USD
EUR
RUB

Հայտնի թավջութակահար Միշա Մայսկին Երևանում կհնչեցնի Սեն-Սանսի, Բրուխի, Չայկովսկու, Բեթհովենի գործերը

 

ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Հանրաճանաչ թավջութակահար Միշա Մայսկին Հայաստանի ազգային ֆիլհարմոնիկ նվագախմբի հետ բացառիկ համերգով հանդես կգա Երևանում:

«Արմենպրես»-ի հաղորդմամբ՝ երեկոն տեղի կունենա փետրվարի 28-ին Արամ Խաչատրյան համերգասրահում: Համերգը կղեկավարի Ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը:

Ծրագրում կհնչի Չայկովսկու Նոկտյուրնը՝ գրված թավջութակի և նվագախմբի համար, Բրուխ՝ Kol Nidrei, Սեն-Սանսի Թիվ 1 թավջութակի կոնցերտը և Բեթհովենի թիվ 7 սիմֆոնիան:

Փետրվարի 26-ին լրագրողների հետ զրույցում Մայսկին ասաց, որ համավարակի պատճառով ամբողջ աշխարհում համերգները չեղարկվում են կամ հետաձգվում: Մայսկու խոսքով՝ այդ ամենի դրական կողմն այն է, որ հնարավորություն ունի երկար ժամանակ անցկացնել ընտանիքի հետ և հանդես գալ Հայաստանում, որտեղ չէր եղել 14 տարի:

«Ինչպես արվեստի յուրաքանչյուր ճյուղ, այնպես էլ երաժշտությունը մեծ դերակատարություն ունի մարդկանց կյանքում: Հավատում եմ, որ երաժշտությունն օգնում է ընդգծել անհատի լավագույն կողմերը: Եթե հնարավորինս շատ մարդ գնահատի այն, կոնֆլիկտներն ավելի քիչ կլինեն: Մենք հույս ունենք, որ հնարավորություն ենք տալիս այս փոքրիկ աշխարհն ավելի լավը դարձնել»,-նշեց երաժիշտը:

Թավջութակահարը համերգներից առաջ փորձում է կենտրոնանալ միայն երաժշտության վրա, սակայն կարևորում է նաև հանդիսատեսի գործոնը, որը ոգեշնչում է իրեն: «Նվագում եմ երաժշտասերների համար, հակառակ դեպքում կարող էի տանը նվագել: Նախընտրում եմ այն ձայնագրությունները, որոնք կատարվում են համերգի ժամանակ. ստուդիաներում արված ձայնագրությունը չի կարելի համեմատել կենդանի ելույթներից որևէ մեկի հետ»,-շեշտեց Մայսկին:

Միշա Մայսկին ութ տարեկանում է առաջին անգամ հանդիպել թավջութակին: Երազում էր ֆուտբոլիստ դառնալ: «Չորս զավակ ունեմ, երեք դուստր: Մինչ 13 տարեկանը, նրանք բոլորը ֆուտբոլիսներ էին: Վստահ եմ, որ իմ 11-ամյա որդին հետագայում հաջորդ Ռոնալդուն կամ Մեսին կդառնա: Մեծ որդուս համար ֆուտբոլը ժամանակին ասես կրոն լիներ, հետո նա ասաց, որ երաժշտությամբ է զբաղվելու: Նույնը ինձ հետ պատահեց: Լրջությամբ թավջութակին նվիրվեցի 14 տարեկանում»,-պատմեց Մայսկին:

Անդրադառնալով այն կարևոր խորհուրդներին, որոնք իրեն տվել են երաժիշտներ Ռոստրոպովիչն ու Պյատիգորսիկն, որոնք դասավանդել են Մայսկուն՝ թավջութակահարն ասաց, որ նրանք իրեն սովորեցրել են՝ յուրաքանչյուր գործիք, այդ թվում և թավջութակը, ընդամենը գործիք է, ամենակարևորը երաժշտությունն է: «Գործիքը և մեր կատարողական տեխնիկան անհրաժեշտ են վերջնական նպատակին՝ երաժշտությանը հասնելու համար: Հաճախ գնում ես համերգի, տեսնում ես, որ ամեն ինչ հրաշալի է. երաժիշտը փայլուն է նվագում, բայց ինչ-որ բան պակաս է: Պատճառն այն է, որ երաժշտությունն այդտեղ երկրորդական բնույթ է կրում, և այն օգտագործվում է, որպեսզի արտիստը ցույց տա, թե ինչ լավ է նվագում»,-շեշտեց Մայսկին և ևս մեկ անգամ ընդգծեց, որ երաժշտությունն առաջնային է:

