USD
EUR
RUB

Կոմիտասի թանգարան-ինստիտուտը «Հարսանեկան երգեր», «Կոմիտասը և իր ժառանգությունը» գրքերով շնորհավորեց Գրքի տոնը

 

ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Գիրք նվիրելու օրվա կապակցությամբ փետրվարի 19-ին Կոմիտասի թանգարան-ինստիտուտը ներկայացրեց «Հարսանեկան երգեր» (մաս Ա), «Կոմիտասը և իր ժառանգությունը» տարեգիրքը:

«Արմենպրես»-ի թղթակցի հետ զրույցում թանգարան-ինստիտուտի գիտական բաժնի ղեկավար Տաթևիկ Շախկուլյանն ընդգծեց, որ թանգարան-ինստիտուտը գրքեր է հրատարակում հիմնադրման օրից ի վեր: «Կարևոր շարք ենք համարում տարեգիրքը, որի «Կոմիտասը և իր ժառանգությունը» 5-րդ հատորը լույս տեսավ 2020-ին: Այն միջազգային է. հոդվածների հեղինակներն ինչպես Հայաստանից են, այնպես էլ արտասահմանյան տարբեր կազմակերպություններից, հեղինակավոր համալսարաններից»,-նշեց Շախկուլյանը:

Հատորում տեղ են գտել Կոմիտասի 150-ամյա հոբելյանի առթիվ Բեռլինի Հումբոլդտի և Հալլեի Մարտին Լյութեր համալսարաններում տեղի ունեցած միջազգային գիտաժողովում ներկայացված նյութեր: Գիրքը հասցեագրված է երաժշտագետներին, արվեստաբաններին, մշակութաբաններին, միջնադարագետներին, ֆոլկլորագետներին, հայ երաժշտությամբ հետաքրքրվողներին: Կոմպոզիտորական արվեստից բացի անդրադաձ է կատարվել նաև ժողովրդական և հոգևոր երաժշտությանը: Չեն սահմանափակվել միայն հայկականով և ներառել են այլ ազգերի հոգևոր, ժողովրդական գործերը:

Գիրքը լույս են ընծայել Գերմանիայի Դաշնային Հանրապետությունում ՀՀ դեսպանության՝ ի դեմս դեսպան Աշոտ Սմբատյանի աջակցությամբ:

Խոսելով «Հարսանեկան երգեր» գրքի մասին՝ Շախկուլյանը նշեց, որ ոչ թե գիտական, այլ կրթական խնդիր են իրենց առաջ դրել: Նա ընդգծեց, որ թանգարան-ինստիտուտը մշտապես կրթական ծրագրեր է իրականացնում: «Մեր ամենասիրված կրթական ծրագրերից մեկի շրջանակում մարդիկ արաշակի թեմայի շուրջ հանրամատչելի դասախոսություն են լսում և այդ թեմային առնչվող երգեր սովորում: Ծրագիրն իրականացնելիս պարզ դարձավ, որ հայերեն երգերի տառադարձումների և թարգմանությունների կարիք կա, քանի որ արտասահմանցիները նույնպես մասնակցում են ծրագրին: Նախաձեռնեցինք «Հազար ու մի երգ» հայկական ժողովրդական երգերի մատենաշարը, որի առաջին հատորը քնարական երգերին էր նվիրված, երկրորդը՝ պարերգերին, իսկ երրորդ հատորը, որը նաև երկրորդ մաս կունենա, հարսանեկան երգերին: Ընտրում ենք հիսուն երգ, որոնք գիտական տառադարձումներով ներկայացվում են գրքում: Կան նաև նոտաները, երգերի անգլերեն թարգմանությունները: Գիրքը կազմել և խմբագրել են Լիլիթ Հարությունյանն ու Աստղիկ Մարտիրոսյանը: Այն լույս է տեսել Երևանում Գյոթե կենտրոնի հետ համագործակցության արդյունքում»,-պատմեց Տաթևիկը:

Արվեստագիտության դոկտոր, պրոֆեսոր Մհեր Նավոյանը «Կոմիտասը և իր ժառանգությունը» տարեգրքի առանձնահատկությունն է համարում այն, որ գիրքը ծնվել է տարբեր հաստատությունների հետ համագործակցությամբ:

«Խորհրդանշական է, որ այն հրատարակվել է Կոմիտասի մայր բուհի հետ համագործակցությամբ: Շատ կարևոր համագործակցություն է դա. Հումբոլդտի համալսարանում Կոմիտասին նվիրված գիտաժողով կազմակերպեցինք, որին մասնակցեցին ոչ միայն հայեր, այլև գերմանացիներ, իտալացիներ և այլ ազգերի ներկայացուցիչներ: Այս ժողովածուն հասցեագրված չէ ընթերցողների լայն շրջանակին, բայց գիտական առումով սոսկ երաժշտագետների համար չէ: Այն հումանիտար հսկայկան ոլորտ է ներառում՝ և՛ բանահյուսություն, և՛ էթնոերաժշտագիտություն, և՛ ժողովրդագրություն, պատմություն և այլն: Պարբերականը բազմալեզու է՝ հայերեն, գերմաներեն, անգլերեն, ռուսերեն: Հիմք է և հույս է տալիս, որ հետագայում ևս կկարողանանք նման համագործակցությունը շարունակել եվրոպացի գործընկերների հետ»,-շեշտեց Նավոյանը:

