USD
EUR
RUB

«Հուշարձաններն ավերելու իրավունքը Հայաստանն է տվել Ադրբեջանին` իր անգործությամբ». Արգամ Այվազյան

 

«Խորհրդային իշխանության փլուզումից հետո, վերջին 30 տարվա ընթացքում Հայաստանում պետականորեն անուշադրության է մատնված մշակույթի, հայագիտության ոլորտն առհասարակ… Եթե անդրադառնանք նյութական մշակութային ժառանգությանը՝ Հայաստանի եւ պատմական Հայաստանի տարածքում 1990-ականներից առայսօր գրեթե ոչինչ չի արվել, չի էլ ծրագրվել պահպանության առումով»,-«Տեսակետ» ակումբում ասաց հայագետ, նախիջեւանագետ Արգամ Այվազյանը:

Նա անդրադարձավ Նախիջեւանի հայկական մշակութային ժառանգությանը, որը նրա խոսքով, պետականորեն հիմնահատակ ավերվել է Ադրբեջանի կողմից: Հայագետը փաստում է, որ հուշաձանների թիվը 26000-27000-ի էր հասնում: «Այն ժամանակվա ղեկավարությունն՝ ի դեմս Ռոբերտ Քոչարյանի, Ադրբեջանի հետ բանակցություններում մեկ անգամ չբարձրաձայնեց այդ մասին, բերանը չբացեց»,-շեշտեց նախիջեւանագետը: Հավելեց, որ ընդամենը մի քանի անգամ հայկական կողմը դիմում-բողոքներ է ուղարկել ԵՄ-ին, ՅՈՒՆԵՍԿՕ-ին, միջազգային այլ կառույցների եւ դրանց հետեւից «չի էլ գնացել»:

«Այսպիսի պետական քաղաքականություն ունեցող երկրի պարագայում, ինչպիսին Հայաստանն է, այսօրվա պատերազմից հետո էլ Ադրբեջանի հսկողության տակ անցած տարածքների հուշարձանները բացեիբաց ավերում են Ադրբեջանի կողմից: Եվ հայկական հուշարձաններն ավերելու իրավունքը Ադրբեջանին տվել է Հայաստանն իր անգործությամբ: Ադրբեջանն էլ որպես նախադեպ ունի Նախիջեւանի հայկական հուշարձանների սպանդը»,- ասաց Արգամ Այվազյանը:

Պատմաբան Էդիկ Մինասյանն ասաց, որ համամիտ է Արգամ Այվազյանի հետ այն առումով, որ Հայաստանի քաղաքականության եւ ադրբեջանաթուրքական անպատժելիության հետեւանքներն ենք այսօր վայելում: Նրա համոզմամբ, մշակույթի նախարարության վերացումը եւս բացասական հետեւանքներ է ունենում երկրի մշակութային քաղաքականության վրա: «Մենք մռայլ ժամանակաշրջան ապրեցինք, որովհետեւ մշակութային շատ կոթողներ անուշադրության մատնվեցին»,-նշեց պատմաբանը:

«Խորհրդային միության տարիներին գյուղ չկար, որտեղ Հայրենական պատերազմին նվիրված հուշարձան չլիներ: Այսօր անուշադրության մատնված վիճակ է: Շատ հուշարձաններ, այդ թվում` Հայոց ցեղասպանության հուշարձան-կոթողները շատ վայրերում ավերված են ու այդպես թողնված…

Չմոռանանք նաեւ, որ Արեւմտյան Հայաստանի հուշարձանների ոչնչացման պետական քաղաքականություն Թուրքիան էլ է ակտիվ ձեւով իրականացրել: 100 տարի անընդմեջ այդ շրջանը պտտվում է: Այսօր լավ գիտենք նաեւ, որ Աղթամարի Սուրբ Խաչ եկեղեցին իբր թանգարանի են վերածել թուրքերը, բայց չեն էլ թողում այնտեղ որեւէ միջոցառում անցկացնել»,-ընդգծեց Էդիկ Մինասյանը:

«ՅՈՒՆԵՍԿՕ-ի տվյալներով՝ 1916-17 թթ 1950 հուշարձան Արեւմտյան Հայաստանի տարածքում դեռեւս կար, բայց 1946-48 թթ մնացել էր 120-ը, իսկ 1960-ական թվականներին ամբողջովին ոչնչացվեցին այդ հուշարձանները: Նույն պատկերն է նաեւ Ադրբեջանում: Ավերել են Նախիջեւանի հայկական հուշարձանները, Շուշիի Կանաչ ժամ եկեղեցին այլեւս գոյություն չունի, ջարդել, ավերել են…Առաջինը մենք պետք է ձայն բարձրացնենք, հետո պահանջենք միջազգային հանրությունից: Բնական է, դա վանդալիզմի արտահայտություն է` բնորոշ Ադրբեջանին եւ ընդհանրապես թուրքական քաղաքականությանը, որը շարունակվում է: Օրինակ՝ Տիգրանակերտում եւ մյուս վայրերում, որոնք անցել են Ադրբեջանի վերահսկողության ներքո, գրեթե իսպառ վերացվում են հուշարձանները…Փառք Աստծո, որ գոնե Դադիվանքը մնացել է ռուս խաղաղապահների շնորհիվ»,-հավելեց Մինասյանը:

