USD
EUR
RUB

Սամվել Կոսյան․ Խաղադրույք

 

1.
Ո՞ւմ մեղքն է շատ և ումը` քիչ,
ում պարտություններն են արդարացված,
ում հաղթանակներն են փուչ ու ոչինչ
և ում վերքերն են դեռ չփակված:

Ահա սկիզբը, վերջն իր դուռը դեռ չի գտել,
քայլերը շարունակում են ծուղակներին,
հաղթողները սատանային մտերմացել,
ժեռ քարեր են նետում պարտվածներին:

Պարտվածների մոտ են քարերն արդեն,
ո՞վ ուժ ունի, սակայն, դրանք հետ նետելու,
ե՞րբ է ժամը իրենց, ե՞րբ է, դեռ չգիտեն`
ով է առաջնորդը, ում են հետևելու:

2.
Նույն ճանապարհն է- գնաս թե գաս,
Նույնը չէ գնացողը, եկողը նույնպես,
Ի՞նչ են կորցրել, նրանց ի՞նչն է պակաս,
Ի՞նչն է վանում, ստիպում կքվել այդպես:

Ո՞ւր են գնում, ինչո՞ւ, և հետ գալը որն է,
Ի՞նչ են փնտրում, փնտրում ու չեն գտնում,
Նրանց համար հիմա ասես կարևորը
Չուշանալն է, մեկ էլ` չհայտնվել մթնում:

Նրանց ուսին բեռ է կյանքի գաղափարը,
Կյանքը ինքը բեռ է` ապրողից էլ մեծ,
Գնաս թե գաս, նույնն է ճանապարհը,
Նույնն է ինչին և ում առաջ ծնկես:

3.
Թռչունն ի՞նչ լուր է բերելու քեզ,
Ի՞նչ կախարդանք է դառնալու ուղի,
Որ ինքդ քո մեջ անդարձ չպարտվես,
Սիրտդ չտանես մռայլ փակուղի:

Անձրևի միջով, ձյան ու կարկուտի,
Թռչունն ինչեր է հաղթահարելու,
Ո՞նց է ճեղքելու պատնեշը մութի
Ու սպասված լուրը ո՞նց է բերելու:

Վհատվել պետք չէ, լույսն է թռչունը,
Սիրո աչքերից ուղղված դեպի քեզ,
Ու քո մեջ փնտրիր նրա անունը,
Պատուհանդ բաց, որ դիմավորես…

4.
Քո ժամանակը` սրտիդ պես մաշված,
Կպել անցյալին` ո՛չ առաջ, ո՛չ հետ,
Թե հոգսի քամին կատաղեց հանկարծ,
Ցավն է լինելու քո երգը հավետ:

Ու փնտրելու ես մեղքի տիրոջը
Օրերիդ անկյանք դարակներում,
Երբ դու ես նրա իրական որջը,
Բառերիդ պես մութ ու երերուն:

Քո ժամանակը քոնը չէ կարծես,
Նա չի ընտրել քեզ, ոչ էլ դու նրան,
Քնած էիր երբ, չարքերը անտես
Նրան քո դաշտից իրենց դաշտ տարան:

5.
Չի եղել, չկա, խաղ է հորինված,
Խաղ` ինքդ քեզ հետ, ինքդ քո դեմ,
Հաղթողը դու ես ու դու ես պարտված`
Չհաշտվելով նոր մտքերիդ հետ:

Ծերության փոշին պատի պես խուլ
Բաժանել է քեզ, արել երկու կես,
Մեկում ներկան է քո պես խարխուլ,
Մյուսում լույս չկա, ինչքան փնտրես:

Բայց վերջը ո՞ւր է, խաղդ վերջ չունի,
Շարունակվելու է ուզես թե չուզես,
Մինչև կհասնես ափը անհունի
Ու վերջը գուցե այնտեղ էլ գտնես:

Աղբյուր՝ Grakantert.am

Լրահոս
Հովհաննես Գառնեցու մասին Մահացել է ճարտարապետ, նկարիչ Ֆրիդոն Ասլանյանը Կոնսերվատորիայի ուսանողները հանդես կգան Ֆրանսիայի ազգային տոնին նվիրված համերգով Ֆիլհարմոնիկ նվագախմբի կամերային համերգաշարի շրջանակում կհնչեն Ֆրանց Շուբերտի գործերը Վերականգնվում են «Անվերջության ժապավեն» և «Արձագանք» մոնումենտալ քանդակները Տաճարն Աստծու տունն է «Ճախրուկ» փառատոնը կատարումներով կզարդարեն Արտո Թունչբոյաջյանը և Armenian Navy Band խումբը Մահացել է հայտնի դուդուկահար Ջիվան Գասպարյանը Տիգրանակերտի դեպքում ադրբեջանցիները չգիտեն՝ մեզ ինչի մեջ մեղադրեն. Համլետ Պետրոսյան «Բայց դուք, եղբարք, մի ձանձրանաք բարիք գործելուց» Հայաստանի պետական կամերային երգչախումբը բարձր մակարդակով է ելույթ ունեցել Ռավեննայի փառատոնին «Բաբաջանյանը Երևանում»՝ հուլիսի 3-9-ը Աստծու գոյությունը, մաս 3-րդ «Ոսկե ծիրան» կինոփառատոնը 2021-ին կանցկացվի հոկտեմբերին «Ոսկե ծիրան» կինոփառատոնը 2021-ին կանցկացվի հոկտեմբերին ԳԱԿ-ը հայտարարում է «Գագիկ Հարությունյան. մոռացումի անսպասելի գեղեցկությունը» ցուցադրության բացման մասին Ջեյմի Լի Քյորտիսը Վենետիկի փառատոնի «Ոսկե առյուծ» մրցանակ կստանա կինեմատոգրաֆում ներդրած ավանդի համար Իտալիայում մեկնարկել են Հայաստանի պետական կամերային երգչախմբի փորձերը Կրքերի մասին Վահագն Դավթյան․ Քարե քնքշանք ԱԺ-ն ընդունեց կինեմատոգրաֆիայի ոլորտը կանոնակարգող նոր օրենքը Հայկական հանդերձի գունեղ ու զարմանալի ավանդույթները՝ «Դրվագներ ինքնության. Տարազ» ցուցահանդեսում Ռազմիկ Դավոյան. Իմ ձայնը անմարմին, անգլուխ... Միքայել Միրզոյանի անվան երաժշտական դպրոցն ամփոփիչ համերգ է տվել Նարեկ Հախնազարյանը Սիմֆոնիկ նվագախմբի հետ կներկայացնի իրեն նվիրված կոնցերտը Սպենդիարյանի 150-ամյակին լույս է տեսել «Ալմաստ» օպերային նվիրված Գեորգի Բուդաղյանի գիրքը Լիվերպուլի պատմական հատվածը կարող է զրկվի ՅՈՒՆԵՍԿՕ-ի Համաշխարհային ժառանգության կարգավիճակից Ռուսական արվեստի թանգարանում կբացվի «Որոնելով գեղեցիկը։ Միխայիլ Վռուբել» ցուցահանդեսը Որ մեր սրտերը չխռովվեն, որ չվախենանք․ կայունացման ուղին «Դարի գողությունը» բացահայտվել է. Հունաստանի ոստիկանությունը հայտնաբերել է 9 տարի առաջ գողացված Պիկասոյի և Մոնդրիանի կտավները Համազգային թատրոնը փոխեց չեխովյան փառատոնի իմիջը.«Փափլիկը» ներկայացումը արժանացել է բարձր գնահատականի «Երևանյան հեռանկարներ» փառատոնի առաջին համերգին ելույթ կունենա Իտալիայից ՀՀ ժամանած դաշնակահար Մայա Օհանյանը Աստծու սերը միտքը ուղղում է դեպի սիրտ Խաբվածները Համո Սահյան․ Կածանն ինձ տաներ... Գրիգոր Տատինցյանի «փախուստը» դեպի վառ իրականություն Գրատպության թանգարանի առաջին առցանց հավաքածուն հասանելի կլինի Google Arts & Culture հարթակում «Նովելի իշխան» Գրիգոր Զոհրապի ծննդյան 160-ամյակն է Շուշին 1902թ. օգոստոսին, Բ մաս Աղոթքը դառնում է սրտաբուխ, երբ միտքն իջնում է սիրտ
Ամենաընթերցված
website by Sargssyan