USD
EUR
RUB

Սեր ու լավատեսություն. Գյումրու թատրոնում «Քեյս» ներկայացմամբ մեկնարկում է պրեմիերաների շարքը

 

ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: Գյումրու Վ, Աճեմյանի անվան պետական դրամատիկական թատրոնում ակտիվ շրջան է սկսվում: Մարտի 1-ից մանկակական ներկայացումներին գումարվում են նաև երեկոյան ներկայացումները:

«Արմենպրես»-ի մամուլի սրահում հրավիրված ասուլիսում Գյումրու Վ. Աճեմյանի անվան պետական դրամատիկական թատրոնի տնօրեն Լյուդվիգ Հարությունյանը նշեց, որ առայժմ նախատեսում են խաղալ 18 ներկայացում: Ցանկը ներառում է արդեն հանդիսատեսի կողմից սիրված ներկայացումներ, սպասվում են նաև պրեմիերաներ:

«Սկսում ենք մեր առաջնախաղերը: Մարտի 7-ին թատրոնը կունենա նոր պիեսի առաջնախաղ: Խոսքը երիտասարդ դրամատուրգ Բաբկեն Զաքարյանի «Քեյս» ներկայացման մասին է, որի բեմադրիչը ես եմ: Պիեսը նոր է գրվել, հատուկ թատրոնի համար: Մեզ համար սկզբունքորեն կարևոր է, որ 2021 թվականին թատրոնն ավելի շատ խոսի դրականի, լավատեսության մասին: Եվ հենց մեր այս նոր գործը սիրո մասին է, հավատարմության, կյանքի հնարավորությունների, արժեքների գնահատման»,- ասաց Լյուդվիգ Հարությունյանը: Այս ներկայացման մեջ հիմնականում զբաղված են երիտասարդները: Լյուդվիգ Հարությունյանը վստահեցնում է, որ յուրաքանչյուր հանդիսատես իր կյանքի պատմությունից մի փոքրիկ մասնիկ կտեսնի: Ներկայացումը դիտելուց հետո շատերը կվերլուծեն ու կգնահատեն այն արժեքները, ինչ ունեն, կփորձեն նորը գտնել, բայց երբեք հինն արմատախիլ չանելով: Հանդիսատեսի արձագանքը շատ չուշացավ. մարտի 7-ին սպասվող առաջնախաղի տոմսերը գրեթե սպառված են:

Թատրոնում, ներկայացումներին զուգահեռ, նոր բեմադրական աշխատանքներ են ընթանում: Թատրոնի «Մհեր Մկրտչյան» բեմում աշխատանք է սկսվել, որի արդյունքում կրկին կլինի առաջնախաղ: Պիեսը կոչվում է «Քայլեր», որը բեմադրում է թատրոնի ռեժիսոր Ասպրամ Բաղդասարյանը: «Մհեր Մկրտչյան» երիտասարդական բեմում ծնվել են ներկայացումներ, որոնք շատ լավ ընթացք են ունեցել, մասնավորապես, «Անասնաֆերման», «Երկնագույն շան աչքերը» և այլն:

«Համավարակի ընթացքում մենք մի շատ կարևոր բան հասկացանք: Ստեղծագործող մարդը չի կարող երկար տանը մնալ: Իհարկե, այդ օրերին անսովոր էր դիմակով փորձեր անելը, սոցիալական հեռավորություն պահելը, բայց մենք կարողացել ենք նոր ներկայացումներ ստեղծել, խաղացինք նաև բացօթյա ներկայացումներ: Ամեն հնարավոր բան արեց աշխատակազմը, որ թատրոնը պարապուրդի չմատնվի, սակայն միանշանակ կարող եմ ասել՝ դերասանն ուզում է, որ հանդիսատեսը լինի դահլիճում»,- ասաց թատրոնի տնօրենը:

Լյուդվիգ Հարությունյանի խոսքով՝ շատ ոգևորում է այն, որ հանդիսատեսն այսօր ևս ձգտում է գալ թատրոն: Ու դա ոչ միայն Գյումրիում է նկատվում, այլև մյուս քաղաքներում: Դահլիճները լեփ-լեցուն են, ինչը, ըստ թատրոնի տնօրենի, պարտավորեցնում է, որպեսզի ավելի ակտիվ աշխատեն ու նորություններ ներկայացնեն: Լյուդվիգ Հարությունյանն ընդգծեց՝ թատրոնը ոչ միայն պետք է կրթի, այլև լավատեսություն հաղորդի հանդիսատեսին, փորձի ապրեցնել:

«Ինձ համար չի կարող ամեն ինչ միանշանակ «սև» լինել: Եթե այդպես է, ուրեմն մենք անելիք ու ասելիք չունենք: Դրա համար ես փորձում եմ ամեն ինչի մեջ լավ բան տեսնել: Ես չեմ կարող լավը չտեսնել այն դեպքում, երբ մանկական ներկայացումներին դահլիճում տեսնում եմ փոքրիկներին: Մենք մեր երխաների համար պետք է շարունակենք ապրել, և նրանց աչքերի արևը պետք է չկոտրել: Ես հավատում եմ, որ լավ է լինելու»,- ասաց թատրոնի տնօրենը:

Բուռն ստեղծագործական կյանքը շարունակվելու է տարվա ընթացքում, նաև սպասվում են հրավիրյալ բեմադրիչների ներկայացումներ: Լյուդվիգ Հարությունյանը նշեց, որ ներկայացումներով, հյուրախաղերով կլինեն սահմանամերձ շրջաններում:

Լրահոս
Թիֆլիսի Ներսիսյան դպրոց Հայտնի է դարձել, թե որ ֆիլմը կբացի Կաննի կինոփառատոնը Երևանում 10-րդ անգամ կնշվի Ջազի միջազգային օրը Կենդանի Աստծու եկեղեցին՝ որպես սյուն և հաստատություն ճշմարտության Հույսի շող՝ քովիդի ու պատերազմի մղձավանջում Հայոց ցեղասպանության 106-րդ տարելիցին Ռոստովում խորհրդանշական համերգ կկազմակերպվի Համերգ՝ նվիրված հայկական երգեհոնային դպրոցի հիմնադիր Վահագն Ստամբոլցյանի ծննդյան 90-ամյակին Արմենուհի Սիսյան Շուշին 1902թ. փետրվարին Լույս է տեսել Գրիգոր Նարեկացու «Մատյան Ողբերգության» պոեմի լիտվերեն թարգմանությունը «ՍԱ - ՆՐԱՆԻՑ - ՀԻՆ» ցուցահանդեսի հիմնական թեմաներն են Հաղպատի և Սանահինի վանքերը Աստծունը՝ Աստծուն (Մատթ. 22:15-22, Մարկ. 12:13-17, Ղուկ. 20:20-26) Հեղինակավոր World Press Photo մրցանակաբաշխության «Գլխավոր լուրեր» անվանակարգում լավագույնն է ճանաչվել Արցախյան պատերազմին նվիրված «Կորսված դրախտ» շարքը Մարտիրոս Սարյանը՝ հայկական հուշարձանների պաշտպան Մեծ Հայքի 12-րդ նահանգը՝ Ուտիք աշխարհի հոգեվոր ժառանգությունը «Կյանքում ամենադժվար բանը սեփական «ես»-ը չկորցնելով՝ մյուս մարդկանց հետ հարմոնիկ հարաբերություններ հաստատելն է Կայացել է Մհեր Մկրտչյանի «Իշխանություն» ֆիլմի պրեմիերան. այն ցուցադրվում է Երևանի բոլոր կինոթատրոններում (տեսանյութ) «Հաշտվեցե՛ք Աստծու հետ» ՀայաստանՀայաստանի հուշարձանների և տեսարժան վայրերի լուսապատկերային ցուցադրություն՝ Հանրապետության հրապարակումի հուշարձանների և տեսարժան վայրերի լուսապատկերային ցուցադրություն՝ Հանրապետության հրապարակում Սամվել Կոսյան․ Խաղադրույք Ավագ Եփրեմյան․ Երկիր և Ջրեր Րաֆֆի Մովսիսյանի «Ժամանումը» դեբյուտային ֆիլմն ընդգրկվել է Կրակովի ՄԿՓ-ի մրցութային ծրագրում Մոսկվայի «Նիկո» պատկերասրահում կհնչեն Մանսուրյանի, Լուչանո Բերիոյի, Կոմիտասի ստեղծագործությունները Ընթերցողներին նոր հրատարակությամբ կներկայացվի Ագաթանգեղոսի «Հայոց դարձի պատմությունը» Պատերազմի հետեւանքները բնավ ներդաշնակ չեն պայծառ ապագա կառուցելու մեր տեսլականի հետ. Արշակ եպիսկոպոս Խաչատրյան. «Երկրի հարցը» Տ. Միքայել արքեպիսկոպոս Աջապահյանի հարցազրույցը 24TV-ի եթերում (տեսանյութ) Աստվածային կարեկցանք Նկարիչ Լեմս Ներսիսյանը «Էրգիր Ավետյաց» ցուցադրությունը նվիրեց Հայոց ցեղասպանության 106-րդ տարելիցին «Տաղարան»-ը և «Ագապէ»-ն «Ստաբատ Մատերը» կներկայացնեն ի հիշատակ Հայոց ցեղասպանության զոհերի Նոր կերպար մարմնավորելու համար Բելուչին արմատապես փոխել է տեսքը (լուսանկարներ) Աստծու կամքը Արցախի ՄԻՊ-ն Ամարասի վանական համալիրից ուղերձ է հղել միջազգային կազմակերպություններին Առաջին անգամ Հայաստանում միահյուսված հնչել են Պյացոլայի և Վիվալդիի ստեղծագործությունները Հողոտ, մղեղոտ... Մոսկվայում կհնչեն Տիգրան Մանսուրյանի և այլ հայ կոմպոզիտորների գործեր «Մի՛ սպանիր» պատվիրանը եվ հին ուխտի սպանությունները Հայաստանի ֆիլհարմոնիկը «Դո-ից Սի» խորագրով վերսկսում է «Դպրոցականի ֆիլհարմոնիան» «Հայաստանի Հանրապետություն» օրաթերթ. Բոլոր ժամանակների մեր բանաստեղծը Դավանանք և վարդապետություն Վերջակետ
website by Sargssyan