USD
EUR
RUB

«Պետք է միշտ բարձր ճաշակ մատուցել»

 

Ալլա Սահակյանը` ստեղծագործական կյանքի ու Միշել Լեգրանին նվիրված համերգի մասին

«Հիմա բուռն ստեղծագործական շրջան է, որը պայմանավորված է դահլիճների բացվելով։ Ներկա պահին դժվար է ասել, թե այս շրջանը որքան կտեւի, հետեւաբար ժամանակը փորձում ենք ճիշտ օգտագործել։ Վերադարձել ենք հին ռիթմին եւ հուսանք, որ այս վիճակը տեւական կլինի, հանդես կգանք շատ համերգներով եւ ներկայացումներով»,- «Առավոտի» հետ զրույցում ասում է դերասանուհի, երգչուհի Ալլա Սահակյանը։

Այն հարցին` արդյո՞ք դժվար չէ թատրոնն ու երաժշտությունը համատեղել, մեր զրուցակիցը պատասխանում է, որ դրանք համատեղելի են. «Բեմում հիմնական գործը ձայնի հետ է կապված, քանի որ տարբեր կերպ ենք այն օգտագործում, իսկ համերգի ժամանակ նախընտրելի է, որ այն հանգստացած լինի, այսպես ասած՝ լավ «մարզավիճակում»։ Ներկայացումների մասով ասեմ, որ Համազգային թատրոնում կարող եք դիտել` «Փափլիկը», «Լոռեցի Սաքոն», «Ճշմարտություն» եւ այլ ներկայացումներ, կան նաեւ նորերը, օրինակ` «Ճախրող լամպը»։

Ներկայացումների պակաս չկա եւ զբաղվածությունը թատրոնում եւս շատ է: Առաջիկայում մեծ եւ շատ հետաքրքիր համերգով ենք հանդես գալու` նվիրված Միշել Լեգրանին։ Համերգը տեղի է ունենալու ապրիլի 10-ին, Արամ Խաչատրյան համերգասրահում։ Ծրագրում կհնչեն Գարի Քյոսայանի հեղինակային ստեղծագործությունները, համաշխարհային ջազային հիթեր, ինչպես նաեւ Միշել Լեգրանի ստեղծագործությունները։ Անցյալ տարվա հետաձգված համերգի տոմսերը ուժի մեջ են եւ դրանցով հանդիսատեսը կարող է ներկա գտնվել այս համերգին»,-հայտնեց Ալլա Սահակյանը։

 

«Ունկնդիներին կպատմվեն հետաքրքիր պատմություններ Միշել Լեգրանի կյանքից, կխոսվի նրա հաջողության ուղու մասին։ Համերգը նախատեսված է 5-ից մինչեւ 100 տարեկան անձանց համար, այսինքն` տարիքային սահմանափակում չկա, որովհետեւ նրա ստեղծագործությունները, ինչպես նաեւ Քյոսայանինը հատուկ ընտրված են: Կարծում եմ՝ համերգը մեծ բավականություն կպատճառի հանդիսատեսին»,-հավելեց մեր զրուցակիցը:

Նրա խոսքով՝ մարդկանց գեղեցիկ, լուսավոր, պայծառ երաժշտություն է հարկավոր, ինչը հնարավոր է լսել այս համերգին. «Մեր մեծ արվեստագետներին պետք է շատ լսել եւ երիտասարդությանը լսելի դարձնել։ Բոլորը պետք է ճանաչեն նրանց ստեղծագործությունները, որոնք իրենց տեղն ունեն համաշխարհային ձայնադարանում։ Պետք է միշտ բարձր ճաշակ մատուցել։ Խորհուրդ եմ տալիս բոլորին գալ այս համերգին»։

Համերգի գաղափարի մասին խոսելիս մեր զրուցակիցը հայնեց, որ այն հղացել էին դեռ 2 տարի առաջ. «Ավելի շատ հետաքրքրվելով Միշել Լեգրանի ստեղծագործություններով եւ հաշվի առնելով այն, որ Գարին բավականին լավ է կատարում դրանք` որոշեցինք համերգ կազմակերպել։ Սկզբում առաջարկ կար համերգն իրականացնել Լեգրանի ծննդյան օրը` փետրվարի 24-ին, սակայն տարբեր պատճառներով համերգը հետաձգվեց ու տեղափոխեցինք ապրիլի 10-ին։ Անցյալ տարի եւս քովիդի պատճառով համերգը հետաձգեցինք, Ամերիկայից հյուր պետք է ունենայինք, այժմ ծրագրում մի փոքր փոփոխություն է կատարվել»։