«Կարող եմ ավելի կոկիկ նվագել, բայց այդ դեպքում այն, ինչն ինձ համար առավել կարևոր է, կարող է տուժել»,-ասաց արտիստը:

Նա հիշեց, որ 2015-ի ապրիլին Բրյուսելում Հայոց ցեղասպանության զոհերի հիշատակին նվիրված համերգին կատարել է Կոմիտասի «Չինար ես»-ը: «Ցեղասպանությունը ողբերգություն է: Ուրախ էի, որ համերգին հնարավորություն ունեցա հարցի վերաբերյալ իմ հույզերն արտահայտել երաժշտության միջոցով: Դա յուրահատուկ հարեգ էր թե՛ մթնոլորտի, թե՛ իրավիճակի առումով: Ես խոսում եմ երաժշտության լեզվով և հպարտ եմ, որ այդ իրադարձության մասնիկն էի»,-եզրափակեց հանրաճանաչ թավջութակահարը:

Միշա Մայսկին աշխարհի լավագույն թավջութակահարներից է: Նա միակ թավջութակահարն է, որն ուսանել է երկու մեծագույն վարպետների՝ Մ. Ռոստրոպովիչի և Գ. Պյատիգորսկու մոտ: Մ. Ռոստրոպովիչն այսպես է բնութագրել Մայսկուն. «… ամենահանճարեղ տաղանդներից է. նրա կատարման մեջ պոեզիան ու բացառիկ նրբագեղությունը միաձուլվում են հզոր տեմպերամենտի և փայլուն տեխնիկայի հետ»:

Միշա Մայսկին առաջին անգամ Երևան է եկել 2007 թվականին Երևանյան հեռանկարներ միջազգային երաժշտական փառատոնի հրավերով։

Մայսկին ծնվել է Ռիգայում, ավարտել Մոսկվայի կոնսերվատորիան, բազմաթիվ միջազգային մրցույթների մրցանակակիր է: Հանդիսանում է Deutsche Grammophon-ի բացառիկ արտիստ, վերջին 25 տարիների ընթացքում 30 ալբոմ է ձայնագրել այնպիսի նվագախմբերի հետ, ինչպիսիք են Վիեննայի, Բեռլինի ֆիլհարմոնիկ, Լոնդոնի սիմֆոնիկ, Իսրայելի ֆիլհարմոնիկ, Փարիզի, Նյու-Յորքի կամերային Orpheus և այլ նվագախմբերը: Նա առաջին երաժիշտն է, որը ձայնագրել է թավջութակի համար գրված Յ. Ս. Բախի բոլոր ստեղծագործությունները: Մայսկու ձայնագրությունները բարձր գնահատական են ստացել քննադատների կողմից և արժանացել հեղինակավոր մրցանակների՝ ճապոնական Record Academy Prize (5 անգամ), Echo Deutscher Schallplattenpreis (3 անգամ), Grand Prix du Disque и Diapason d’Or of the Year և բազմիցս հավակնել են «Գրեմմի»-ի:

Անժելա Համբարձումյան

Լրահոս
Թիֆլիսի Ներսիսյան դպրոց Հայտնի է դարձել, թե որ ֆիլմը կբացի Կաննի կինոփառատոնը Երևանում 10-րդ անգամ կնշվի Ջազի միջազգային օրը Կենդանի Աստծու եկեղեցին՝ որպես սյուն և հաստատություն ճշմարտության Հույսի շող՝ քովիդի ու պատերազմի մղձավանջում Հայոց ցեղասպանության 106-րդ տարելիցին Ռոստովում խորհրդանշական համերգ կկազմակերպվի Համերգ՝ նվիրված հայկական երգեհոնային դպրոցի հիմնադիր Վահագն Ստամբոլցյանի ծննդյան 90-ամյակին Արմենուհի Սիսյան Շուշին 1902թ. փետրվարին Լույս է տեսել Գրիգոր Նարեկացու «Մատյան Ողբերգության» պոեմի լիտվերեն թարգմանությունը «ՍԱ - ՆՐԱՆԻՑ - ՀԻՆ» ցուցահանդեսի հիմնական թեմաներն են Հաղպատի և Սանահինի վանքերը Աստծունը՝ Աստծուն (Մատթ. 22:15-22, Մարկ. 12:13-17, Ղուկ. 20:20-26) Հեղինակավոր World Press Photo մրցանակաբաշխության «Գլխավոր լուրեր» անվանակարգում լավագույնն է ճանաչվել Արցախյան պատերազմին նվիրված «Կորսված դրախտ» շարքը Մարտիրոս Սարյանը՝ հայկական հուշարձանների պաշտպան Մեծ Հայքի 12-րդ նահանգը՝ Ուտիք աշխարհի հոգեվոր ժառանգությունը «Կյանքում ամենադժվար բանը սեփական «ես»-ը չկորցնելով՝ մյուս մարդկանց հետ հարմոնիկ հարաբերություններ հաստատելն է Կայացել է Մհեր Մկրտչյանի «Իշխանություն» ֆիլմի պրեմիերան. այն ցուցադրվում է Երևանի բոլոր կինոթատրոններում (տեսանյութ) «Հաշտվեցե՛ք Աստծու հետ» ՀայաստանՀայաստանի հուշարձանների և տեսարժան վայրերի լուսապատկերային ցուցադրություն՝ Հանրապետության հրապարակումի հուշարձանների և տեսարժան վայրերի լուսապատկերային ցուցադրություն՝ Հանրապետության հրապարակում Սամվել Կոսյան․ Խաղադրույք Ավագ Եփրեմյան․ Երկիր և Ջրեր Րաֆֆի Մովսիսյանի «Ժամանումը» դեբյուտային ֆիլմն ընդգրկվել է Կրակովի ՄԿՓ-ի մրցութային ծրագրում Մոսկվայի «Նիկո» պատկերասրահում կհնչեն Մանսուրյանի, Լուչանո Բերիոյի, Կոմիտասի ստեղծագործությունները Ընթերցողներին նոր հրատարակությամբ կներկայացվի Ագաթանգեղոսի «Հայոց դարձի պատմությունը» Պատերազմի հետեւանքները բնավ ներդաշնակ չեն պայծառ ապագա կառուցելու մեր տեսլականի հետ. Արշակ եպիսկոպոս Խաչատրյան. «Երկրի հարցը» Տ. Միքայել արքեպիսկոպոս Աջապահյանի հարցազրույցը 24TV-ի եթերում (տեսանյութ) Աստվածային կարեկցանք Նկարիչ Լեմս Ներսիսյանը «Էրգիր Ավետյաց» ցուցադրությունը նվիրեց Հայոց ցեղասպանության 106-րդ տարելիցին «Տաղարան»-ը և «Ագապէ»-ն «Ստաբատ Մատերը» կներկայացնեն ի հիշատակ Հայոց ցեղասպանության զոհերի Նոր կերպար մարմնավորելու համար Բելուչին արմատապես փոխել է տեսքը (լուսանկարներ) Աստծու կամքը Արցախի ՄԻՊ-ն Ամարասի վանական համալիրից ուղերձ է հղել միջազգային կազմակերպություններին Առաջին անգամ Հայաստանում միահյուսված հնչել են Պյացոլայի և Վիվալդիի ստեղծագործությունները Հողոտ, մղեղոտ... Մոսկվայում կհնչեն Տիգրան Մանսուրյանի և այլ հայ կոմպոզիտորների գործեր «Մի՛ սպանիր» պատվիրանը եվ հին ուխտի սպանությունները Հայաստանի ֆիլհարմոնիկը «Դո-ից Սի» խորագրով վերսկսում է «Դպրոցականի ֆիլհարմոնիան» «Հայաստանի Հանրապետություն» օրաթերթ. Բոլոր ժամանակների մեր բանաստեղծը Դավանանք և վարդապետություն Վերջակետ
website by Sargssyan