«Հազար ու մի երգ» հայկական ժողովրդական երգերի մատենաշարի «Հարսանեկան երգեր» գիրքն էլ նոտագրություն է, որը, հույս ունեն, պետք է հնչի ազգի լայն շերտերում: «Եթե տեսնենք, թե մեր իրականությունում հարսանիքն ինչի է վերածվել, եթե այսօրվա հարսանիքը համեմատենք դեռևս 20-րդ դարի կեսի հարսանիքների հետ, կհասկանանք, թե ինչպիսի վիհեր են մեզ անջատում մեր ավանդույթներից: Այդ հսկա ծիսական համալիրի ողբերգական աղավաղումների ու դեֆորմացիաների հիմնական պատճառներից է երաժշտությունը: Մի աղոտ հույս ունենք, որ այս հրատարակությունները կարող են մարդկանց մոտ հետաքրքրություն առաջացնել այն երգային ու երաժշտական շերտերի հանդեպ, որոնք կային հարսանիքների ժամանակ: Հույս ունենք, որ համեմատելիս կտեսնեն, որ այսպես էլ կարելի է հարսանիք անել և ավելի շքեղ կլինի, որ երգերի միջոցով գուցե վերադառնան հարսանիքի խորհրդաբանությանը, ծիսական համակարգին, որի բազմաշետությունն ու գեղեցկությունն անմրցակից են»,-եզրափակեց Մհեր Նավոյանը:

Լրահոս
Մահացել է ճարտարապետ, նկարիչ Ֆրիդոն Ասլանյանը Կոնսերվատորիայի ուսանողները հանդես կգան Ֆրանսիայի ազգային տոնին նվիրված համերգով Ֆիլհարմոնիկ նվագախմբի կամերային համերգաշարի շրջանակում կհնչեն Ֆրանց Շուբերտի գործերը Վերականգնվում են «Անվերջության ժապավեն» և «Արձագանք» մոնումենտալ քանդակները Տաճարն Աստծու տունն է «Ճախրուկ» փառատոնը կատարումներով կզարդարեն Արտո Թունչբոյաջյանը և Armenian Navy Band խումբը Մահացել է հայտնի դուդուկահար Ջիվան Գասպարյանը Տիգրանակերտի դեպքում ադրբեջանցիները չգիտեն՝ մեզ ինչի մեջ մեղադրեն. Համլետ Պետրոսյան «Բայց դուք, եղբարք, մի ձանձրանաք բարիք գործելուց» Հայաստանի պետական կամերային երգչախումբը բարձր մակարդակով է ելույթ ունեցել Ռավեննայի փառատոնին «Բաբաջանյանը Երևանում»՝ հուլիսի 3-9-ը Աստծու գոյությունը, մաս 3-րդ «Ոսկե ծիրան» կինոփառատոնը 2021-ին կանցկացվի հոկտեմբերին «Ոսկե ծիրան» կինոփառատոնը 2021-ին կանցկացվի հոկտեմբերին ԳԱԿ-ը հայտարարում է «Գագիկ Հարությունյան. մոռացումի անսպասելի գեղեցկությունը» ցուցադրության բացման մասին Ջեյմի Լի Քյորտիսը Վենետիկի փառատոնի «Ոսկե առյուծ» մրցանակ կստանա կինեմատոգրաֆում ներդրած ավանդի համար Իտալիայում մեկնարկել են Հայաստանի պետական կամերային երգչախմբի փորձերը Կրքերի մասին Վահագն Դավթյան․ Քարե քնքշանք ԱԺ-ն ընդունեց կինեմատոգրաֆիայի ոլորտը կանոնակարգող նոր օրենքը Հայկական հանդերձի գունեղ ու զարմանալի ավանդույթները՝ «Դրվագներ ինքնության. Տարազ» ցուցահանդեսում Ռազմիկ Դավոյան. Իմ ձայնը անմարմին, անգլուխ... Միքայել Միրզոյանի անվան երաժշտական դպրոցն ամփոփիչ համերգ է տվել Նարեկ Հախնազարյանը Սիմֆոնիկ նվագախմբի հետ կներկայացնի իրեն նվիրված կոնցերտը Սպենդիարյանի 150-ամյակին լույս է տեսել «Ալմաստ» օպերային նվիրված Գեորգի Բուդաղյանի գիրքը Լիվերպուլի պատմական հատվածը կարող է զրկվի ՅՈՒՆԵՍԿՕ-ի Համաշխարհային ժառանգության կարգավիճակից Ռուսական արվեստի թանգարանում կբացվի «Որոնելով գեղեցիկը։ Միխայիլ Վռուբել» ցուցահանդեսը Որ մեր սրտերը չխռովվեն, որ չվախենանք․ կայունացման ուղին «Դարի գողությունը» բացահայտվել է. Հունաստանի ոստիկանությունը հայտնաբերել է 9 տարի առաջ գողացված Պիկասոյի և Մոնդրիանի կտավները Համազգային թատրոնը փոխեց չեխովյան փառատոնի իմիջը.«Փափլիկը» ներկայացումը արժանացել է բարձր գնահատականի «Երևանյան հեռանկարներ» փառատոնի առաջին համերգին ելույթ կունենա Իտալիայից ՀՀ ժամանած դաշնակահար Մայա Օհանյանը Աստծու սերը միտքը ուղղում է դեպի սիրտ Խաբվածները Համո Սահյան․ Կածանն ինձ տաներ... Գրիգոր Տատինցյանի «փախուստը» դեպի վառ իրականություն Գրատպության թանգարանի առաջին առցանց հավաքածուն հասանելի կլինի Google Arts & Culture հարթակում «Նովելի իշխան» Գրիգոր Զոհրապի ծննդյան 160-ամյակն է Շուշին 1902թ. օգոստոսին, Բ մաս Աղոթքը դառնում է սրտաբուխ, երբ միտքն իջնում է սիրտ Ցուցահանդես՝ «Դրվագներ ինքնության. Տարազ» խորագրով
website by Sargssyan