USD
EUR
RUB

Արվեստը՝ զգացմունքների գիտություն. Վալմարը հանրությանը ներկայացրեց «Պայքար» շարքը

 

ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: ՀՀ ժողովրդական նկարիչ Վալմարի «Պայքար» շարքում ներկայացված է 25 աշխատանք: Նկարիչը կտավներն ստեղծել է 2019-2020 թվականներին, սակայն չի կարողացել ավելի վաղ ցուցադրել համավարակի տարածման պատճառով:

«Արմենպրես»-ի հաղորդմամբ՝ ցուցահանդեսի բացման հանդիսավոր արարողությունը տեղի ունեցավ ապրիլի 20-ին «Վալմար» ցուցասրահում:

«Մոտ հիսունից ավելի անհատական ցուցահանդես եմ ունեցել աշխարհի բազմաթիվ երկրներում, բայց իմ անվան ցուցասրահի բացումից հետո գրեթե ամեն տարի այստեղ ցուցահանդես եմ կազմակերպել՝ տարբեր թեմաներով: Մեկնել եմ Իտալիա և ներկայացրել եմ «Իտալական շարքը. արտացոլումներ», եղել եմ Իսպանիայում ու նկարել «Իսպանական շարք. արտացոլումներ», «Պայքար», «Վիճակ» և այլ շարքերը: Ինձ միշտ հետաքրքրել է, թե տվյալ խնդիրը ինչքանով եմ կարողացել լուծել, հետաքրքրել է իմ աշխատանքները արվեստասեր հասարակությանը ներկայացնելը, իմ ընկերներին, բարեկամներին, բոլոր նրանց, ովքեր իմ կողքին են եղել տարիներ շարունակ»,-նշեց Վալմարը:

Նրա խոսքով՝ երբ իր գործերը հանձնում է հանրության դատին, լիցքավորվում է, կրկին աշխատելու եռանդով է լցվում:

Նկարիչն առհասարակ կարևորում է անհատական ցուցահանդեսները, հատկապես, երբ տարբեր թեմաներով շարքեր է ներկայացնում: Սիրում է շրջել տարբեր երկրներում և, ոգեշնչվելով այս կամ այն քաղաքից, վառ ու լուսավոր գույներով ներկայացնել այս կամ այն երկրի, քաղաքի հրաշքները:

«Չմոռանանք, որ արվեստը զգացմունքների գիտություն է: Զգալու համար հարկավոր է իմանալ, իմանալու համար հարկավոր է կարողանալ: Արվեստով ապրող մարդը հարուստ ներաշխարհ ունի, բարի է, լուսավոր է, իմպուլսիվ ու դրական: Շատ կարևոր է, որ երեխաներն արվեստին մոտ լինեն, քանի որ արվեստով ապրող մարդու հոգին մաքուր է, ազնիվ է: Աշխարհի արվեստի պատմությունն ուսումնասիրելիս տեսնում ենք, որ բոլոր դրական ազգերն արվեստասեր են եղել: Այն երեխան, որն աչքերը բացելով պատին կախված նկար չի տեսնում, բացեր կունենա, քանի որ նկարչությունն անփոխարինելի հույզեր է փոխանցում»,-շեշտեց Վալմարը:

Նկարիչը կարծում է, որ ամեն ինչում անհրաժեշտ է դրական նոտա տեսնել, հավանաբար դա է պատճառը, որ Վալմարի աշխատանքներում գերակշռում են վառ գույները՝ կարմիրը, դեղինը և այլն: «Բոլոր մութ բաները ժամանակավոր են: Մթության մեջ անգամ լույս կա: Մարդը մտածում է, որ օրերից մի օր ամեն բան լուսավորվելու է, օրերից մի օր պետք է ավարտվի տառապանքը, չարչարանքը, գորշությունը: Այդ ժամանակ կրկին փորձում ես անել այն, ինչ քեզ կթելադրի արտաքին աշխարհը, փորձում ես անել այն, ինչ կթելադրի քեզ քո հոգին»,-եզրափակեց Վալմարը:

Ցուցահանդեսը բաց կլինի մեկ ամիս:

Վալմարը (Վոլոդյա Մարգարյան) 1966 թվականին ավարտել է Գյումրիի գեղարվեստի դպրոցը, իսկ 1972-ին՝ Երևանի գեղարվեստա-թատերական ինստիտուտը: Եղել է Երվանդ Քոչարի աշակերտը:

Մասնակցել է հանրապետական և համամիութենական ցուցահանդեսների։ Ունեցել է ավելի քան 40 անհատական և 120 խմբակային ցուցահանդես Հայաստանում, Ռուսաստանում, մերձբալթյան երկրներում, Եվրոպայում, Միջին Արևելքի, Ամերիկայի և Կանադայի մի շարք քաղաքների մշակութային կենտրոններում և պատկերասրահներում:

Վալմարի ստեղծագործությունները ցուցադրված են Հայաստանի, Ռուսաստանի, ԱՄՆ-ի,Իտալիայի, Ճապոնիայի, Ֆրանսիայի պատկերասրահներում և թանգարաններում, ինչպես նաև բազմաթիվ ստեղծագործություններ ներառվել են մի շարք երկրների մասնավոր հավաքածուներում: 2004 թվականին Երևանում հիմնադրել է «Վալմար» արվեստի սրահը:

«Իմ պատուհանից», «Մանկաբույժը», «Հայելիներով նատյուրմորտ», «Տեսարան Լենինականից» և մի շարք այլ կտավներում և «Երաժշտություն», «20-րդ դարի ռիթմեր», «Պայքար», «Արհավիրք», «Իրավիճակ» նկարաշարերում հեղինակը հարուստ երանգներով գույների զուգորդությամբ դիմել է գեղարվեստական արտահայտչաձևերի բազմաշերտ ընդհանրացումների:

Անժելա Համբարձումյան

Լրահոս
Հովհաննես Գառնեցու մասին Մահացել է ճարտարապետ, նկարիչ Ֆրիդոն Ասլանյանը Կոնսերվատորիայի ուսանողները հանդես կգան Ֆրանսիայի ազգային տոնին նվիրված համերգով Ֆիլհարմոնիկ նվագախմբի կամերային համերգաշարի շրջանակում կհնչեն Ֆրանց Շուբերտի գործերը Վերականգնվում են «Անվերջության ժապավեն» և «Արձագանք» մոնումենտալ քանդակները Տաճարն Աստծու տունն է «Ճախրուկ» փառատոնը կատարումներով կզարդարեն Արտո Թունչբոյաջյանը և Armenian Navy Band խումբը Մահացել է հայտնի դուդուկահար Ջիվան Գասպարյանը Տիգրանակերտի դեպքում ադրբեջանցիները չգիտեն՝ մեզ ինչի մեջ մեղադրեն. Համլետ Պետրոսյան «Բայց դուք, եղբարք, մի ձանձրանաք բարիք գործելուց» Հայաստանի պետական կամերային երգչախումբը բարձր մակարդակով է ելույթ ունեցել Ռավեննայի փառատոնին «Բաբաջանյանը Երևանում»՝ հուլիսի 3-9-ը Աստծու գոյությունը, մաս 3-րդ «Ոսկե ծիրան» կինոփառատոնը 2021-ին կանցկացվի հոկտեմբերին «Ոսկե ծիրան» կինոփառատոնը 2021-ին կանցկացվի հոկտեմբերին ԳԱԿ-ը հայտարարում է «Գագիկ Հարությունյան. մոռացումի անսպասելի գեղեցկությունը» ցուցադրության բացման մասին Ջեյմի Լի Քյորտիսը Վենետիկի փառատոնի «Ոսկե առյուծ» մրցանակ կստանա կինեմատոգրաֆում ներդրած ավանդի համար Իտալիայում մեկնարկել են Հայաստանի պետական կամերային երգչախմբի փորձերը Կրքերի մասին Վահագն Դավթյան․ Քարե քնքշանք ԱԺ-ն ընդունեց կինեմատոգրաֆիայի ոլորտը կանոնակարգող նոր օրենքը Հայկական հանդերձի գունեղ ու զարմանալի ավանդույթները՝ «Դրվագներ ինքնության. Տարազ» ցուցահանդեսում Ռազմիկ Դավոյան. Իմ ձայնը անմարմին, անգլուխ... Միքայել Միրզոյանի անվան երաժշտական դպրոցն ամփոփիչ համերգ է տվել Նարեկ Հախնազարյանը Սիմֆոնիկ նվագախմբի հետ կներկայացնի իրեն նվիրված կոնցերտը Սպենդիարյանի 150-ամյակին լույս է տեսել «Ալմաստ» օպերային նվիրված Գեորգի Բուդաղյանի գիրքը Լիվերպուլի պատմական հատվածը կարող է զրկվի ՅՈՒՆԵՍԿՕ-ի Համաշխարհային ժառանգության կարգավիճակից Ռուսական արվեստի թանգարանում կբացվի «Որոնելով գեղեցիկը։ Միխայիլ Վռուբել» ցուցահանդեսը Որ մեր սրտերը չխռովվեն, որ չվախենանք․ կայունացման ուղին «Դարի գողությունը» բացահայտվել է. Հունաստանի ոստիկանությունը հայտնաբերել է 9 տարի առաջ գողացված Պիկասոյի և Մոնդրիանի կտավները Համազգային թատրոնը փոխեց չեխովյան փառատոնի իմիջը.«Փափլիկը» ներկայացումը արժանացել է բարձր գնահատականի «Երևանյան հեռանկարներ» փառատոնի առաջին համերգին ելույթ կունենա Իտալիայից ՀՀ ժամանած դաշնակահար Մայա Օհանյանը Աստծու սերը միտքը ուղղում է դեպի սիրտ Խաբվածները Համո Սահյան․ Կածանն ինձ տաներ... Գրիգոր Տատինցյանի «փախուստը» դեպի վառ իրականություն Գրատպության թանգարանի առաջին առցանց հավաքածուն հասանելի կլինի Google Arts & Culture հարթակում «Նովելի իշխան» Գրիգոր Զոհրապի ծննդյան 160-ամյակն է Շուշին 1902թ. օգոստոսին, Բ մաս Աղոթքը դառնում է սրտաբուխ, երբ միտքն իջնում է սիրտ
Ամենաընթերցված
website by Sargssyan