USD
EUR
RUB

Առաջին անգամ Հայաստանում միահյուսված հնչել են Պյացոլայի և Վիվալդիի ստեղծագործությունները

 

ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: «Պրիմավերա» խորագրով համերգին առաջին անգամ Հայաստանում հնչել են Վիվալդիի հանրահայտ «Տարվա եղանակները» և Պյացոլայի «Բուենոս Այրեսի չորս եղանակները» ստեղծագործությունները՝ յուրահատուկ, միահյուսված կերպով:

«Արմենպրես»-ի հաղորդմամբ՝ Արամ Խաչատրյան համերգասրահում կայացած երեկոյին մասնակցել է PhilSoloists անսամբլը, որը կազմված է Հայաստանի ազգային ֆիլհարմոնիկ նվագախմբի մենակատարներից: Սա անսամբլի անդրանիկ ելույթն էր:

Համերգի մենակատար, հայտնի ջութակահար Խաչատուր Ալմազյանը մեծ պատասխանատվությամբ է մոտեցել համերգին: «Միշտ մեծ հուզմունք եմ ապրում հայաստանյան ելույթներից առաջ, քանի որ հայ ունկնդիրը շատ խստապահանջ է: Ուրախ եմ, որ համերգը մեծ հաջողություն ունեցավ և ոգևորությամբ ընդունվեց հանդիսատեսի կողմից»,- նշում է երաժիշտը:

Ալմազյանի խոսքով՝ մեծ հաճույքով է համագործակցել Ֆիլհարմոնիկի PhilSoloists անսամբլի հետ, քանի որ նրանք իրենց գործի վարպետներ են, տաղանդավոր երաժիշտներ, և նրանց հետ նվագելը պատվաբեր է յուրաքանչյուր պրոֆեսիոնալի համար: Ուրախ էր նաև որպես պրոդյուսեր ֆինանսապես աջակցել նորաստեղծ անսամբլին, քանի որ համերգը եկամտաբեր էր ֆինանսական ծախսի բացակայության պարագայում. «Ես խնդրում և հորդորում եմ ունկնդիրներին հարգել մեր երաժիշտների աշխատանքը և հրավիրատոմս խնդրելու փոխարեն տոմսեր գնել: Դուք այդպիսով ձեր փոքր, բայց կարևոր աջակցությունը կցուցաբերեք Հայաստանում պրոֆեսիոնալ կատարողական արվեստի պահպանմանն ու զարգացմանը: Ֆիլհարմոնիկի երաժիշտները միջազգային բարձր մակարդակի կատարում են ապահովում և արժանի են դրան»,-շեշտում է նա:

Ջութակահար և պրոդյուսեր Խաչատուր Ալմազյանը մեծ ճանաչում ունեցող Almazian Symphony-ի («Ալմազյան Սիմֆոնի»՝ հիմնադրված 2007թ.) գեղարվեստական ղեկավարն է և մենակատարը: Ալմազյանն ամերիկյան Sonoris ֆիրմայում թողարկել է երկու ալբոմ:

Ալմազյանն իր անսամբլի հետ համագործակցել է Sony Music Entertainment-ի, ֆրանսիական ազգային TV Network-ի, կինոռեժիսոր Էմիր Կուստուրիցայի, բալետի մենապարող աստղ Սերգեյ Պոլունինի հետ: Ելույթներ է ունեցել Փարիզի ՅՈՒՆԵՍԿՕ-ի սրահում, Մոսկվայի Բարվիխա համերգասրահում, Բրյուսելի կինոփառատոնի բացման և փակման արարողություններին, Rhythm of Europe, Skopje Summer, Sea Dance և Ohrid Summer Festival-ներին, Exit Festival-ում (2008, 2015, 2018), որը պաշտոնապես հայտարարվել է «Եվրոպայի լավագույն երաժշտական փառատոն», Դուբայ, Հոնգ Կոնգ, Աթենք, Ամստերդամ, Երևան, Անտվերպեն, Բելգրադ և այլ քաղաքներում:

Almazian Symphony-ն ձայնագրել է Էմիր Կուստուրիցայի վերջերս նկարահանած «On The Milky Road» լայնաֆորմատ ֆիլմի երաժշտությունը, որը գրել է Ստրիբոր Կուստուրիցան: Այս ֆիլմում Խաչատուրը հանդես է եկել նաև որպես դերասան՝ ընկերակցելով իտալացի հայտնի դերասանուհի Մոնիկա Բելուչիին:

Խաչատուր Ալմազյանը ծնվել է Հայաստանում՝ երաժշտական ընտանիքում: Կրթությունը ստացել է Չայկովսկու անվ. դպրոցում (ՀՀ վաստակավոր ուսուցիչ պրոֆ. Պետրոս Հայկազյանի դասարան) և Երևանի կոնսերվատորիայում (պրոֆ. Վիլլի Մոկացյանի դասարան): Կատարելագործվել է Իգոր Օյստրախի մոտ՝ Բրյուսելի Royal Conservatory-ում, Միշա Քեյլինի մոտ՝ Նյու Յորքում և Էդուարդ Վուլֆսոնի մոտ՝ Փարիզում:

Լրահոս
Մենանվագ Կամերային երգչախումբը սկավառակի շնորհանդես-համերգով ներկայացրեց Էդգար Հովհաննիսյանի խմբերգերը Ավարտվեց «Երաժշտություն հանուն ապագայի» կրթաթոշակառուների համերգաշարը Օգնելով ուրիշին՝ օգնում ես ինքդ քեզ «Արցախյան կամուրջներ». Թումանյանի թանգարանում կբացվի Զոհրաբ Ըռքոյանի լուսանկարների ցուցահանդեսը Christie's աճուրդում վաճառվել են Վան Գոգի, Շագալի, Պիկասոյի և այլ հայտնի նկարիչների գործերը Նոր ցուցադրություն` Գեղագիտության ազգային կենտրոնի թանգարանում Նկարիչ Վազգեն Քալայջյանի երեսուն տարվա աշխատանքները կցուցադրվեն նորաբաց «Լաթիթյուդ» պատկերասրահում Մայիսի 18-ին հայաստանյան և արցախյան 113 մշակութային կազմակերպության մուտքն անվճար է Քրիստոսի բարի մշակը. Մովսես Տաթևացի Պեղումների արդյունքում Արտաշատում բաղնիքներ, պալատներ և հռոմեական ակվեդուկ է հայտնաբերվել Խաչատրյանի անվան մրցույթին մասնակցելու հայտ է ներկայացրել աշխարհի 27 երկրի դիրիժոր Չծուլանալ, չհուսահատվել, միայն հավատալ Ճարտարապետ Հովհաննես Մարգարյանի եզակի էսքիզները ներկայացված են «Քարի ձայնն ու բույրը» ցուցահանդեսում ՀՀ ժողովրդական արտիստ, կոմպոզիտոր Էդվարդ Միրզոյանի ծննդյան օրն է Ո՞վ է մերձավորը 106 տարեկանում կյանքից հեռացել է աշխարհի ամենատարեց գործող դերասանը Կառլովի Վարիի կինոփառատոնը հետաձգել են օգոստոսի վերջին «Կաֆկայի երազը» ընդգրկվել է Հելսինկիիում կայանալիք անիմացիոն ֆիլմերի միջազգային փառատոնի ծրագրում Մոսկվայում վերջին հրաժեշտն են տվել ՌԴ ժողովրդական արտիստ Միխայիլ Բաղդասարովին Աղոթքը ջանք է պահանջում Ժողովրդական արվեստի կրքոտ սիրահարը. ազնիվ, հայրենասեր ու սկզբունքային. այսպիսին էր գեղանկարիչը Վահան Արծրունին «Կոմիտաս. տասը հայտնություն» համերգ կունենա Վարդապետի թանգարան-ինստիտուտում Sotheby's-ն աճուրդի է հանել Վասիլի Կանդինսկիի` 25-35 մլն դոլար գնահատվող կտավը Ազգային գրադարանը ներկայացրեց Շուշիի տպարաններում հրատարակված հետաքրքիր գրքերն ու ամսագրերը Կհնչեն Ալեքսանդր Սպենդիարյանի և Երվանդ Երկանյանի ստեղծագործությունները Ա Պետրոս 3:17 Արա Հուսիկ․ Սաղմոսներ Արցախի հայոց ժառանգությունը վտանգված է. Մայր Աթոռ Ս. Էջմիածինը ահազանգում է Օպերային թատրոնի բեմ կբարձրանա Ռուջերո Լեոնկավալոյի «Պայացներ» ներկայացումը «Չգիտե՞ք, որ Աստծու տաճար եք» Հայ հեղինակները ներկայացվել են Եվրոպական Միության գրական մրցանակի Ֆիլհարմոնիկ նվագախմբի համերգով կմեկնարկի Էդվարդ Միրզոյանի անվան մրցույթը Աղոթքի արտաքին սովորույթը Հայկ Կազազյանի, Վահագն Պապյանի մասնակցությամբ համերգով մեկնարկեց Հայ կոմպոզիտորական արվեստի փառատոնը Վրուբելի «Դևը և հրեշտակը Թամարայի հոգու հետ» կտավը Երևանից կտարվի Մոսկվա Ձայնը Տուն-թանգարանի այցելուները հնարավորություն կունենան տեսնելու Արամ Խաչատրյանի հետմահու դիմակը Տուն-թանգարանի այցելուները հնարավորություն կունենան տեսնելու Արամ Խաչատրյանի հետմահու դիմակը «Նարեկ» համույթը «44» պարային ներկայացմամբ արվեստասերներին կպատմի 44-օրյա պատերազմի մասին
website by Sargssyan