիմֆոնիկ. Հայաստանի պետական սիմֆոնիկ նվագախումբը տոնում է հիմնադրման 15-ամյակը

 

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Հայաստանի պետական սիմֆոնիկ նվագախմբի համար 2021-ը հոբելյանական է: Նվագախումբը, որը և՛ Հայաստանում, և՛ արտերկրում մշտապես հնչեցնում է հայ կոմպոզիտորների գործերը՝ նպաստելով նրանց հանրահռչակմանը, տոնում է ստեղծման 15-ամյակը: Տարվա ընթացքում նվագախումբը նախատեսում է կազմակերպել մրցույթներ, փառատոններ և հոբելյանը նշել գեղեցիկ համերգով:

Նվագախմբի ձևավորման, առաքելության, ինչպես նաև առաջիկա ծրագրերի մասին «Արմենպրես»-ի թղթակիցը զրուցել է Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի հետ, որն ընդգծեց՝ 2020-ը իրենց համար ավելի քան դժվար տարի էր, բայց 2021-ից մեծ ակնկալիքներ ունեն. համավարակի պատճառով հնարավորությունները սահամանափակ լինելուց հետո ճանապարհորդելու ակնկալիքներ ունեն: Հուսով են իրականացնել բոլոր նախաձեռնություններն ու հոբելյանական համերգաշրջանն անցկացնել լեփ-լեցուն դահլիճներում:

«Այս տարի կարևորագույն իրադարձություններից մեկը կլինի Խաչատրյանի անվան միջազգային մրցույթը, որն անկցացվելու է «դիրիժոր» մասնագիտությամբ. դա ձեռքբերում է, քանի որ այն տարածաշրջանում դիրիժորների միակ մրցույթն է: Անցկացնելու ենք նաև Արամ Խաչատրյանի անվան միջազգային փառատոնը մեծ ձևաչափով: Մեծ ոգևորությամբ ենք աշխատում: Դժվարանում եմ ասել, թե ովքեր կմասնակցեն մեր հոբելյանական համերգին, քանի որ մի շարք երկրներից դուրս գալն անիրական է թվում: Հյուրախաղերի առաջարկներ ենք ստացել Եվրոպայից և ասիական երկրներից»,-ասաց Սմբատյանն ու հիշեց, որ մեկ տարի առաջ այս օրերին ջութակահար Մաքսիմ Վենգերովի հետ համերգ ունեին Բեռլինի ֆիլհարմանիայում:

Անդրադառնալով համավարակով և պատերազմով պայմանավորված առցանց տիրույթում կատարած աշխատանքին՝ դիրիժորը նշեց, որ անգամ հուլիս ամսին անցկացրել են MUSIC-20 առցանց միջազգային փառատոնը, որն ունեցել է դիտումների անհավանական մեծ քանակ: «Հավանաբար, աշխարհում առաջին նվագախմբերից մեկն ենք, որը միջազգային փառատոն իրականացրեց օնլայն հարթակում և առանց հանդիսատեսի: Հեռարձակում էինք Կ. Դեմիրճյանի անվան մարզահամերգային համալիրից: Եկան հրաշալի արտիստներ Ֆրանչեսկա Դեգոն, Ջանլուկա Մարչիանոն և այլք: Դա կենդանի կատարումներով առաջին առցանց փառատոնն էր, ինչից հետո կարողացանք առցանց անցկացնել նաև «Դաս Ա» կրթամշակութային ծրագիրը»,- ասաց նա:

Սերգեյ Սմբատյանն ու ընդգծեց, որ օնլայն տիրույթում կա տարբեր երկրների երաժշտասերներից բաղկացած լսարան, հետևաբար նվագախումբը ծրագրային առումով պետք է շատ զգույշ լինի: Սիմֆոնիկն առցանց տիրույթում ներկայացնում է նաև հայկական երաժշտությունը, հայ կոմպոզիտորների գործերը և փաստում, որ արտերկրի երաժշտասերներին հետաքրքիր է ունկնդրել երաժշտություն, որի մասին գուցե լսել են, բայց չեն ունկնդրել: Դիրիժորի համոզմամբ՝ հայ հեղինակների արվեստը աշխարհին ներկայացնելու գործում օնլայն դարաշրջանը կարող է մեծ ներդրում ունենալ:

«Շատերը կարծում են, թե մենք պետք է կատարենք բոլոր կոմպոզիտորների գործերը: Սիմֆոնիկ նվագախումբը հնչեցնում է միայն այն երաժշտությունը, որը չի կարելի չկատարել: Երբ շատ կոմպոզիտորներ մեզ մեղադրում են, թե ինչո՞ւ չենք ներկայացնում այս կամ այն հեղինակի ստեղծագործությունները, նշում եմ, որ կատարում ենք այն կոմպոզիտորներին, որոնք մեծ արժեք ունեն: Մենք ունենք անհավանական մեծ արժեք ներկայացնող ստեղծագործություններ, որոնք ինչ-ինչ պատճառներով երբեք չեն հնչել: Մեկ տարի առաջ Բեռլինում, Զալցբուրգում, Շտուտգարտում, Պրահայում, Լոնդոնում, Մոսկվայում և այլ քաղաքներում հնչեցրել ենք Ջիվան Թադևոսյանի «Սիմֆոնիան»: Երաժշտասերները հիացած էին: Այդ սիմֆոնիան և մի շարք այլ գործեր բովանդակային մեծ արժեք են ներկայացնում, որով պետք է հպարտանալ»,-շեշտեց Սմբատյանն ու ևս մեկ անգամ նշեց, որ կատարում են այն երաժշտությունը, որին հավատում են:

Սիմֆոնիկ նվագախմբի դիրիժորը հավաստիացրեց, որ նվագախմբի սկզբնավորման և զարգացման փուլում իրենց նպատակները չեն փոխվել: Նվագախումբը ձևավորվել է գաղափարի շուրջ, գաղափար, որը դարձել է տեսլական:

«Նվագախումբն ունի հստակ առաքելություն և ռազմավարական ծրագիր: Այո՛, ես շատ հպարտ եմ, որ մեր թիմը՝ մեծ ընտանիքը, հստակ պատկերացնում է մեր ամեն օրը, աշխատանքային ամեն րոպեն և գիտակցում, թե ինչում է ներդրում կատարում: Դա մեր ձեռքբերումն է: Այն մարդկային որակները, արժեքները, որոնց շուրջ մենք միավորվել ենք ու հիմնել ենք Հայաստանի պետական երիտասարդական նվագախումբը, որն այժմ Հայաստանի պետական սիմֆոնիկ նվագախումբ է դարձել, առ այսօր հետևում է իր գաղափարներին ու փորձում զարգանալ: Աշխատում ենք միջազգային մոտեցմամբ»,- շեշտեց նվագախմբի դիրիժորն ու գեղարվեստական ղեկավարը:

Նա խոստովանեց, որ նվագախումբը չի վախենում նաև փորձարարությունից, առանց որի ակադեմիական կյանք չի կարող լինել: Սմբատյանը նշեց, որ իր հերոսները Մայքլ Ջեքսոնն ու այլ անվանի փոփ աստղերը չեն, որոնց գործերը հնչեցրել են: Սիրում է Խաչատրյանի, Շոստակովիչի, Պրոկոֆևի և այլ դասականների ստեղծագործություննեը, բայց գիտացում է, որ պետք է հանդես գալ հետաքրքիր նախաձեռնություններով և նոր ազդակներ հաղորդել հասարակությանն ու նոր հանդիսատեսների գրավել:

«Մեր նվագախմբի շնորհիվ հանդիսատեսը երիտասարդացել է: Երբ մենք իրականացնում ենք «Դաս Ա» նախագիծը, «Դասական Ջեքսոն» և մի շարք այլ ծրագրեր, համերգասրահներ ենք բերում երիտասարդ հանդիսատեսի. հազարների մասին է խոսքը: Նրանցից շատերը հավատարիմ են մնում նվագախմբին: Մեր նպատակն է կրեատիվ մոտեցումներով բացահայտել մարդկանց համար այն փաստը, որ նվագախումբն ունիկալ գործիք է, որը կարող է նվագել ամեն ինչ: Փորձարարություն անելն ու ոչ ակադեմիական երաժշտություն նվագելն ինքնապտակ չէ: Եվս մեկ անգամ կրկնեմ, որ դա նոր ունկնդիր գտնելու միջոց է, ինչը մեզ համար շատ կարևոր է: Եթե մենք ունենանք հասարակություն, որը համարի, որ չի կարող չլսել դասական երաժշտություն, Հայաստանում փայլուն վիճակ կլինի»,- եզրափակեց Սերգեյ Սմբատյանը:

Անժելա Համբարձումյան

Լրահոս
Գարունդ հայերեն է գալիս Վահան Տերյան․ Գարնանամուտ «Ոսկե Գլոբուս 2021». հայտնի են «լավագույնի» տիտղոսին արժանացած մրցանակակիրները Պետական ջազ նվագախումբը գարնան առաջին օրը շնորհավորել է Շոպենի նոկտյուրներից մեկի ջազային կատարմամբ Ամեն մեկին բաժին հասած հավատքը «Մարմնավոր խորհուրդը մահ է, իսկ հոգևոր խորհուրդը` կյանք և խաղաղություն» Լույս է տեսել «Հոգևոր երգատեսակները Ջավախքի ժողովրդական ավանդույթում» էլեկտրոնային գիրքը Աշտարակներ, երաժշտական գործիքներ և տարատեսակ այլ առարկաներ. ճապոնացի վարպետն ուշագրավ քանդակներ է կերտում մատիտի միջուկով (լուսանկարներ) Սեր ու լավատեսություն. Գյումրու թատրոնում «Քեյս» ներկայացմամբ մեկնարկում է պրեմիերաների շարքը Սի՛րտ, ես գլուխս եմ խոնարհում քո դեմ... «Գովք հիմարության» Խաչի ու ցավի մասին Հայտնի թավջութակահար Միշա Մայսկին Երևանում կհնչեցնի Սեն-Սանսի, Բրուխի, Չայկովսկու, Բեթհովենի գործերը «Այլ փրկեա զմեզ ի չարէն» (Մատթ. 6:13) Արցախի ձեռագրական արվեստը՝ Մաշտոցյան Մատենադարանում Հայաստանի Մտավորականների ֆորումը ողջունում է ՀՀ զինված ուժերի գլխավոր շտաբի հայտարարությունը Ուրցաձոր Ալ. Սպենդիարյանի 150-ամյակի առիթով կոմպոզիտորի տուն-թանգարանը լուսանկարչական մրցույթ կկազմակերպի «Տետ-ա-տետ». Ֆիլհարմոնիկի երաժիշտները, Անուշ Նիկողոսյանը, «Երևան» քառյակն ու հանդիսատեսը մեկ բեմում «Եւ մի տանիր զմեզ ի փորձութիւն» (Մատթ. 6:13) «Ճիչը» կտավի վերին անկյունում գրությունն արված է հենց Մունկի կողմից Paramount-ի ֆիլմերը թվային հասանելիություն կունենան էկրան բարձրանալուց 30 օր անց (լուսանկարներ, տեսանյութեր) Մայր Աթոռ Սուրբ Էջմիածին հայտարարությունը Կ. Ստանիսլավսկու թատրոնը թատերաշրջանը կսկսի «Չ՛սեր» ներկայացմամբ Վան Գոգի՝ 6-9 մլն դոլար գնահատված կտավն առաջին անգամ կցուցադրվի հանրությանը, այնուհետև աճուրդի կհանվի (լուսանկարներ) Տարիների հետ․․․ Արագիլները Հեղինակ-կատարող Վիգեն Հովսեփյանը յուրովի է մեկնաբանել Կոմիտասի «Զուլոն» Կույրի բժշկությունը (Մարկ. 10:46-52, Մատթ. 20:29-34,Ղուկ. 18:35-43) Խոստովանության ուժը Մահացել է բանաստեղծ Լոուրենս Ֆեռլինգետտին «Միշտ գրում եմ այնպես, ինչպես կզրուցեմ ինքս ինձ հետ» Լռությունը Ջութակահար Ֆյոդոր Ռուդին և Պետական սիմֆոնիկ նվագախումբ. ծրագրում՝ Վիվալդի, Պիացոլա «Խոնարհում հերոսներին» Սուրբ Թեոդորոս զորավարի հիշատակության օր Պահքի արդիականությանը Հանրային ծառայության մեջ գտնվող անձին վիրավորելու կամ զրպարտելու քրեականացում առաջարկող նախագիծն այդ ձևով ընդունվել չի կարող Շուշիի բոլոր անվանումները՝ հայերեն, թե օտարալեզու, հայկական են «Զայրացկոտ մարդը կռիվ է հարուցում, բայց համբերատարը խաղաղեցնում է այն» (Առակ 15: 18)
website by Sargssyan