Գոհար ՀԱԿՈԲՅԱՆ

Աղբյուր՝ Aravot.am

Լրահոս
Թիֆլիսի Ներսիսյան դպրոց Հայտնի է դարձել, թե որ ֆիլմը կբացի Կաննի կինոփառատոնը Երևանում 10-րդ անգամ կնշվի Ջազի միջազգային օրը Կենդանի Աստծու եկեղեցին՝ որպես սյուն և հաստատություն ճշմարտության Հույսի շող՝ քովիդի ու պատերազմի մղձավանջում Հայոց ցեղասպանության 106-րդ տարելիցին Ռոստովում խորհրդանշական համերգ կկազմակերպվի Համերգ՝ նվիրված հայկական երգեհոնային դպրոցի հիմնադիր Վահագն Ստամբոլցյանի ծննդյան 90-ամյակին Արմենուհի Սիսյան Շուշին 1902թ. փետրվարին Լույս է տեսել Գրիգոր Նարեկացու «Մատյան Ողբերգության» պոեմի լիտվերեն թարգմանությունը «ՍԱ - ՆՐԱՆԻՑ - ՀԻՆ» ցուցահանդեսի հիմնական թեմաներն են Հաղպատի և Սանահինի վանքերը Աստծունը՝ Աստծուն (Մատթ. 22:15-22, Մարկ. 12:13-17, Ղուկ. 20:20-26) Հեղինակավոր World Press Photo մրցանակաբաշխության «Գլխավոր լուրեր» անվանակարգում լավագույնն է ճանաչվել Արցախյան պատերազմին նվիրված «Կորսված դրախտ» շարքը Մարտիրոս Սարյանը՝ հայկական հուշարձանների պաշտպան Մեծ Հայքի 12-րդ նահանգը՝ Ուտիք աշխարհի հոգեվոր ժառանգությունը «Կյանքում ամենադժվար բանը սեփական «ես»-ը չկորցնելով՝ մյուս մարդկանց հետ հարմոնիկ հարաբերություններ հաստատելն է Կայացել է Մհեր Մկրտչյանի «Իշխանություն» ֆիլմի պրեմիերան. այն ցուցադրվում է Երևանի բոլոր կինոթատրոններում (տեսանյութ) «Հաշտվեցե՛ք Աստծու հետ» ՀայաստանՀայաստանի հուշարձանների և տեսարժան վայրերի լուսապատկերային ցուցադրություն՝ Հանրապետության հրապարակումի հուշարձանների և տեսարժան վայրերի լուսապատկերային ցուցադրություն՝ Հանրապետության հրապարակում Սամվել Կոսյան․ Խաղադրույք Ավագ Եփրեմյան․ Երկիր և Ջրեր Րաֆֆի Մովսիսյանի «Ժամանումը» դեբյուտային ֆիլմն ընդգրկվել է Կրակովի ՄԿՓ-ի մրցութային ծրագրում Մոսկվայի «Նիկո» պատկերասրահում կհնչեն Մանսուրյանի, Լուչանո Բերիոյի, Կոմիտասի ստեղծագործությունները Ընթերցողներին նոր հրատարակությամբ կներկայացվի Ագաթանգեղոսի «Հայոց դարձի պատմությունը» Պատերազմի հետեւանքները բնավ ներդաշնակ չեն պայծառ ապագա կառուցելու մեր տեսլականի հետ. Արշակ եպիսկոպոս Խաչատրյան. «Երկրի հարցը» Տ. Միքայել արքեպիսկոպոս Աջապահյանի հարցազրույցը 24TV-ի եթերում (տեսանյութ) Աստվածային կարեկցանք Նկարիչ Լեմս Ներսիսյանը «Էրգիր Ավետյաց» ցուցադրությունը նվիրեց Հայոց ցեղասպանության 106-րդ տարելիցին «Տաղարան»-ը և «Ագապէ»-ն «Ստաբատ Մատերը» կներկայացնեն ի հիշատակ Հայոց ցեղասպանության զոհերի Նոր կերպար մարմնավորելու համար Բելուչին արմատապես փոխել է տեսքը (լուսանկարներ) Աստծու կամքը Արցախի ՄԻՊ-ն Ամարասի վանական համալիրից ուղերձ է հղել միջազգային կազմակերպություններին Առաջին անգամ Հայաստանում միահյուսված հնչել են Պյացոլայի և Վիվալդիի ստեղծագործությունները Հողոտ, մղեղոտ... Մոսկվայում կհնչեն Տիգրան Մանսուրյանի և այլ հայ կոմպոզիտորների գործեր «Մի՛ սպանիր» պատվիրանը եվ հին ուխտի սպանությունները Հայաստանի ֆիլհարմոնիկը «Դո-ից Սի» խորագրով վերսկսում է «Դպրոցականի ֆիլհարմոնիան» «Հայաստանի Հանրապետություն» օրաթերթ. Բոլոր ժամանակների մեր բանաստեղծը Դավանանք և վարդապետություն Վերջակետ
website by Sargssyan