Նատալի ՄԿՐՏՉՅԱՆ

Աղբյուր՝ Aravot.am

Լրահոս
Թիֆլիսի Ներսիսյան դպրոց Հայտնի է դարձել, թե որ ֆիլմը կբացի Կաննի կինոփառատոնը Երևանում 10-րդ անգամ կնշվի Ջազի միջազգային օրը Կենդանի Աստծու եկեղեցին՝ որպես սյուն և հաստատություն ճշմարտության Հույսի շող՝ քովիդի ու պատերազմի մղձավանջում Հայոց ցեղասպանության 106-րդ տարելիցին Ռոստովում խորհրդանշական համերգ կկազմակերպվի Համերգ՝ նվիրված հայկական երգեհոնային դպրոցի հիմնադիր Վահագն Ստամբոլցյանի ծննդյան 90-ամյակին Արմենուհի Սիսյան Շուշին 1902թ. փետրվարին Լույս է տեսել Գրիգոր Նարեկացու «Մատյան Ողբերգության» պոեմի լիտվերեն թարգմանությունը «ՍԱ - ՆՐԱՆԻՑ - ՀԻՆ» ցուցահանդեսի հիմնական թեմաներն են Հաղպատի և Սանահինի վանքերը Աստծունը՝ Աստծուն (Մատթ. 22:15-22, Մարկ. 12:13-17, Ղուկ. 20:20-26) Հեղինակավոր World Press Photo մրցանակաբաշխության «Գլխավոր լուրեր» անվանակարգում լավագույնն է ճանաչվել Արցախյան պատերազմին նվիրված «Կորսված դրախտ» շարքը Մարտիրոս Սարյանը՝ հայկական հուշարձանների պաշտպան Մեծ Հայքի 12-րդ նահանգը՝ Ուտիք աշխարհի հոգեվոր ժառանգությունը «Կյանքում ամենադժվար բանը սեփական «ես»-ը չկորցնելով՝ մյուս մարդկանց հետ հարմոնիկ հարաբերություններ հաստատելն է Կայացել է Մհեր Մկրտչյանի «Իշխանություն» ֆիլմի պրեմիերան. այն ցուցադրվում է Երևանի բոլոր կինոթատրոններում (տեսանյութ) «Հաշտվեցե՛ք Աստծու հետ» ՀայաստանՀայաստանի հուշարձանների և տեսարժան վայրերի լուսապատկերային ցուցադրություն՝ Հանրապետության հրապարակումի հուշարձանների և տեսարժան վայրերի լուսապատկերային ցուցադրություն՝ Հանրապետության հրապարակում Սամվել Կոսյան․ Խաղադրույք Ավագ Եփրեմյան․ Երկիր և Ջրեր Րաֆֆի Մովսիսյանի «Ժամանումը» դեբյուտային ֆիլմն ընդգրկվել է Կրակովի ՄԿՓ-ի մրցութային ծրագրում Մոսկվայի «Նիկո» պատկերասրահում կհնչեն Մանսուրյանի, Լուչանո Բերիոյի, Կոմիտասի ստեղծագործությունները Ընթերցողներին նոր հրատարակությամբ կներկայացվի Ագաթանգեղոսի «Հայոց դարձի պատմությունը» Պատերազմի հետեւանքները բնավ ներդաշնակ չեն պայծառ ապագա կառուցելու մեր տեսլականի հետ. Արշակ եպիսկոպոս Խաչատրյան. «Երկրի հարցը» Տ. Միքայել արքեպիսկոպոս Աջապահյանի հարցազրույցը 24TV-ի եթերում (տեսանյութ) Աստվածային կարեկցանք Նկարիչ Լեմս Ներսիսյանը «Էրգիր Ավետյաց» ցուցադրությունը նվիրեց Հայոց ցեղասպանության 106-րդ տարելիցին «Տաղարան»-ը և «Ագապէ»-ն «Ստաբատ Մատերը» կներկայացնեն ի հիշատակ Հայոց ցեղասպանության զոհերի Նոր կերպար մարմնավորելու համար Բելուչին արմատապես փոխել է տեսքը (լուսանկարներ) Աստծու կամքը Արցախի ՄԻՊ-ն Ամարասի վանական համալիրից ուղերձ է հղել միջազգային կազմակերպություններին Առաջին անգամ Հայաստանում միահյուսված հնչել են Պյացոլայի և Վիվալդիի ստեղծագործությունները Հողոտ, մղեղոտ... Մոսկվայում կհնչեն Տիգրան Մանսուրյանի և այլ հայ կոմպոզիտորների գործեր «Մի՛ սպանիր» պատվիրանը եվ հին ուխտի սպանությունները Հայաստանի ֆիլհարմոնիկը «Դո-ից Սի» խորագրով վերսկսում է «Դպրոցականի ֆիլհարմոնիան» «Հայաստանի Հանրապետություն» օրաթերթ. Բոլոր ժամանակների մեր բանաստեղծը Դավանանք և վարդապետություն Վերջակետ
website by Sargssyan